పనస పండు.. ఆయుర్వేద ఉపయోగాలు..

పనస పండు.. రక్త పోటును నియంత్రిస్తుంది, ఆస్తమా ను అదుపు చేస్తుంది, చర్మ వ్యాధులను నివారిస్తుంది,మలబద్ధకాన్ని పోగొడుతుంది.

పండ్లు మానవుడికి ప్రకృతి ప్రసాదించిన అపురూపమైన వరం. ఆయా సీజన్లలో పండే పండ్లను ఆరగించడం మనకు తరతరాలుగా తెలుసు. అన్నంతో అవసరం లేకుండా ప్రకృతి సిద్ధమైన పండ్లు, కూరగాయలు ఇతర తృణధాన్యాలను ఆహారంగా తీసుకుని జీవించినట్లయితే శరీరానికి కావలసిన అన్ని రకాల పోషకాలు లభిస్తాయి అని ఇదే అసలు ఉత్తమమైన జీవన విధానం అని ప్రకృతి వైద్యులు ప్రచారం చేస్తున్నారు.పండ్లు, కూరగాయలు లో ఉండే పోషక విలువలు శరీరానికి ఎంతగానో మేలు చేస్తాయని శాస్త్ర పరిశోధనలు కూడా ధృవీకరిస్తున్నాయి.

పండ్లలో పనస పండు లో మనకు గరిష్ట స్థాయిలో ఆరోగ్యం లభిస్తుందని నిపుణులు సూచిస్తున్నారు. పనస పండు ను బంగ్లాదేశ్ జాతీయ ఫలంగా ప్రకటించింది. అక్కడి ప్రజలు ఈ ఫలాన్ని ఇష్టంగా ఆరగిస్తారు. ఇది వేలాది సంవత్సరాలుగా అలరారుతూ మానవాళికి ఉపయోగ పడుతోంది. పనస ప్రపంచంలో అత్యంత భారీ ఫలం. పనస చెట్టును సరిగా పోషిస్తే అది దాదాపు వంద సంవత్సరాల పాటు మధుర ఫలాలను ఇస్తుంది. బంగ్లాదేశ్ లో పనస చెట్లు పెరగడానికి అనువైన వాతావరణ పరిస్థితులు ఉన్నందున అక్కడ ఎక్కువగా ఈ తోటలు పెంచుతున్నారు.

ఆంధ్ర ప్రదేశ్ లోని శ్రీకాకుళం జిల్లా అటవీ ప్రాంతంలో కూడా పనస చెట్లు ఎక్కువగా కనిపిస్తాయి.ఇప్పుడు విరివిగా పనస పండ్లు లభిస్తున్నాయి.పనసలో ఎన్నో పోషక విలువలు ఉండడమే కాదు.దీని పెంపకానికి పెద్దగా ఖర్చు కూడా ఉండదు.అందువల్ల పంట పొలాల్లో ఒక మూల ఈ చెట్లను పెంచడం అక్కడక్కడా మనకు కనిపిస్తుంది.

పనసలో ఏదీ వృథాగా పారవేసేది ఉండదు. పనస తొనలు, లోపలుండే గింజలు , దళసరిగా ఉండే పై తొక్క ఇలా అన్నీ మనం తిని ఆనందించగలిగినవే.పనసలో ఎక్కువగా శ్యాచరేటెడ్ ఫ్యాట్,కొలెస్ట్రాల్ పదార్థాలు ఉంటాయి.అదే సమయంలో విటమిన్ ఎ, సీ, థయామిన్, రిబోఫ్లావిన్, కాల్షియం,పొటాషియం, ఐరన్, సోడియం,జింక్ , నియాసిన్ తదితర అనేక విటమిన్లు, పోషకాలు ఉండి ఆరోగ్యాన్ని కలుగ చేస్తాయి. అలాగే తక్కువ కేలరీలు ఉన్నందున ఇది ఎంతో ప్రయోజనం కలుగచేస్తుంది. వంద గ్రాముల పనసలో కేవలం 94 కేలరీలు మాత్రమే ఉంటాయి.అందువల్ల శరీర బరువు పెరగకుండా ఉంటుంది. కొందరు వీటి వాసన పడదని భావించే వారు సైతం ఇందులో గల విలువైన పోషకాలను తెలుసుకుని ఇష్టం పెంచుకుంటారు. 

ఇక పనస తొనల్లో ఉండే గింజలు ఎంతో ఉపయోగ కరమైనవి. గింజల్లో విటమిన్ బి 1,బి2 ఎక్కువగా ఉంటాయి. గింజల్లో స్టార్చ్ ఎక్కువగా, ఐరన్, కాల్షియం తక్కువగా ఉంటాయి. పనస పండు లో దాదాపు వంద నుండి 500 వరకు పనస తొనలుంటాయి. సాధారణంగా ఇవి కొంచెం బంకగా ఉంటాయి. కొంతమంది గింజలను ఎండించి దాచుకుని వాడుకుంటారు. వీటిని నూనెలు, సిరప్ లలో కూడా కలపడం జరుగుతుంది.

తొక్క.. 

పనస పండు పైన దళసరిగా ఉండే తొక్క కాస్త ముళ్ళు ముళ్ళుగా కనిపిస్తుంది. పళ్ళు కోసేవారు ముందుగా చేతులకు ,కత్తికి వేరుశనగ నూనె రాసుకుని కోసి పనస పండ్లను బయటకు తీయడం

 మనకు కనిపిస్తుంది .ఫిలిప్పీన్స్ లో చెక్కలపై చిత్రాలు , నగిషీలు చెక్కే వారిలో సృజనాత్మకతకు, ఊహలకు పనస మంచి వనరుగా ప్రసిద్ధి. అక్కడ పనసపండు బొమ్మను చూసి బౌల్స్ తయారు చేస్తారు. బౌల్స్ ను మరింత అందంగా తయారు చేయడానికి పండ్ల పైన ముళ్లగా ఉండే తొక్కపొడిని ఉపయోగిస్తారు.

కండ.. 

పనస పండు లో బాగా రుచికరమైనది. సువాసన వెదజల్లేది. ఇష్టంగా తినేది కండ. ఇందులో ఫైబర్ చాలా ఎక్కువ గా ఉంటుంది. మల బద్ధకం తో బాధ పడే వారికి ఇది చాలా మేలు చేస్తుంది.గింజలు.. పనస గింజలు సైతం ఎక్కువ ఫైబర్ ను అందిస్తాయి. వీటిని వేయించి తింటే చాలా రుచిగా ఉంటాయి. లేదా ఉడికించి కూడా తినవచ్చు. ఐతే గింజలను పొడి చేసి తిన్నట్లయితే ఫైబర్ శాతం పెరుగుతుందని తాజా పరిశోధనలు తెలియ చేస్తున్నాయి.

