శాకాహారం, పెట్టుడు మందు - డా ఏల్చూరి

శాకాహారం మంచిదా.. మాంసాహారం మంచిదా.. 

మాంసాహారం అంటే మృతాహారం అని అర్థం. మృతం అంటే చచ్చిపోయింది, వ్యర్థమైంది, నీచమైంది అని చెప్పుకోవాలి. చచ్చిపోయిన ఏ ప్రాణిలో అయినా మరుక్షణమే కోటానుకోట్ల వ్యాధికారక సూక్ష్మ జీవులు ఉత్పన్నమై క్షణ క్షణం పెరుగుతూ ఉంటాయి. అందుకే చనిపోయిన మనిషి వద్ద కూడా ఈ సూక్ష్మజీవుల వల్ల ఇతరులకు హాని కలుగకుండా పొగ వేస్తుంటారు. అంతేకాక చనిపోయిన వ్యక్తి ఎంత గొప్ప వాడైనా ఆ రోజు సూర్యాస్తమయం లోపుగా అతడిని కాల్చివేయడమో, భూమిలో పూడ్చి వేయడమో జరుగుతుంది. ఆ కొద్ది సేపు శవం వద్ద ఉన్న వారు ఆ బట్టలు తీసివేసి స్నానం చేసిన తర్వాతే ఇళ్లకు పోతారు. శవం మోసిన వారు స్మశానంలోనే గుండు గొరిగించుకుని తల స్నానం చేసి బట్టలు మార్చుకుని ఇంటికి వస్తారు. అంతే కాక చనిపోయిన వ్యక్తి ఇంటికి దినం జరిగే వరకు ఇతరులెవరూ రారు. ఎందుకంటే ఆ ఇల్లంతా శవం నుండి పుట్టిన క్రిములతో నిండి ఉంటుంది కాబట్టి . ఇలా వ్యాధి కారకమైన మాంసాహారం మానవులకు యోగ్యమైనది కాదు. మాంసాన్ని తాము తింటున్నాం అనుకుంటారు చాలా మంది. నిజానికి మాంసమే వారి అందాన్ని, ఆరోగ్యాన్ని , ఆనందాన్ని, ఆయువును తింటుందని వారికి తెలియదు. ఇక శాకాహారంలో మృత కణాలు ఉండవు. ఇది సజీవమైనది. శక్ అంటే శక్తివంతమైన, సౌందర్యవంతమైన, పరాక్రమవంతమైన అనే అర్థం. శాకాహారం వల్ల మానవులకు సర్వశక్తులు అందడమే కాక వారికి సత్వ గుణం, కాంతి, తేజస్సు ఆయువు పెంపొందుతూ వారి జీవితం స్వర్గ ధామంగా మారుతుంది. ఇంగ్లీషు చదువులు చదవడం తప్ప దేశీయ విజ్ఞానం అణు మాత్రమైనా తెలియని ఆధునిక మేధావులు వ్రాసిన అవాస్తవాలు నమ్మి తిరిగి నరక కూపంలో పడిపోకుండా శాకాహారంతో శక్తిని , ఆ శక్తితో దేశ భక్తిని, ఆ భక్తితో జీవన్ముక్తిని సాధించాలి. 

పెట్టుడు మందు సమస్య..

వందేళ్ళ వయసు గల వేప చెట్టు నుండి ఆకులు 100 గ్రాములు , దోరగా వేయించిన మిరియాలు 50 గ్రాములు , సైంధవ లవణం పొడిని 25 గ్రాములు , తేనె 100 గ్రాములు తీసుకోవాలి. తేనె తప్ప మిగిలిన వాటిని మెత్తటి చూర్ణాలుగా తయారు చేసుకొని , తేనెతో కలిపి మెత్తగా దంచి ముద్ద చేసుకుని నిలువ చేసుకోవాలి. దీన్ని పాపకు 2 గ్రాముల మోతాదుగాను, అమ్మకు 5 గ్రాములు మోతాదుగాను ఆహారానికి గంట ముందు తినిపించాలి. దీనివల్ల శరీరంలో ఎలాంటి విషమైనా విరిగిపోయి సంపూర్ణ ఆరోగ్యం కలుగుతుందని మహా ఋషుల ఆజ్ఞ. 

ఆరోగ్యకరమైన ఆహ్లాదకరమైన గర్భ ధారణ..