పొటాషియం సమృద్ధిగా లభించడం వల్ల అధిక రక్త పోటును తగ్గిస్తుంది. పనస చెట్టు వేరు జ్వరం,డయేరియా రుగ్మతలకు పని చేస్తుందని విశ్వసిస్తారు. దీనిలో ఉండే ఫైటో న్యూట్రియెంట్స్ క్యాన్సర్ నుండి హైపర్ టెన్షన్ లను తగ్గించడంలో ఉపకరిస్తాయి. అలాగే ఉబ్బసం తో బాధ పడే వారికి పనస వేరు ప్రయోజనం కలిగిస్తుంది. వేరును బాగా ఉడికించి దాని నుంచి వచ్చే రసం తీసుకుంటే ఆస్తమా అదుపులో ఉంటుంది. అలాగే పనస వేరు, చర్మ వ్యాధులలో కూడా చక్కగా పనిచేస్తుంది.ఇందులో యాంటీ ఆక్సిడెంట్స్, యాంటీ అల్సర్ గుణాలున్నాయి. పనసలో సి విటమిన్ ఎక్కువగా లభిస్తుంది. మన శరీరంలో సహజంగా సీ విటమిన్ తయారు కాదు. అందువల్ల మనం తప్పని సరిగా సీ విటమిన్ లభించే పదార్థాలు ఎక్కువగా తీసుకోవాలి. శరీరానికి హాని కలిగించే ఫ్రీ రాడికల్స్ నుంచి కాపాడడంలో యాంటీ ఆక్సిడెంట్ గా పని చేస్తుంది.

 కణజాలాన్ని కలిపి ఉంచడంలో, రోగ నిరోధక శక్తిని పెంచడంలో ,దంతాలు, చిగుళ్ళు ఆరోగ్యంగా ఉండేందుకు బాగా పనిచేస్తుంది. చర్మ ఆరోగ్యాన్ని కలిగించగల కణాలు త్వరగా నశించకుండా పనస కాపాడుతుంది. అలాగే ఇందులో వయసు మళ్ళే లక్షణాలను  తగ్గించే గుణాలున్నాయి. ఇన్ని విశేష గుణాలు ఉన్న పనస పండు ను మనం విశేషంగా ఆదరించి ఆరోగ్యాన్ని కాపాడుకుందాం..

XMAS WISHES

MERRY XMAS

బాదం చెట్టు.. ఆయుర్వేద ఉపయోగాలు..

పల్లెలో బాదం కాయలు కొట్టుకు తినడం ఒక ఆనందం. ఇక్కడే కాదు ప్రపంచమంతా అందరూ తిని ఆనందించేది బాదం పప్పు. ఆధునిక ఆహారంలో సలాడ్ రూపంలో , ఉత్తర భారతంలో బాదం హల్వా రూపంలోనూ ఎడారి దేశాలలో బాదం బిస్కెట్ల రూపంలోనూ , సమ శీతల ప్రాంతాలలో బాదం బ్రెడ్ రూపంలోనూ ధన వంతులు శక్తి సాధనంగా రాత్రి తినే బాదం పలుకుల రూపంలోనూ సర్వదా వాడే చక్కటి శక్తి సాధనం బాదం. ఇంత ప్రాచుర్యం ఎందుకంటే బాదంలో అంతగా పోషక విలువలు ఉన్నాయి కనుక. చూడడానికి చిన్నదైనా,విలువైనది. సంపూర్ణ పోషక విలువలు కలిగిన ఈ బాదం వేడి ప్రాంతాలైన పశ్చిమ ఆసియా లోని పల్లె ప్రాంతాలలో , తూర్పు ఆఫ్రికాలోనూ విరివిగా పండుతుంది.ఇది ప్రునియా అనే వృక్ష జాతికి చెందినది. ఈ బాదం తెల్లటి పుష్పాలతో కూడి తీయని బాదం కాయను కలిగి ఉండేవి ఒక రకమైతే , ఎర్రని పువ్వులతో కొంచెం చేదుని కలిగిన బాదం కాయలను కలిగి ఉండేవి మరో రకం.

పోషక విలువలు.. మొదటి రకం కొంచెం కోలగా ఉండి నూనె పదార్థాన్ని కలిగి ఉంటుంది. చేదు రకం కాయ పెద్దదిగా విశాలంగా ఉండి 50%నూనె కలిగి ఉంటుంది. ఇందులో కొంచెం నీరు, కరిగే గ్లూకోజు ,amygdalin,cyanid, వంటి పదార్థాలను కలిగి ఉంటాయి. తీపి కలిగిన బాదం పలుకులు పై పెచ్చులు ఒలిచి తీస్తారు. ఆ పై పెచ్చు సంప్రదాయం వైద్యంలో చర్మం పై మసాజ్ చేయడానికి వాడతారు. ఈ తీపి బాదం కాయలలో అసలు పిండి పదార్థాలు ఉండవు. కనుక దీన్ని పొడి చేసి కేకులాగానో, బిస్కెట్ లాగానో తయారు చేస్తారు. ఇవి షుగర్ ఉన్నవారికి చాలా ఉపయోగం. వాళ్ళు తినవచ్చు. అలాగే పిండి పదార్థాలు తక్కువ అవసరమున్న వారు కూడా వాడవచ్చు.

మన దేశంలో తరతరాలుగా బాదం చెట్లు మన జీవితాలలో పెనవేసుకొని ఉన్నాయి. బాదం పప్పులను రకరకాలుగా..తినుబండారాలుగా,పై లేపనాలు గా ఉపయోగించుకుని అందాన్ని, ఆరోగ్యాన్ని కాపాడుకునే మార్గాలు కోకొల్లలుగా ఉన్నాయి. ఈ బాదం చెట్లలో తియ్యగా ఉండే తీపి బాదం చెట్లు,, చేదుగా ఉండే చేదు బాదం చెట్లు ఇంకా సీమ బాదం చెట్లు మొదలైన అనేక రకాలైన బాదం చెట్లు వాడుకలో ఉన్నాయి. ప్రస్తుతం మనం తీపి బాదం చెట్టు గురించి చెప్పుకుంటున్నాము. ఈ బాదం ప్రయోగాలను బాగా అర్థం చేసుకుని,ఆచరించి ఇతరులకు కూడా నేర్పవలసిందిగా మనవి.

బాదం చెట్టు పేర్లు.. సంస్కృతంలో బాదామా , నేత్రోపమ అని , హిందీ లో బాదాం అని,తెలుగులో బాదం చెట్టు అని , లాటిన్ లో amygdalus communis & prunus ,emygdalus, ఇంగ్లీషులో almonds sweet అంటారు.