ఆరోగ్యకరమైన గర్భధారణ ఆరోగ్యకరమైన ఆహారం గర్భధారణ సమయంలో

స్త్రీ జీవనానికి పరాకాష్ట అర్థం ఆ మాతృత్వం ఆమెకి పరిపూర్ణతని జీవితానికి ఒక అర్థాన్ని అద్భుతమైన అనుభవాన్ని ఇస్తుంది రెండవ నెల ఆరంభమయ్యాక తను గర్భవతినని తెలిసిన క్షణం నుంచి ఇల్లాలు గర్భవతిగా మారి ఆరవ నెల వచ్చేసరికి ద్రౌ హృద్రి గా మారి తొమ్మిదో నెల దాటాక పూర్ణవతిగా మారి ప్రసవం తర్వాత సూదికగా తల్లిగా మారుతుంది ఆ మొదటి క్షణం నుంచి ఈ క్షణం దాకా అది ఆహార భరితమై ఆనందంగా ఆరోగ్యంగా ఉండాలి మీరు గుర్తించారో లేదో కానీ ఈ లోకంలో ఒక అద్భుత శక్తి ఉంది దాన్నే మనం దేవుడు భగవంతుడు అని అంటున్నాం భార్యాభర్తలు ఇద్దరూ కలిసే సంయోగ సమయంలో విడుదలైన రెండు విభిన్న స్వరూపాలు కలిగిన చిన్న జీవ కణాలు లాంటివి కలిసి తమ రూపురేఖ విలాసాలను కోల్పోయి మరో కొత్త జీవిగా క్షణకాలంలో ఏర్పడి జీవం సంతరించుకొని బుజ్జి పాపాయిగా గర్భంలో స్థిరపడి పెరుగుతుంది

అందుకే కరుణశ్రీ అంటారు పుట్టబోయేది బుల్లి బుజ్జాయి కోసమై పొదుపు గిన్నెలో పాలు పోసి అలసిపోయితినేమో అని భగవంతుడిని పిలుస్తారు ఈ గర్భిణిగా ఉన్న కాలాన్ని అమృతమయం చేసుకునేటట్లు తీర్చిదిద్దారు

అపోహలు వద్దు.. ఆధునిక ఆలోచన ధోరణిలో గర్భధారణ హఠాత్తుగా జరిగే ఒక ప్రమాదం అని అనుకోకుండా జీవితం అనుభవించడానికి కాలం చాలటం లేదని టీవీలో వచ్చే మందులతో గర్భస్రావం చేసుకోకుండా చక్కటి ప్రణాళికతో అద్భుతమైన అనుభవాన్ని ఆస్వాదించాలి. ఆలస్యంగా వివాహాలు అవుతున్న కాలంలో అంతకుముందున్న హార్మోన్ల హెచ్చుతగ్గుల వల్ల గర్భం రావడం అవుతుంది అందుకే గుణవంతమైన తొలి గర్భాన్ని తొలగించుకోకుండా ఉండటం మంచిది. గర్భం గురించి భయపడటం బాధపడటం కన్నా అర్థం చేసుకుని మంచి ప్రణాళికతో ముందుకు సాగండి చాలామంది స్త్రీలు గర్భధారణ సమయంలో మన వాళ్లు చెప్పే ప్రక్రియ గురించి అపోహ పడతారు కానీ వాటిని అర్థం చేసుకొని ఆచరిస్తే మంచి ఫలితాలు ఉంటాయి ఆయుర్వేదంలో గర్భిణీ పరిచర్య అన్ని కాలాలకి అన్ని వర్గాల ప్రజలకి అన్ని దేశాల వారికి అన్ని స్వభావాల వారికి అనుగుణంగా చెప్పబడ్డాయి అందుకే గర్భిణీ చేసే సంస్కారాలను గాను ఖర్చుతో కూడిన ఆడంబరంగానో చూడకూడదు ఆయా మాసాలలో చేసే ఆ సంస్కారాల ప్రభావం గర్భిణీకి ఆమెలో పెరుగుతున్న బిడ్డకు ఎంతో మేలు చేస్తాయి బిడ్డ ఆరోగ్యంగా అందంగా ఎదగడానికి ఎటువంటి ఉపద్రవాలు రాకుండా కాపాడతాయి గర్భం దాల్చడానికి మూడు నెలల ముందు నుంచే ఆలోచించడం ఆరంభించాలి ముందు నుంచే భార్య భర్తలు ఇద్దరు మంచి ఆహారం తీసుకోవాలి దీన్ని శుక్ర ఆవృత ఆప్యాయనం అంటారు  పురుషునిలోని శుక్ర బీజం, స్త్రీలోని ఆర్థవబీజం  పుష్టికరమైన ఆహారం తీసుకోవడానికి ఆప్యాయనం అంటారు.

సంస్కారాలు... బెల్లం నెయ్యితో చేసిన మినప సున్ని ఉండలు, వేయించిన జీడిపప్పు బాదం వంటి బలమైనా ఆహారాన్ని తీసుకోవడం గర్భిణికి హితకరం. గర్భిణికి మినుములతో చేసిన గారెలు నువ్వులు బెల్లం కలిపిన ఉండలు తినడం రాత్రి పాలు తాగడం హిత కరం.. శరీరాన్ని ముఖ్యంగా గుహ్య భాగాలను శుభ్రంగా ఉంచుకోవడం పంచకర్మ చికిత్సల ద్వారా శరీరాన్ని నవోన్వేషం చేసుకోవడం చాలా మంచిది నెలసరి అయిన ఆరవ రోజున స్త్రీలు తైలవస్తి చేయించుకోవడం వల్ల గర్భాశయ శ్లోతస్సులు శక్తివంతమై ఉత్తేజితమై గర్భధారణకు అనుకూలంగా మారుతాయి అక్కడ అభ్యంగనాదుల వల్ల ఉత్తేజితమై కలయిక సమయంలో తొందరగా ప్రేరేపితమవుతాయి. ఒక్కో ఆలోచన ఒక్కో పని వలన మనసులో ఒక ముద్రని అనుభూతుని కలిగించి వదులుతుంది అది శాశ్వతంగా ఉండిపోతుంది. అలాంటి మంచి ముద్రలే సంస్కారాలు అంటారు స్త్రీ పురుషుల శుక్ర ఆర్తవ సంయోగం చుట్టూ ఉండే పరిసరాల ప్రభావం వాళ్లలో ఉండే ఆలోచన సరళి ఉద్వేగాదులు ఇవన్నీ సంస్కారాలను ప్రభావితం చేస్తాయి ఈ సంస్కారాలు రెండు విధాలు ఒకటి శిశువు తల్లి గర్భంలో ఉన్నప్పుడు గర్భస్థ సంస్కారాలు రెండవది అతను జన్మించాక చేసే సంస్కారాలు జన్మాంతర సంస్కారాలు

దేవుడిచ్చిన వరం.. మొదటి సంస్కారాలలో తొలి సంస్కారాన్ని గర్భదానం అంటారు రెండవది పుంస వనం, సీమంతోత్సవం ఈ మూడింటిని గర్భిణీ సంస్కారం అంటారు అలాగే పుట్టిన తర్వాత చేసేటటువంటి ఉపనయనం బ్రహ్మచర్య సంస్కారం గృహస్థ సంస్కారం ఇవి మూడు జన్మాంతర సంస్కారాలు

గర్భిణీలు ఆరోగ్యంగా ఉండడానికి సంభోగం శారీరక శ్రమ ఆరాటం ఎక్కువ వేడి వస్తువులు తినడం తీవ్రమైన మందులు వాడటం గర్భపాతక పదార్థాలు ఇంగువ బొప్పాయి నువ్వులు వంటివి తినడం మానివేయాలి. పరుగెత్తడం ఎగిరే ఆటలు ఆడడం కుర్చీ చేతుల మీద గడపల పైన కూర్చోవడం భయంకరమైన దృశ్యాలు చూడటం కడుపులో గాలిని బిగబట్టడం మలమూత్ర వేగాలని ఆపుకోవడం విపరీతంగా శ్రమించడం తనకు తాను కానీ ఇతరుల చేతకాని నొప్పించబడటం పుట్టపై బరువు మోపడం ఎండిన బాగా కారంగా వేడిగా ఉన్న పదార్థాలు తినడం ఆకలిని చంపుకోవడం చేయకూడదు ముఖ్యంగా గర్భిణీలు చెడు ఆలోచనలు వాటి వల్ల వచ్చే ఉద్రేఖదులు దరిచేరనివ్వకూడదు

 ఈ కాలంలో ముఖ్యంగా మద్యం తీసుకోకూడదు ఇది ఎదుగుతున్న గర్భస్థ శిశువుపై ప్రభావం చూపుతుంది ఎక్కువ తీపి పదార్థాలు తినకూడదు దీనివల్ల అంతశక్తి తగ్గుతుంది అలాగే ఎక్కువ ఉప్పు తీసుకోకూడదు దీనివల్ల నీరు శరీరంలో నిలవబడుతుంది గర్భిణులు మంచి మాటలు వింటూ మంచి పుస్తకాలు చదువుతూ మంచి ఆలోచనలతో సంతోషంగా శరీరం మనసు పెరుగుతున్న శిశువు ఆరోగ్యంగా ఉంటాయి

తేనెలో ఊరవేసిన ఉసిరికాయలు రోజుకు ఒకటి చొప్పున తీసుకొని రాత్రి పాలు తాగుతుంటే గర్భిణీకి బలంతో పాటు గర్భం కూడా చక్కగా ఎదుగుతుంది

సొంటి అర చెంచా సరస్వతీ ఆకుల చూర్ణం అర చెంచా యాలకుల చూర్ణం అర చెంచా మిరియాల చూర్ణం అర చెంచా ఈ మూడింటిని చూర్ణాన్ని రోజుకు 200 గ్రాములు అర గ్లాసు పాలతో తీసుకుంటే అందమైన పిల్లలు పుడతారు.

నటీమణుల సేవా కార్యక్రమాలు..

రవీనా టాండన్.. ఫ్లూ.. అవగాహన..


జుహీ చావ్లా ..పేద ప్రజలకు అల్లోపతి, హోమియో పతి, ఆయుర్వేద సేవలు.


జియా ఖాన్.. కార్యక్రమాలలో భాగ స్వామ్యం..

అమృతా రావు -  పర్యావరణ పరిరక్షణ కార్యక్రమాలు.

లారా దత్తా - గర్భిణీ స్త్రీలకు..వ్యాయామం ప్రాధాన్యత ..అవగాహన 

సోనమ్ కపూర్- రొమ్ము క్యాన్సర్ అవగాహన కార్యక్రమాలు.

సైనసైటిస్ కు..ఆయుర్వేద పరిష్కారాలు..