బాదం చెట్టు రూప గుణ ధర్మాలు.. బాదం పప్పు సమ శీతోష్ణ స్వభావంతో ముందుగా వేడి చేసి తర్వాత చలువ చేస్తుంది. శరీర పుష్టిని, వీర్యానికి బలాన్ని కలుగ చేస్తుంది. మేహ, వాత రోగాలను అణచి వేస్తుంది.మూత్రసంచిలో పుట్టే పుండ్లను మాన్పి వేస్తుంది.

అన్ని అవయవాలకు బలమిస్తుంది.

తీపి కలిగిన బాదం పప్పు చక్కటి పోషక విలువలు కలిగి ఉన్నా పైనున్న గోధుమ రంగు పల్చని పొర ఎక్కువగా తినడం వల్ల జీర్ణాశయంలో ఉత్తేజాన్ని కలుగ చేస్తుంది. ఆహారంలో తీసుకునేటప్పుడు మంచి నీటిలో నానబెట్టి పై పొర తీసివేసి తినడం మంచిది. దాని వల్ల లోపలి పోషక విలువలు తగ్గకుండా చూసుకోవాలి. ఈ బాదం పప్పులు బాగున్నాయని, బలమని ఎక్కువగా తినకూడదు. హితమైనా మితంగా తినాలి. ఎక్కువగా తింటే కడుపుబ్బరం కలుగ చేస్తుంది.

కొంత మందికి జ్వరం వచ్చినట్లు అనిపిస్తుంది కానీ జ్వరం కాదు. అందుకే బాదం పలుకులు తీయగా, హితమైన వైనా మితంగా అది మందులా , బలం గా పని చేస్తుంది. ఇందులో 20 శాతం మాంస కృత్తులు ఉంటాయి. ఇందులో స్టార్చ్ ఉండదు కనుక పొడిచేసి బిస్కెట్ల రూపంగానో, కేకుల రూపంగానో చేసుకుని షుగర్ వారు వాడుకోవచ్చు. దీనివల్ల కాస్త బరువు కూడా పెరుగుతారు. దీనిలో ఉన్న సున్నితమైన నూనె పదార్థం గట్టిగా ఉన్న పదార్థాన్ని పలుచన చేస్తుంది.

Almonds provide double barelled protection against diabetes and cardiovascular disease.

 చలువ చేస్తుంది..

ముఖ్యంగా బిగ బట్టిన ఊపిరితిత్తుల వ్యాధులలో .. ఒక గ్లాసు నీటిలో తొమ్మిది బాదం పలుకులు కాగ పెడితే అవి కరిగి అందులో ఉండే నూనె పదార్థం నీళ్లలో కలిసి పాలుగా మారుతుంది. దీనిని బాదం పాలు అంటారు. ఇది చలువ చేస్తుంది.  హృదయాన్ని ఆహ్లాద పరుస్తుంది. బాగా నీరస పడ్డ వాళ్లకి వెంటనే శక్తి రావడానికి దీనిని ప్రతిపాదిస్తారు వైద్యులు. ఇది చిగుళ్ళ వ్యాధులలో హితకరం .బాదం పలుకులు ఒకటి రెండు నెయ్యిలో నూరి చిగుళ్లపై రాసుకుంటే చిగుళ్ల వాపు తగ్గి ప్రకాశవంతంగా తయారవుతాయి .బాదం పలుకులు కిడ్నీలో రాళ్ళను కరిగించడంలో చాలా ఉపయోగపడతాయి. గుండె మంట ను ఆర్పే మంచి సాధనం బాదంపాలు . బాదం పాలు దొరకకపోతే నాలుగైదు బాదం పలుకులు తింటే చాలు గుండె మంట, గుండె దడ తగ్గుతుంది. ఒక్కొక్క బాదం పలుకులో ప్రోటీన్ విలువలు చాలా ఉంటాయి. ఒక ఔన్స్ బాదం పొడి లో ఆరు గ్రాముల ప్రోటీన్ ఉంటుంది. చాలా చక్కగా జీర్ణం అవుతుంది.

 ఇందులో ఆహారానికి అవసరం అయ్యే పీచు పదార్థం కూడా ఉంటుంది. అది కూడా కరిగిపోయే గుణం కలిగిన పీచు పదార్థము.

 ఇది మన శరీరంలో అధిక కొవ్వు పదార్థాలను తగ్గించడంలో సహాయపడుతుంది. బాదంపప్పు కొలెస్ట్రాల్ లేని శక్తి సాధకాలు. అందువల్ల లావుగా ఉండే వాళ్లు కూడా మితంగా తినవచ్చు.

బాదం పప్పులు అత్యవసరమైన సూక్ష్మ పోషకత్వాలను కలిగి ఉంటాయి. బి 6 ,మెగ్నీషియం వంటివి దీని లో నిక్షిప్తమై ఉన్నాయి .విటమిన్ ఇ కూడా దీనిలో ఉంది. అందువల్ల గుండెను కాపాడుతుంది. ఈ మధ్య జరిగిన వివిధ పరిశోధనలలో క్రమం తప్పకుండా రెండు బాదం పలుకులు తింటే LDL కొలెస్ట్రాల్ తగ్గుతుందని తేలింది.

శక్తి ని పెంచుతుంది.. రోజు కనీసం రెండు బాదం పప్పులు తింటే షుగర్ వ్యాధిగ్రస్తులు జీవనస్థితి మారి ఉత్సాహంగా ఉంటారని పరిశోధనలలో తేలింది. బాదం క్యాన్సర్ రాకుండా కూడా కాపాడుతుంది .దీనిలో ఉండే వ్యాధి నిరోధక శక్తి మనలో క్యాన్సర్ లక్షణాలను పెరగకుండా కాపాడుతుంది. 

బాదం లో ఉండే ముఖ్యమైన ప్రోటీన్ ను" ఆనందిన్"  అంటారు. ఇది శరీరంలో ఎలర్జీ ని కలుగ చేయదు,

 సరి కదా శక్తిని పెంచుతుంది . 

చక్కటి టానిక్..

ఒక కప్పు బాదం కాయలు, మూడు కప్పుల నీరు ,ఒక కప్పు తేనె కలిపి నూరి నీళ్లను వడ గట్టండి .అది చక్కటి టానిక్ లా పనిచేస్తుంది. 

బాదం లో కొవ్వు పదార్థం లేదు, క్యాలరీలు 59% , ప్రోటీన్ నాలుగు గ్రాములు ,క్యాల్షియం 46 గ్రాములు, మెగ్నీషియం 50 మిల్లీగ్రాములు, పొటాషియం 120 మిల్లీగ్రాములు ఉంటాయి .వేసవిలో ఎండలో మధ్యాహ్నం బాదం పాలు, సాయంత్రం బాదం పలుకులు తినడం హితకరం

ముఖ కాంతికి బాదం..

బాదం పప్పు పొడి 10 గ్రాములు , పన్నీర్ 40 గ్రాములు కలిపి మెత్తగా నూరి ముఖానికి లేపనం చేసుకుని ఆరిన తర్వాత కడుగుతూ ఉంటే ముఖంపై ఉండే మొటిమలు ,మచ్చలు హరించి పోయి చర్మం మృదువుగా మారుతుంది.