ముక్కులో పై భాగంలో తెలియని ఒత్తిడి, ఏమీ తోచనివ్వని బాధ ,అక్కా, నుదురు, కళ్ల చివర, ముక్కు పైభాగం బాగా నొప్పిగా ఉంటుంది .తరచూ జలుబు కూడా వస్తోంది ,జ్వరం కొద్దిగా ఉంటుంది, ఇది తరచూ వస్తోంది, పైగా ఈ తలనొప్పి ఒకటి. డాక్టర్ అన్ని పరీక్షలు చేసి ఇది సైనసైటిస్ అన్నారు. ఆపరేషన్ అవసరమేమో అన్నారు ఇది ఈఎన్టీలో సాధారణంగా వచ్చే వ్యాధి ఇది ఏవో మందులకే కొంచెం తగ్గి అస్తమానూ తరచుగా వస్తు బాధపెడుతుంది చివరికి జీవితంలో ఇదొక ఎప్పుడు వచ్చే చుట్టంలా వస్తూ ఉంటుంది. 

 సైనసైటిస్ అంటే  ముక్కులోంచి వచ్చే గట్టి చీమిడి అంటే మ్యూకస్ వెళ్లిపోకుండా లోపల దారుల వద్ద పేరుకుపోవడం. ఇలా పేరుకున్న ఈ పదార్థం చెడు చీముగా మారి నొప్పిని కలుగచేస్తుంది. దాంతోపాటు మాడు చల్లగా ఉండటం ,ముక్కు నుంచి నీళ్లు కారడం, తలనొప్పి, కళ్ళు మంటలుగా ఉండడం జరుగుతుంది. సైనసెస్ అంటే ముఖంలో ఉండే ఎముకల మధ్య ఉండే ఖాళీ ప్రదేశాలు లేదా సందులు వంటివి. ఈ సందుల గుండా గాలి ప్రయాణించి ద్రవ పదార్థాన్ని బయటకు పంపి ,మన శిరస్సును తేలికగా, చక్కగా ఉంచుతాయి. మన స్వరాన్ని చక్కగా ఉంచుతాయి.

ఆపరేషన్ అక్కరలేదు.. 

ఈ సందులు నాలుగు ఉంటాయి..  మ్యాక్సీలరీ ,ఎత్మాయిడ్, ఫ్రాoటల్ మరియు స్పినోయిడ్ అని. నాలుగు సైనస్ రెండేసి ముఖద్వారాలలో ఒక కాలువగా ఏర్పడి ముక్కుకు అనుసంధానపడతాయి. సన్నగా ఉన్న ఇవి కొంచెం వాచినా, దారి సన్నగిల్లి మూతపడతాయి. ఈ సైనస్  లోపలి పొరలే మనం పీల్చే గాలిని

వడపోసి పంపుతాయి. ఈ ప్రపంచంలో ప్రతి వ్యక్తి ఒక్కసారైనా ఈ సైనసైటిస్తో బాధపడుతున్నాడు. ఎక్కువమంది తరచుగా బాధపడుతున్నారు. మనుషులలో వ్యాధి నిరోధక శక్తి తగ్గినప్పుడు ,సామాన్యమైన జలుబు కూడా సైనసైటిస్ కు కారణం అవుతుంది. ఈ స్థితి ఒక్కోసారి భరించలేనంత నొప్పి ,ఒళ్లంతా నొప్పులతో కూడి బాధపెడుతుంది. దీనిని పీనసము అని అంటారు ఆయుర్వేదంలో. 

ఇది ఉద్రిక్తంగా ఉన్నప్పుడు లేదా చాలా కాలం నుంచి ఉన్నప్పుడు కూడా ఆయుర్వేదం దీనికి చక్కటి చికిత్సను ప్రతిపాదిస్తుంది. పసుపును నేతిలో సంబాలించి కానీ నేతితో ముస్త లేదా కరింజ యవక్షారము ఈ సైనసైటిస్ లో చాలా ఉపకరిస్తాయి. 

అలాగే నేతిలో కలిపిన అల్లం రసం, దేవదారు, గరికరసం, తెల్ల గన్నేరు పూలరసం జాగ్రత్తగా లోపలికి వేస్తే ఈ వ్యాధి పూర్తిగా తగ్గిపోతుంది .అయితే అనుభవమున్న ఆయుర్వేద వైద్యుల పర్యవేక్షణలో ఈ మందులను వాడాలి సైనసైటిస్ ఉన్నవాళ్లు వేడి నీటిలో, పసుపు, వేప నూనె 10 చుక్కలు వేసుకుని ఆవిరి పడితే ముక్కులోని ద్వారాలన్నీ కఫం కరగడం వల్ల శుభ్రపడతాయి. అలాగే ఆపరేషన్ కూడా అక్కరలేదు .శోధన నష్యకర్మ అని ఒక ప్రత్యేక పంచకర్మ చికిత్స ఉంది .ఈ ప్రక్రియ వల్ల మూసుకుపోయిన దారులన్నీ శుభ్రపడి తెరుచుకొని, వాపు తగ్గి సహజ స్థితి వస్తుంది. వచ తైలం, మదనఫల చూర్ణం వంటి వాటితో నష్యకర్మ చేస్తారు .ఇది మంచి  ఫలితాన్ని ఇస్తున్నాయని ఈమధ్య అమెరికాలో మహర్షి ఆయుర్వేద ప్రతిష్టాన్ వారు  నిర్వహించిన పరిశోధనల వల్ల తెలిసింది.

 సైనసైటిస్ రాకుండా జాగ్రత్తలు..

 ముక్కులో మందు చుక్కలు వేయటమే కాకుండా నుదుట ముక్కు పైభాగం చుట్టూ ఉన్న ప్రాంతం చక్కగా మర్దన చేసి కొన్ని మందుల కషాయంతో అక్కడ రాస్తారు. దీనివల్ల సైనసెస్ లో దారి శుభ్రపడి మామూలు స్థితి రావడానికి దోహదపడుతుంది. ప్రతిరోజు అను తైలం ముక్కులో రెండు మూడు చుక్కలు వేసుకుని లోపలికి పీల్చడం చాలా హితకరం .అలాగే పంచేంద్రియ వర్ధిని తైలంతో చేసుకుంటే దాన్ని ప్రతిమార్శ నస్యం అంటారు ఇది చాలా మంచిది. ఆహారంలో చల్లటి పదార్థాలు ,కూల్డ్రింక్స్, వేపుడు పదార్థాలు ,సెంట్లు ,సువాసన ద్రవ్యాలను దూరంగా ఉంచండి .వేడినీళ్లలో రెండు తమలపాకులు, రెండు అల్లం ముక్కలు, కొంచెం పిప్పరమెంటు, కొంచెం తేనె కలిపి తీసుకోండి. చాలా బాగుంటుంది .

రెండు చిటికెలు ఉప్పు,చిటికెడు మెత్తటి ఉప్పు, రెండు చిటికెల సొంటి చూర్ణం ,చిటికెడు మిరియాల చూర్ణం కలిపి మీరు తినే పచ్చికూరలపై కానీ , బ్రెడ్ మీద కానీ వేసుకొని తినండి .సైనసైటిస్ చాలా తగ్గుతుంది. అరటి పళ్ళు, టమాటో ,చల్లటి పెరుగు మానేయండి.  చన్నీటి స్నానం మంచిది కాదు, తలపై చన్నీటి స్నానం కూడా మంచిది కాదు. అర చెంచా వెల్లుల్లి రసం ,ఒక చెంచా తేనెలో కలిపి తీసుకోవడం చాలా మంచిది. నీరుల్లి రసం కూడా తేనెలో కలిపి తీసుకోవడం మంచిది. మిరియాల చూర్ణం వేడి పాలలో కలుపుకొని, కొంచెం బెల్లం కలుపుకొని తాగుతుంటే కఫం కరుగుతుంది.

మహాలక్ష్మి విలాసరసం ,చిత్రక హరితకి వంటి మందులు కూడా చాలా సహాయపడతాయి.

క్యారెట్..ఆరోగ్య ప్రయోజనాలు..

అనంతుడైన భగవంతుడు సమస్త ప్రాణుల ఆరోగ్యం కోసం, హితం కోసం మందులను సీసాలలోనో, క్యాప్సూల్స్ లోనో దాచలేదు .భూదేవి ఒడిలో కంద, కాయ ,ఆకు, పండు, గింజ, విత్తనం రూపాలలో మన ఎదురుగానే ఉంచాడు. పుడమి తల్లి తన ప్రకృతిలో అమూల్య భాండాగారాన్ని, ఔషధ తత్వాన్ని మనకందించింది. అందులో ఒక అద్భుత ఆహారాన్ని తనలోంచి ఇచ్చింది. అది క్యారెట్ దుంప. మంచి ఆరోగ్యం కోసం పచ్చిదైనా ,వండినదైనా సరే తినమన్నది.

 క్యారెట్ ఒక కమ్మని ఆహారం. క్యారెట్.. పోషక విలువలు, ఔషధ తత్వం కలిగిన ఒక దుంప. ఇందులో 87% నీరు కలిగినా బి, సి ,డి ,ఈ విటమిన్లు, ధాతువులు కలిగిన ఒక మంచి ఆహారము. ఉత్తర భారతంలో ప్రాక్ పశ్చిమ దేశాలలో దుంపని కడిగి పచ్చిగానే ఎక్కువగా తింటారు. ఎందుకంటే అందులో విటమిన్ ఏ మరియు సీ లు ఎక్కువగా ఉన్నాయి. అవి కంటిని, చిగుళ్ళని రక్షిస్తాయి.