కంటి దృష్టిని పెంచేందుకు బాదం పప్పు..

బాదం పప్పు ఆకారం చూస్తే అచ్చం కన్ను లాగే ఉంటుంది. సృష్టి కర్త ప్రజల కంటిచూపు కోసం కంటి ఆకారంతో దీనిని సృష్టించాడు. బాదం పప్పు లు పావు కేజీ ఒక రాత్రి వేడి నీటిలో నానబెట్టి ఉదయం పై తోలు తీసి నలగ గొట్టి ఎండబెట్టి దంచి పొడి చేసుకోవాలి. అలాగే సోంపు గింజలు పావు కేజీ తెచ్చి దోరగా వేయించి దంచి పొడి చేసుకోవాలి. అదే విధంగా పటిక బెల్లం పొడి పావు కేజీ తీసుకుని, ఈ మూడింటినీ కలిపి నిలువ చేసుకోవాలి. 

పిల్లలకు ఒక చెంచా మోతాదుగా, పెద్దలకు రెండు చెంచాల మోతాదుగా వేడి పాలలో కలిపి ఇస్తూ ఉంటే నేత్ర దృష్టి అనూహ్యంగా పెరుగుతుంది. ఆరు నెలలు వాడితే కళ్లద్దాలతో ఇక పని లేదని చెప్పవచ్చు.

అంతేగాక మెదడుకు అపారమైన శక్తిని ఇచ్చి , జ్ఞాపక శక్తిని రెట్టింపు చేస్తుంది. కృశించిన సర్వాంగాలను పుష్టికరంగా మారుస్తుంది.

దంత ఆరోగ్యానికి.. బాదం పళ్ళ పొడి..

బాదం కాయల పై పెచ్చులు ఎండించి కాల్చి బూడిద చేసి రోజూ పండ్లు తోముతుంటే కదిలే పండ్లు గట్టి పడతాయి. పండ్ల నుండి కారే చీము, నెత్తురు తగ్గి పోతుంది.. పళ్ళు ముత్యాల వలే మెరుస్తాయి.

చర్మ వ్యాధులు తగ్గడానికి..

బాదం పప్పు ను మంచి నీటిలో నానబెట్టి మెత్తగా నూరి పైన లేపనం చేస్తుంటే చర్మం పై పొడలు,మచ్చలు, దురదలు తగ్గి పోతాయి.

మల బద్ధకం తగ్గడానికి..

బాదం పప్పు, అంజీరుతో కలిపి తింటూ ఉంటే సుఖ విరేచనం జరిగి మలబద్ధకం తగ్గి పోతుంది.

అన్ని రకాల రక్త స్రావాలు తగ్గడానికి..

బాదం ఆకులను నీడలో ఎండించి దంచి పొడి చేసుకోవాలి ఈ పొడిని పావు టీ స్పూన్ మోతాదుగా మంచి నీటిలో కలుపుకొని రెండు పూటలా సేవిస్తుంటే ఏ భాగం నుండి రక్తం కారుతున్నా ఆగి పోతుంది.

నెత్తురు బంక విరేచనాలు తగ్గడానికి..

బాదం పప్పు ను నానబెట్టి పై తోలు తీసి మంచి నీటితో మెత్తగా నూరి వడ కట్టిన బాదం పాలను తగు మోతాదుగా రెండు పూటలా సేవిస్తుంటే జిగట విరేచనాలు, నెత్తుటి తో పడే బంక విరేచనాలు , కడుపు నొప్పి తగ్గి పోతాయి.

మూత్ర రోగాలకు.. బాదం పప్పు..

పైన తెలిపినట్లు బాదం పాలు తీసి రెండు లేక మూడు పూటలా అరకప్పు మోతాదుగా సేవిస్తుంటే సెగ రోగం తగ్గి పోయి మూత్ర కోశం లోనూ, మూత్ర నాళం లోనూ ఏర్పడిన పుండు మాడి పోతుంది. అలాగే, అతి మూత్రం కూడా తగ్గిపోతుంది. వీర్య వృద్ధి, రక్త వృద్ధి కూడా కలుగుతాయి.

కుక్క కాటు కు.. బాదం పప్పు..

కుక్క కరవగానే బాదం పప్పు ను మెత్తగా నూరి కాటు పైన వేసి కట్టు కట్టాలి. అలాగే బాదం పప్పు, అంజీరు పండు కలిపి లోపలికి తీసుకోవాలి. ఇలా చేస్తుంటే విషం విరిగి పోతుంది.

మంచి బాదం నూనెకు..పరీక్షలు..

వేడిగా ఉన్న రొట్టె పైన కొద్దిగా బాదం నూనె వేసి చిన్న ముక్క తింటే వెంటనే బాదం రుచి మనకు తెలియాలి. అలాగే కొద్దిగా బాదం నూనె ను అర చేతిలో వేసుకుని బాగా రుద్ది వాసన చూస్తే బాదం వాసన రావాలి. ఇదే పరీక్ష.

కేశ సౌందర్యానికి.. బాదం నూనె..

బాదం పప్పు నుండి తీసిన నూనెను కొద్ది కొద్దిగా వెంట్రుకలకు రాసుకుంటుంటే అది కుదుళ్లలోకి దిగి బల పరచి మెదడుకు చలువ చేసి వెంట్రుకలు రాలనివ్వదు. కళ్ళకు కూడా మేలు చేస్తుంది.

బాదం పొడితో.. బంగారు కాంతి..

బాదం పప్పు పొడి 200 గ్రాములు, మంజిష్ట పొడి 15 గ్రాములు, కస్తూరి పసుపు 15 గ్రాములు , జటా మాంసి 15 గ్రాములు కలిపి నిలువ చేసుకోవాలి. స్నానం చేసే గంట ముందు తగినంత పొడిని పాలలో గానీ, నీటిలో గానీ కలిపి మెత్తగా నూరి శరీరమంతా రుద్దుకొని ఒక గంట ఆగి తర్వాత స్నానం చేస్తుంటే క్రమంగా శరీరం పైన వచ్చే మచ్చలు, గుల్లలు, పుండ్లు,మొటిమలు, ముడతలు, గుంటలు, దుర్వాసన మొదలైన వన్నీ హరించిపోయి శరీరం కాంతి వంతంగా మారుతుంది.

వెంట్రుకలు.. పట్టులా మారాలంటే..

బాదం నూనె ఒక చెంచా, నిమ్మ నూనె పావు చెంచా నిమ్మ ఆకు రసం 4 చెంచాలు కలిపి వెంట్రుకలకు పూస్తూ ఉంటే వెంట్రుకలు పట్టు లాగా మృదువుగా మారతాయి.