దానిలో బి6, పోలిక్ యాసిడ్, ధయామిన్ వంటివి ఉండడం వల్ల రక్త క్షీణత కు అంటే ఎనీమియాలో అద్భుతమైన రక్త వర్ధక ఆహారము. వండిన క్యారెట్ లో విటమిన్ ఏ తో పాటు పొటాషియం ,మెగ్నీషియం వంటి మనకి అవసరమైన ధాతువులుంటాయి. అందుకే నడివయసులో ఉన్న వాళ్ళు, పెద్దవాళ్లు క్యారెట్ రసం తాగడం రక్త వృద్ధికి అవసరం. మరో ముఖ్యమైన విషయం క్యారెట్ అతి సూక్ష్మమైన ముఖ్యమైన బీటా కెరోటిన్, ఆల్ఫాకేరోటిన్ వంటివి విశేషంగా కలిగి ఉండడం వల్ల శరీరానికి పోషక ద్రవ్యంగా, రక్షణ ఆహారంగా ముఖ్యంగా చర్మ సౌందర్యానికి ప్రతీకగా ఉపయోగపడుతుంది. దీనిలో క్యాల్షియం రక్తంలోకి సులువుగా గ్రహించబడుతుంది, కనుక ఎముకల బలం లేని వాళ్ళు, ఏ మందులకి తగ్గని కీళ్ల నొప్పులు కలిగిన వాళ్లు ఇది తినడం మంచిది. ముఖ్యంగా ఈ క్యారెట్లు బీటా కెరోటిన్, విటమిన్ ఏ, ఫైటో కెమికల్స్ ముఖ్యంగా ఉన్నాయి. ఈ పదార్థాలు శరీరంలో వ్యాధి నిరోధక శక్తిని పెంపొందించేందుకు సహాయపడతాయి. ముఖ్యంగా ఇది చర్మం, ఊపిరితిత్తులు, జీర్ణాశయాలను క్రమ పద్ధతిలో ఉంచుతాయి. జీవకణాల అభివృద్ధికి ఈ పదార్థాలు అవసరం. అందుకే ప్రపంచంలో అన్ని దేశాలలో ఈ క్యారెట్ అంగీకరించబడిన ఆహారము. పచ్చిముక్కలు సలాడ్ గానో, రసం గానో , కూరగాయ గానో , పచ్చడి గానో వాడుతున్నారు. 

జీర్ణశక్తిని పెంచుతుంది ఈ క్యారెట్..

క్యారెట్ నుంచి లేత పచ్చని ఆల్కహాల్ రూపంగా విటమిన్ ఏ వెలువడుతుంది. ఈ విటమిన్ ఏ చర్మానికి, లోపలి పొరలకి, కంటి చూపుకి, జననేంద్రియాల

 సమర్ధతకు చాలా అవసరం. ఈ విటమిన్ ఏ చిలకడ దుంపలలో కూడా ఎక్కువగా ఉంటుంది.

 క్యారెట్ అంతర్గత శక్తిని పెంచుతుంది. క్యారెట్ ఎండవేడికి/ఫోటో సేన్సిటివిటి , చర్మం పాడైపోకుండా కాపాడుతుంది. మద్యం తీసుకున్నంక వచ్చే చెడు లక్షణాలను అరికడుతుంది. చిన్న చిన్న పుండ్లని మాన్పడంలో సహాయపడుతుంది. హృదయానికి శక్తినిస్తుంది. బీపీని తగ్గిస్తుంది. లివర్ని శుభ్రపరుస్తుంది. ఆయాసం ఉన్నవాళ్ళకి చాలా హితం చేస్తుంది. మాంసం, కండరాలు, చర్మం, వాటి సామర్ధ్యాన్ని పెంచుతుంది. చర్మం పై ముడతలు, మొటిమలు క్యారెట్ రసంతో తగ్గుతాయి. కడుపు కడుపుబ్బరాన్ని, అజీర్ణాన్ని తగ్గిస్తుంది. కంటి చూపును పెంచుతుంది.

క్యారెట్లలో అనేక రకాలు ఉన్నాయి..

ఆరెంజ్ క్యారెట్.. ముఖ్యంగా యూరప్ లోను, తూర్పు దేశాలలోనూ దొరుకుతుంది.

 పచ్చని క్యారెట్ ..కంటికి మంచిది, ఇది కూడా తూర్పు దేశాల్లో దొరుకుతుంది.

 ఎర్రని క్యారెట్ ..హృదయానికి మంచిది. ఇది ఇండియాలోనూ ,చైనాలోనూ దొరుకుతుంది.

 లేత ఎర్రని క్యారెట్ ..శక్తినిచ్చే క్యారెట్, ఇది టర్కీ దేశంలో దొరుకుతుంది .

తెల్లని క్యారెట్ ..చర్మానికి మంచిది, ఆఫ్గనిస్తాన్, పాకిస్తాన్, ఇరాన్ దేశాలలో దొరుకుతుంది.

 క్యారెట్ జీర్ణాశయాన్ని పూర్తిగా పాడు చేసే చోన్స్ డిసీజ్ / chohns disease చాలా ఉపయోగపడుతుంది. క్యారెట్ నమ్ముతుంటే నోట్లో లాలాజలం అంటే సలైవా ఊరి జీర్ణశక్తికి తోడ్పడుతుంది .