వేడి దగ్గులకు.. బాదం పప్పు..

8 బాదం పప్పులు, పటిక బెల్లం 20 గ్రాములు, ఆవు వెన్న 20 గ్రాములు కలిపి తింటూ ఉంటే అతి వేడి వల్ల కలిగిన దగ్గులు తగ్గి పోతాయి.

మానవుల ప్రకృతి.. జీవనము.. ఆహారం..

మీ ప్రకృతి.. జీవనము..ఆహారము..

ప్రవృత్తి అంటే మీ పుట్టుకతో వచ్చే మీ సహజ ప్రవృత్తి.మనుషులంతా ఒకలా ఉండరు. కానీ జన్మతః వచ్చే లక్షణాలను బట్టి వాళ్ళ నడవడి,ఆహారం,జీవన విధానం, ఉద్రేకం, శాంతం,ఓర్పు,నేర్పు వంటివి ఏర్పడతాయి.వాటిని సహజ ప్రవృత్తులు అంటారు.

ఈ సహజ ప్రవృత్తి తల్లి గర్భంలో  ఉన్నప్పుడే తల్లి భావాల వల్ల జీన్స్, తండ్రి భావాల వల్ల, దైవ భావాల వల్ల జనిస్తాయి. ఈ లోకంలో ప్రతి వ్యక్తీ మరో వ్యక్తి మూల ప్రవృత్తితో ఒకేలా ఉండడు.

ఈ ప్రవృత్తులు వాత ప్రవృత్తి, పిత్త ప్రవృత్తి, కఫ ప్రవృత్తి. అవి వాటి సమ్మేళనంలో వివిధ రకాలుగా ఉంటాయి.అత్యున్నతమైన ఆయుష్షును ఆనందంగా ,ఆరోగ్యంగా ఉంచుకోమని చెప్పే ఆయుర్వేదం శాస్త్రం ఈ ప్రవృత్తికి అనుగుణంగా మన జీవన విధానం, ఆహారం మార్చుకుంటే  వ్యాధి బాధ లేని మనోజ్ఞమైన మానవ జీవితాన్ని గడపవచ్చు అని ప్రతిపాదిస్తుంది.

ఆహార, నిద్రా, బ్రహ్మ చర్యలను త్రయో ఉప స్తంభాలు అంటారు. మనిషి తన ప్రవృత్తిని అనుసరించి ఈ మూడింటిని క్రమ పరచుకుంటే దీర్ఘాయుష్షు సాధ్యమవుతుంది.

ప్రవృత్తి అంటే.. మనం అందరం గర్భావ క్రాంతి పేర ఒక విచిత్ర స్థితిలో జనింప చేసుకుని ఏదో సూక్ష్మ విలక్షణంతో జన్మిస్తాము. ఆ జన్మజ కారణమైన ప్రత్యేక ధాతు పరిణామాన్ని ప్రవృత్తి అంటాము. మరో రకంగా చెప్పుకోవాలంటే మనం జనించే క్షణంలో ఏర్పడే ప్రత్యేక తత్వాన్ని ప్రవృత్తి అంటాము. ప్రవృత్తి కి మరో అర్థం సహజమైనది. ఈ తత్వం శారీరకమే కాదు మానసిక ఆత్మజ లక్షణాలకు కూడా వర్తిస్తుంది. ఒకసారి తల్లి గర్భంలో ఏర్పడ్డ ఈ ప్రవృత్తి ఎప్పుడూ ఎటువంటి అవస్థలోనూ మారదు.

ఈ ధాతు పరిణామమే మనలో కోపాన్ని,ప్రశాంతతను ,ఆలోచనలను,ఆదర్శాలను,భయాన్ని, దుఃఖాన్ని, మమతలను,మహిమాంశలను కూడా నిర్ణయిస్తుంది, కాదు కలుగ చేస్తుంది. వాత, పిత్త, కఫ ప్రవృత్తులే కాక వీటిల్లో రెండు కలిసిన ప్రవృత్తులు . వాత పిత్త ప్రవృత్తి, పిత్త కఫ ప్రవృత్తి, వాత కఫ ప్రవృత్తి.. ఇలా రకరకాలుగా ఉండవచ్చు. దీన్ని బట్టే మనకి వ్యాధులు కూడా రావచ్చు.

ఒక్కొక్కళ్ళకి తరచూ జలుబు ,ఆయాసం, ముక్కు ముఖ శిరో వ్యాధులు వస్తుంటాయి. కారణం వారిది కఫ ప్రవృత్తి. కఫ శక్తి వల్ల మెడకి పైనున్న అవయవాలు ఏర్పడతాయి.మరొకరికి తరచూ అజీర్ణం ,కడుపుబ్బరం, లివర్ జబ్బులు వస్తూ ఉంటాయి. ఎందుకంటే వారిది పిత్త ప్రవృత్తి. జీర్ణ పక్వాశయాలు, లవర్, ప్లీహం వంటి వి పిత్త శక్తి వల్ల ఏర్పడతాయి.

వాత ప్రవృత్తి.. చిన్న ప్రేవులు, పెద్ద ప్రేవులు , వాత శక్తికి కేంద్రం. ఆ వ్యాధులు తరచూ వస్తూ ఉంటే వారిది వాత ప్రవృత్తి. స్థూలంగా, సన్నగా ఉండి, తొందరగా కోపం వస్తూ చర్మం పొడిగా ఉండి, ధ్వనించే స్వరం తో , ఎక్కువగా మెలకువగా ఉంటూ కీళ్ళు, దవడలు కొంచెం జారి, తొందరగా నడుస్తూ, తొందరగా తింటూ, ఎప్పుడూ పెదిమలు, నాలుక, కాళ్లు కదిలిస్తూ ఎప్పుడూ ఆలోచనలు మార్చుకుంటూ ఉంటారు.

వీళ్ళు ఎక్కువగా కాఫీ, టీ లు తాగకుండా  ఉండటం మంచిది. వీళ్ళు రాత్రి పడుకునే ముందు గోరు వెచ్చని పాలు, పటిక బెల్లం పొడి తో కలిపి తీసుకోవడం మంచిది. రోజూ ఒక క్రమ పద్ధతిలో ఆహారం తీసుకోవడం మంచిది. ఉపవాసాలు చేయ వద్దు.

ఆపిల్, అరటి పండ్లు, జీడి పప్పు,, ఎండు ద్రాక్ష తీసుకోవడం మంచిది. చిన్న చిన్న గా కొంచెం కొంచెం ఆహారం తీసుకోండి. ప్రతి వారం తలకు నువ్వుల నూనెతో మర్దన చేసుకొని తలంటు స్నానం చేయండి.

పిత్త ప్రవృత్తి..