క్యారెట్ సూప్ వేడివేడిగా పిల్లలకు ఇస్తూ ఉంటే వాళ్లకి టాన్సిల్స్ వ్యాధులు తగ్గుతాయి. పిల్లలకు సుమారుగా రెండు వేల ఇంటర్నేషనల్ యూనిట్స్,

 పెద్దవాళ్లకి 5,000 ఇంటర్నేషనల్ యూనిట్స్ విటమిన్ ఏ అవసరము. అది ముఖ్యంగా క్యారెట్ వల్ల లభిస్తుంది. ఆడవారికి క్యారెట్ తినడం చాలా అవసరం. వాళ్లలో వచ్చేటటువంటి రుతుక్రమ వ్యాధులను తగ్గించడంలో ఇది బాగా ఉపకరిస్తుంది. ముఖ్యంగా నెలసరికి ముందు వచ్చే నడుము నొప్పి వంటి వాటికీ క్యారెట్ తినడం వల్ల ఉపశమనం కలుగుతుంది. ఈ మధ్య జరిపిన పరిశోధనలో క్యారెట్ ఆహారంలో ఎక్కువగా ఉపయోగించే వాళ్ళలో క్యాన్సర్, హృదయ సంబంధ వ్యాధులు, కీళ్ల నొప్పులు తక్కువ వస్తాయని తేలింది. ప్రతిరోజు క్యారెట్ రసం తాగుతూ ఉంటే కడుపులో క్రిములు బయటకు వెళ్లిపోతాయి. క్యారెట్ శరీరంలో ఉన్న నీటిని బయటకు పంపుతుంది. అందువల్ల మూత్రపిండాల వ్యాధి ఉన్నవారు క్యారెట్ తినడం మంచిది. క్యారెట్ కమ్మని కూర మాత్రమే కాదు ,కనిపించకుండా సహాయం చేసే మంచి నేస్తం కూడా..

ఆయుర్వేదంలో.. సయాటికా కు పరిష్కారాలు

అమ్మాయీ.. నా ఎడం కాలు లాగేస్తోందమ్మా.. తుంటి నుండి అరి కాలి వరకు విపరీతమైన నొప్పి.ఆయన ఇచ్చిన మందులు వేసుకుంటున్నాను కూడా. అయినా బాధ తగ్గడం లేదు.. ఇది ఒక నడి వయసు తల్లి ఆవేదన. తుంటి నుండి వెనుక వైపు, పక్కల విపరీతమైన నొప్పి, తిమ్మిరిగా ఉండటం, రెండు కాళ్ళ కండరాలు బలహీన పడటం,సూదులు పొడిచినట్లుండటం,అశాంతి.. ఇవి సయాటికా నొప్పిని సూచిస్తాయి. అసలు సయాటికా అంటే ఏమిటి..ఇది మన శరీరంలో అతి పెద్ద నరం. ఇది మన నడుం నుండి పిరుదుల వెనుక వరకు ఉంటుంది. ఇది మన వెన్ను పూసలలో చివర ఉన్న నాలుగైదు లంబారు పూసలు మొదటి సెక్రల్ పూసల మధ్య నుండి వెలువడి సేక్రల్ ప్లేగ్జేస్ అనే నరాల కూటమి నుంచి వచ్చి మన నడుం కింద భాగాలను,తొడలు, కాళ్ళు,అరికాళ్ళు,వీటిలో కదలికను,స్పర్శను కలుగ చేస్తుంది.

ఇది మన శరీరంలో అత్యంత బలమైన నరం. దీనికి రెండు ఉప నరాలు అను సంధానంగా ఉంటాయి.. అవి కామన్ పెరోనియల్, టిబియల్ అనేవి. ఇవి మోకాలు కింద కండరాలను, పాదాలు, కాలి వేళ్ల కండరాలకు స్పర్శను,కదలికను కలుగ చేస్తుంది.

ఆధునిక వైద్య శాస్త్రం రీత్యా సయాటికా అంటేనే సయాటికా నరానికి వచ్చిన లోపాల వల్ల వచ్చే నొప్పి అని నిర్వచించ వచ్చు. ఈ నరం చుట్టూ ఉన్న పొరవాయటం వల్ల కాని నరాల మూలం పై ఏదైనా ఒత్తిడి కానీ కారణం కావచ్చు. నిజానికి ఈ నొప్పికి మందులంటూ ఏమీ లేవు. పూర్తి విశ్రాంతి తప్ప సంపూర్ణ చికిత్స అనేది  లేదని తెలుసుకోండి.

సయాటికా నొప్పి లక్షణాలు..