వీళ్లు ఆహారంలో నెయ్యి తీసుకోవడం మంచిది. ఉదయం 11 గంటలకి ఒక చెంచా నెయ్యి తిని అర గ్లాసు వేడి పాలు తాగడం వీళ్ళకి చాలా హితకరం. తీయనైన, కొంచెం వగరు కలిగిన కూరలు తినడం మంచిది. ఆకలిని చంపుకోకుండా సమయానికి ఆహారం తీసుకోవడం చాలా అవసరం. మినుములు, గోధుమలు, నెయ్యి, పాలు, కొబ్బరి, కాకరకాయ, చిక్కుళ్ళు ,క్యాబేజీ, గుమ్మడికాయ పిత్త ప్రవృత్తి కలవారికి చాలా మేలు చేస్తాయి. చన్నీటి స్నానం వీరికి చాలా హితకరం. ఈత కొట్టడం చాలా హితకరం.

కఫ ప్రవృత్తి..

కఫ ప్రవృత్తి కల వారు చాలా ఎత్తుగా మంచి అంగ సౌష్టవంతో నిండుగా ఉండే విగ్రహం తో ఉంటారు. వీళ్ళ మాటలలో మాధుర్యం ఆలోచనల్లో అవగాహన తత్వం , నడకలో నెమ్మదిగా ఉండటం తెలియని గాంభీర్యం ఉంటాయి. చక్కని అందం, ఆకర్షణ తో కూడిన దేహం వీళ్ళ సొంతం.

వీళ్లలో దట్టమైన జుట్టు , విశాలమైన నుదురు, మంచి ఆకలి, కాళ్ళు, చేతులలో స్థిరత్వం ఉంటాయి. వీళ్ళు తొందరగా లావు అయ్యే అవకాశం ఉంటుంది. అందువల్ల రోజూ వ్యాయామం చేయాలి. వెల్లుల్లి, క్యాబేజీ, నువ్వుల నూనె, ములక్కాడ, క్యాలీఫ్లవర్ వంటి కాయ గూరలు తినడం మంచిది.వీరికి పెరుగు కన్నా మజ్జిగ హితకరం. పగటి నిద్ర వీరికి చెడు చేస్తుంది. చన్నీటి స్నానం చేయడం మంచిది. వీళ్ళు రోజుకు రెండు మూడు సార్లు స్నానం చేయడం మంచిది. ఎక్కువగా తిన కూడదు. వీళ్ళు ఓంకారాన్ని జపించడం వల్ల ఉన్నత స్థాయి కి చేరుకుంటారు.

శిరో ధార .. మనశ్శాంతి కి చక్కటి చికిత్స

నేటి యాంత్రిక జీవనంలో అన్ని వయసుల వారు ఏదోరకంగా తీవ్రమైన మానసిక ఒత్తిడి లోనవుతున్నారు. దానివల్ల జీవితం పై ఒక రకమైన నిర్లిప్తత, జీవనంలో ఒక రకమైన అశాంతి. ఇది ఎక్కువైనప్పుడు విపరీతమైన నిర్ణయాలు. వీటికి తోడు మద్యపానం లాంటి ఏవేవో దురలవాట్లు. ఈ మనసుకి నిద్ర మాత్రలో, మత్తుమందులో కాదు కావాల్సింది.. విశ్రాంతి , నవోన్మేషం కావాలి. అది మన ఆర్య సంస్కృతి చూపించింది. అదే శిరో ధార. మానసిక ప్రశాంతతకు అద్భుత చికిత్స. శిరో అంటే మనస్సుకి కేంద్రమైన తల లేదా మెదడు.' ధార ' అంటే ఆగని ప్రవాహం.

మందులతో కలిసి చేసే ఈ శిరోధారకు శారీరక, మానసిక ప్రశాంతిని,

 సమస్థితిని తీసుకురావడం ..తద్వారా మన ఉద్రేకాలను, నిస్పృహాలను నియంత్రించి ,సమాధాన పరచడం, దానివల్ల మన నిత్య జీవనానికి కొత్త ఉత్సాహాన్ని ఇవ్వడం దాని ప్రయోజనం.

ఒక క్రమ పద్ధతిలో, కొన్ని సహజ మూలికలతో చేసిన తైలాలు, నెయ్యి ,మజ్జిగ, పాలు వంటి వాటిని శిరస్సులో ఒక ప్రత్యేక బిందువు పై, సున్నితంగా జారే జలపాతం లాంటి ధారతో చేసే చికిత్స శిరోధార. అదీ ఒక ప్రత్యేక సమయంలో కొంత సేపు మాత్రమే.

చికిత్స విధానం ..

గోరువెచ్చని ఆ తైలం ధారగా పడుతున్నప్పుడు, ఆ ఎముకల లోని చిన్నచిన్న రంధ్రాల ద్వారా లోపలికి వెళ్లి మెదడును శాంత పరుస్తుంది. శిరోధార మన ఉద్రేకాలను, ఒత్తిడిలను తగ్గించి శాంతి ని, కొంత ప్రశాంతి ని ,మరికొంత ఉత్సాహాన్ని ఇస్తుంది. ఇంకా ఎక్కువ సంపాదించాలని, ఇంకా ఎక్కువ ఆనందాన్ని, సుఖాన్ని పొందాలని ఆత్రుతతో యువత ,నడివయసు వాళ్ళు తొందరగా శారీరక సామర్థ్యాన్ని, మానసిక సంతోషాన్ని, సంతృప్తిని కోల్పోతున్నారు . పూర్వీకుల్లోని శుక్ర బీజ సామర్థ్యం నేటి తరంలో క్రమంగా తగ్గిపోతుందని సూచించబడింది. దానికి కారణం కూడా ఇదే. 

మన మనసు తనకి మించిన ఒత్తిడికి లోనైతే, అది నరాల బలహీనతకు దారి తీసి, శారీరకంగానూ ,మానసికంగానూ నిర్వీరుడు అవుతున్నాడు. దానివల్ల షుగర్ వ్యాధి , థైరాయిడ్, రక్తపోటు ,లావు ఎక్కడము ,నడుము నొప్పి, సంభోగించే సామర్థ్యం తగ్గడం, తొందరగా వాపు రావడం, ముఖ్యంగా స్త్రీలలో అసంతృప్తి తో కూడిన నిర్లిప్తత వంటివి వస్తున్నాయి. ఆధునిక శాస్త్ర ప్రకారం నిద్రమాత్రలు, మత్తునిచ్చే మందులు తప్ప మరో మార్గం లేదు. నాటి ఆయుర్వేదం శారీరక, మానసిక ,ఆత్మజ ఆహ్లాద స్థితికి మనిషిని తేవడానికి చక్కటి మార్గాలను ప్రతిపాదించింది.

సహజమైన మూలికలే కాదు మనం చూసే నువ్వుల నూనె లాంటి వాటిలో కూడా మనసు ను క్లేద పరిచే ఓషద గుణాలు ఉన్నాయి .మనుషుల జీవ గడియారాల కీలు తిప్పడమే కాదు,

 జీవాన్ని నిలిపే ఓషధ సంపదను కూడా ప్రకృతిలో నిక్షిప్తం చేశాడు ఆయన.

రాత్రి పరుండే ముందు పటిక బెల్లం కలిపిన పాలు తాగి, అరికాళ్ళకు నువ్వుల నూనెతో మర్దన చేసుకుని పడుకుంటే మనసు తేలికపడి చక్కగా నిద్ర పడుతుంది .తీవ్రమైన మానసిక ఒత్తిడికి ఆయుర్వేదం అందించిన మరో చక్కటి వైద్య ప్రక్రియ శిరో ధార.ఈ శిరోధార మనో ఒత్తిడి వల్ల వచ్చే వ్యాధులు అన్నింటికి చక్కటి చికిత్స.

అందుకే పక్ష వాతం,ఎప్పటికీ తగ్గని రక్తపోటు, ముఖ పక్ష వాతం, కంటి నొప్పి, చూపు తగ్గడం, నిద్ర లేకపోవడం, శిరో వాతం, తరచూ వచ్చే తలనొప్పి, వీటి అన్నింటికి శిరో ధార చికిత్స సూచించ బడింది. అలాగే అతి నీరసంగా ఉన్న వాళ్ళకి , బీపీ తక్కువ ఉన్నవారికి , గర్భిణీ కాలంలోనూ, మెడ వ్యాధులలోనూ ,తలలో గడ్డలు/ బ్రెయిన్ ట్యూమర్, తాగుడు అలవాటు బాగా ఎక్కువగా ఉన్నవారు ఈ శిరో ధార చేయించుకోకూడదు.

శిరో ధార చేయించుకోవడం మనో ఒత్తిడి ఉన్న సామాన్యులు నెలకు ఒక సారి , దాని వల్ల వచ్చే వ్యాధులున్నవారు మిగతా చికిత్సలతో పాటు 9,11,21 రోజులు శిరో ధార చేయించుకోవాలి అదీ శాస్త్ర బద్ధంగా.

శిరో ధార పూర్వ కర్మ.. అంటే వ్యక్తిని ఈ చికిత్స కోసం తయారు చేయడం. ప్రధాన కర్మ అంటే ఒక వేగంతో, ఒకే ధార తో తగిన మందులతో కలిపిన తైలమో , మజ్జిగో నియమితమైన నుదుటికి , శిరస్సుకి మధ్య బిందువులో చికిత్స చేయడం.

పాశ్చాత్ కర్మ అంటే శిరో ధార తర్వాత వ్యక్తి సామాన్య స్థితికి వచ్చేటట్లు చేయడం తో కలిపి మూడు భాగాలుగా ఉంటుంది. దీనికి పథ్యం, అపథ్యం కూడా ఉంటాయి. అంటే ఆ కాలంలో ఫాస్ట్ ఫుడ్ వంటివి తిన కూడదు. చల్లటి మంచులోనూ, ఎర్రటి ఎండ లోనూ తిరగ కూడదు. ఆ చికిత్స జరిగిన రోజులో సంభోగం చేయ కూడదు.ఇలాంటివి ఆచరించాలి.. మరి దీని ప్రయోజనాలు ఏమిటి అంటే..

క్రమ పద్ధతిలో చేసుకునే శిరో ధార వల్ల రక్త ప్రసరణ చక్కగా జరిగి మేధో శక్తి, జ్ఞాపక శక్తి పెరుగుతాయి. జుట్టు ఊడటం తగ్గి చక్కగా పెరుగుతుంది. మంచి నిద్ర పట్టి, మనస్సు ప్రశాంతంగా ఉంటుంది. శిరో ధార మానసిక ఒత్తిడిని తగ్గించి ,మనసుకు ఆహ్లాదాన్ని ఇస్తుంది.

తలకి, కళ్ళకి,చెవులకి,ముక్కుకి, మెడకి సంబంధించిన అన్ని రుగ్మతలకు చక్కటి సమాధానం ఇస్తుంది ఈ శిరో ధార. చాలా కాలం నుంచి ఉన్న ఈ నిద్రలేమికి , వణుకుడు వ్యాధికి , ఫిట్స్ వచ్చే వాళ్లకు ఇది చక్కగా ఉపకరిస్తుంది. చక్కటి స్వరం, మంచి వాక్కు కావాలనుకునే వారికి చక్కగా ఉపకరిస్తుంది.

HAPPY DIWALI

I WISH YOU A VERY HAPPY DIWALI

BAKRID WISHES

I WISH YOU A VERY HAPPY BAKRID

దసరా శుభాకాంక్షలు - DASARA WISHES

విజయదశమి  శుభాకాంక్షలు - I WISH YOU A VERY HAPPY DUSSEHRA  TO ALL

VINAYAKA CHAVITHI WISHES

HAPPY GANESH CHATHURTHI

ఋతువు మారితే వచ్చే జ్వరం.. ఆయుర్వేద పరిష్కారాలు

సీజన్ మారినప్పుడల్లా జ్వరం వస్తుంటే..

శరీరంలో వచ్చే మార్పులు ..

 వైరస్లు గాయాలు ఇతర అవయవాలకు వచ్చే సమస్యల వల్ల కొన్ని రకాల ప్రోటీన్లు విడుదలవుతుంటాయి ఇది శరీరంలో వేడిని పెంచడం వల్ల అవయవాలు ఒత్తిడికి గురై నాడి వేగం పెరగడంతో పాటు వణుకు వస్తుంది దాంతో మెదడుకు రక్తప్రసరణ అధికమై తలనొప్పికి కారణం అవుతుంది దీనికి పరిచర్యలు అనేక రకాలుగా ఉంటాయి జీర్ణవ్యవస్థ శరీర తీరు కాలాన్ని బట్టి ఆహార నియమాలు పాటించాల్సి ఉంటుంది 

జ్వరం ఉన్నప్పుడు తేలికపాటి ఆహారానికి ప్రాధాన్యమిస్తే జీర్ణ వ్యవస్థ మీద ఒత్తిడి తగ్గుతుంది పండ్ల రసాలు పాలు కలపకూడదు సూపులు రాగులు ఓట్లు బార్లీ గోధుమలు దంపుడు బియ్యంతో చేసిన జావ లు ఇస్తే తక్షణ శక్తి లభిస్తుంది.

జలుబు, దగ్గులకు.. అద్భుత ఆయుర్వేదం

వర్షాకాలం , శీతాకాలాల్లో సాధారణంగా అందరికి జలుబు, దగ్గు, అజీర్ణం వంటి ఇబ్బందులు ఎదురవుతూ ఉంటాయి. ప్రత్యేకమైన వైద్యచికిత్స అవసరం లేకుండానే మన వంటింట్లో దొరికే కొన్ని పదార్థాలతో వీటిని అద్భుతంగా తగ్గించుకోవచ్చు. ఇవన్నీ తరతరాలుగా మన ఇళ్లలో మన పూర్వీకులు అనుసరిస్తూ వచ్చినవే. 