సయాటికాను ఆయుర్వేదంలో " గృధ్ర శీ వాతం" అంటారు. వాతం అంటే మన కదలికలకు కారణమైన నరాల శక్తి.. అది గ్రుధ్ర శీ నరాన్ని దెబ్బ తీస్తే దాని వల్ల వచ్చే నొప్పి కనుక గ్రుధ్ర శీ వాతం అంటారు. నాటి శాస్త్రజ్ఞులు శరీరాన్ని నడిపించే మూడు శక్తుల కారణంగా శరీరం,మనస్సు,ఆత్మ ఏ బాధ లేకుండా ప్రసన్నంగా ఉంటే ఆరోగ్యమనీ,అందులో ఏ శక్తిలో నైనా మార్పులోస్తే వ్యాధి అనీ అంటారు. అలాగే ఎక్కువగా ఎండిపోయిన నిలవ ఉన్న ఆహారం తినడం వల్ల, ఎక్కువగా ఇష్టం వచ్చినట్లు చరించడం వల్ల, మానసికంగా ఎప్పుడూ ఎక్కువగా చింతించడం వల్ల, దెబ్బలు తగలడం వల్ల ఈ గ్రుధ్ర శీ నరం పాడు అయ్యి , విపరీతమైన నొప్పి, తిమ్మిరి ఎక్కడం, గట్టిగా నొక్కి పట్టుకుంటే కాస్త తగ్గినట్లుండటం, వంటివి కనిపిస్తాయి. సాధారణంగా నొప్పి నడుం చివర భాగంలో ఆరంభమై తొడల లోపలి భాగంలో కి పాకి మోకాళ్ళ కిందికి జారి పిక్కలకు చేరి మొత్తం కాలుతో ఆరంభమై విపరీతంగా లాగినట్లు బాధ ఉంటుంది.. కాళ్లు కదపడం కష్టం అవుతుంది.. మొత్తానికి ఈ వ్యాధి తిమ్మిరితో సూదులు పొడిచినట్లు ఉండి ఒక్కొక్కప్పుడు కళ్ళల్లో నీళ్ళు వస్తాయి.. నిజానికి ఎటు వైపు ఉంచినా నొప్పి తగ్గినట్లు అనిపించదు. దీని నివారణ ఆయుర్వేదంలో రెండు రకాలుగా చెప్ప బడింది.

ఒకటి.. కారణాన్ని సరి చేయడం,రెండు.. వచ్చిన స్థితిని క్రమ పరచడం. మొదట శరీరమంతా నువ్వుల నూనె తో కానీ, ధన్వంతరి తైలంతో కానీ ముఖ్యంగా నడుం నుండి కిందికి బాగా రాసి సున్నితంగా మర్దన చేసిన తర్వాత చెమట పట్టేలా స్వేదన క్రియ చేసి లోపలి దోషాలను బయటకు పంపాలి. అలాగే వారానికి ఒక్కసారి ఎనిమా చేసుకోవడం, కూడా అవసరం. దీన్ని ఆయుర్వేద చికిత్సలలో " వస్తి" అంటారు. సాధారణంగా, మాంస రసం, ఉసిరిక రసం చాలా ఉపయుక్తంగా ఉంటాయి.వెల్లుల్లి, నిర్గుండి, త్రిఫలా చూర్ణం, రాస్నా వంటివి చాలా ఉప యుక్తంగా ఉంటాయి.

త్రయో దశాంగ గుగ్గులు, వాతగజాంకుశ రసం, బృహత్ వాత చింతామణి, రాస్నాది కషాయం, ఏరండ స్నేహం వంటివి చక్కటి మందులు.

నీరుల్లి పాయల రసం, ఆవ నూనె సమ భాగాలుగా తీసుకుని కలిపి పైన మర్దన చేసుకుంటే చాలా శాంతిగా ఉంటుంది.

నీరుల్లి పాయల రసం, అల్లపు రసం,తేనె .. సమ భాగాలుగా తీసుకుని పూటకు రెండు చెంచాల చొప్పున తీసుకుంటే నొప్పి తగ్గిపోతుంది. ఈ వాత వ్యాధులలో మనం ఆవాతాన్ని అంటే ఆ నరం లో మారిన శక్తిని సమ పరిచే ఆహారాన్ని తీసుకుంటే తొందరగా మందు పని చేసి నొప్పి తగ్గిపోతుంది. అలాగే ఆ వ్యాధిని పెంచే పదార్థాలు తినకుండా ఉంటే వ్యాధి తొందరగా తగ్గుతుంది.

వేడి నీళ్ల స్నానం మంచిది..

బూడిద గుమ్మడి కాయ,మినుములు, వంకాయ , ములగ కాయ, కాకర కాయ, చక్ర వర్తి కూర, నల్ల ఉలవలు,గోధుమలు, చేమ, పొట్ల, ముల్లంగి, జీలకర్ర, ఇంగువ, కంద వేడి నీటితో అభ్యంగ స్నానం పత్యం. అలాగే చల్లటి నీళ్ళు,దోసకాయ, ఆనప కాయ, సొర కాయ, పెసలు, అమం , ఆవాలు, వేప పండ్లు, కొత్త ధాన్యం, ఉప వాసం, బీరకాయ, చల్లటి ప్రదేశాలకు వెళ్లడం అపత్యం.

విష ఇష్ట తైలం, బలా తైలం, క్షార బలా తైలం, శృగంధ తైలం, ధన్వంతరి తైలం, కర్పూర తైలం.. వీటిలో దేనితో నైనా సాయంత్రం మర్దన చేసుకుని వేడి నీటితో స్నానం చేయడం హిత కరం. విడంగాసవం ఉదయం, సాయంత్రం మూడు చెంచాల మందు, మూడు చెంచాల నీరు కలిపి తీసుకుంటే కడుపులో ఉన్న క్రిములన్నీ వెళ్ళి పోతాయి.

అల్లం 50 గ్రాములు, పంచదార 50 గ్రాములు కలిపి నూరి రోజూ రెండు సార్లు గోరు వెచ్చని నీటి తో తీసుకుంటే చాలా హిత కరం. వేరు శనగ నూనె, తీపి పదార్థాలు, వేడి చేయని ఎండిన పదార్థాలు తిన కూడదు.