1.)        రెండు నిమ్మకాయల రసాన్ని,,రెండున్నర కప్పుల మరిగించిన నీటికి కలిపి, తేనెతో కలిపి ప్రతిరోజూ పడుకునేముందు తాగాలి. 

2. )  అంగుళమున్నర సైజులో ఆల్లం ముక్కను కోసి కప్పు నీటిలోవేసి బాగా మరిగించి ,వడకట్టి ,అరచెంచా పంచదార కలిపి కొద్దిగా వేడిగా ఉండగానే తీసుకోవాలి. 

3.)   1 స్పూన్ వాముని పొడిచేసి , బట్టలో కట్టి ముక్కు దగ్గర పెట్టుకుని వాసనచూస్తేముక్కుదిబ్బడవదిలిపోతుంది. చిన్నపిల్లలు పడుకున్నపుడు వారి దిండు దగ్గర వాసన తగిలేలా ఈ వాము మూటను పెడితే తెల్లారేసరికి వారి ముక్కుదిబ్బడ వదిలిపోతుంది .

4.)    జలుబు భారం ఎక్కువగా ఉంటే 1 స్పూన్ మిరియం పొడిని 1 కప్పు పాలలో వేసి బాగా మరిగించి , చల్లార్చి చిటికెదు పసుపును కలిపి వరుసగా 3 రోజులపాటు ప్రతిరోజూ ఒకసారి తీసుకోవాలి.

5.)  ఆరు మిరియాలు గింజలు మెత్తగా నూరి ,1 గ్లాసు వెచ్చని నీటికి కలిపి,కొద్దిగా తీపి పదార్థం కలిపి ప్రతి రోజూ రాత్రిపూట కొద్దిరోజులపాటు తీసుకోవాలి.జలుబు భారం వదులుతుంది. 

6.)  1 స్పూన్ జిలుకరని , 1 గ్లాస్ మరుగుతున్న నీటిలో వేసి మరిగించి , వడకట్టి , కలియపెట్టి చల్లార్చాలి. దీనిని రోజుకి ఒకటి , రెండుసార్లు తీసుకోవాలి. జలుబుకు తోడు గొంతునొప్పి కూడా తోడైతే నీటిలో శొంఠి వేసి మరిగించాలి. 

7. )     జలుబుకు తోడు దగ్గు కళ్ళె కూడా తోడైతే 10 తులసి ఆకుల్ని 1 కప్పు నీటిలో వేయాలి. రెండు వెల్లుల్లి రేకలను, అరంగుళం ఆల్లం ముక్కను , 5 మిరియాలు నూరగా వచ్చిన పొడిని ఈ నీటికి కలిపి ఆ నీరు పావుకప్పు అయ్యే వరకు మరిగించి తెర్లనివ్వాలి. తర్వాత వడకట్టి చల్లార్చి 1 స్పూన్ తేనె కలిపి ప్రతి రోజూ ఉదయం తాగితే మంచి ఉపశమనం కలుగుతుంది .

8. )   జీర్ణకోశంలో ఇబ్బంది ఏర్పడినపుడు 15 - 20 తులసి ఆకుల నుంచి తీసిన పసరును , చిటికెడు సైంధవ లవణం తో కలిపి తీసుకుంటే ఇబ్బంది తొలగిపోతుంది. 

9. )   అజీర్ణం కలిగినప్పుడు 5,6 దాల్చినచెక్కముక్కలను, కాస్త మిరియాలపొడుని 1 గ్లాస్ నీటిలో వేసి బాగా మరిగించి కషాయం తయారుచేయాలి. దీనికి కాస్త తేనె కలిపి భోజనం చేసాక అరగంటాగి తీసుకుంటేకడుపుబ్బరం తగ్గి అజీర్ణం తొలగిపోతుంది . 

పడిశం పదిరోగాల పెట్టు.

ప్రతి మనిషికీ ఏదో ఒక్కోసారి కాకుండా అప్పుడప్పుడు వస్తూ కనీసం భారం రోజులు , మనస్సునీ, శరీరాన్ని చికాకు పెట్టే వ్యాధి పడిశం. 

ఇది యెలాంటి సూచనలు ఇవ్వకుండా చుట్టం మాదిరిగా హఠాత్తుగా వచ్చి చికాకు పెడుతుంది. మనల్ని బాధ పెడుతుంది. ఇంతవరకూ వచ్చిన గొట్టాలు, మాత్రలు ఏమీ చేయలేవు , తనంత తాను ఒక 4 రొజుల తర్వాత, 7 రోజుల తర్వాత వదిలిపోవాలి తప్ప.

దీనినే ఆధునికులు కోరిజా లేదా common కోల్ద్ అంటుంటారు.

ముక్కు గొంతుకలను ఆవహించే సూక్ష్మక్రిములు ముఖ్యంగా ఎడినో వైరస్ వంటివి ఈ వ్యాధికి కారణం అంటుంది అధునికవైద్యంపారాఇంఫ్లుయెంజావైరస్కూడాకారణమౌతాయి.తర్వాత స్థితిలో ఫ్సిరిపొవో బాక్టీరియా కూడా జలుబుకు కారణమౌతుంది.రద్దీగా ఉండే ప్రదేశాలు,చల్లని ప్రదేశాలు,దుమ్ము ధూళితో నిండిన ఇంటి పరిసరాలు ,హఠాత్తుగా మారే వాతావరణం ,మంచి కురిసే కాలం ,ఉడకపోత ఎక్కువగా ఉండే కాలం ఈ వైరస్ఆవహించడానికి అనుకూలమౌతాయి.

అన్నిటికి మించి మనలో రోగ నిరోధక శక్తి సన్నగిల్లినపుడు ఈ స్థితి తరచుగా వస్తుంటుంది.ఇంకో విశేషమేంటంటే సైనస్ తో ,మైగ్రేన్ తలనొప్పితో బాధ పదే వారికి ఇది పలుమార్లు వస్తుంది.

ఇది తరచూ వస్తూ ఉంటే మామూలు వాళ్ళకి కూడా సైనస్ రావచ్చు.అలాగేవదిలేస్తేక్రమంగాగొంతుకపూడుకపోవడం,చెవులు సరిగ్గ వినిపించకపోవడం,జ్వరం,ఊపిరితిత్తుల్లో బాధ కలుగ వచ్చు.

అలాగే తరచు జలుబు చేస్తుండడం,ముక్కు చీదడం,నీరు కారడం ఉండి,మిగతా లక్షణాలు లేకపోతే అది ఎల్లర్జీగా గుర్తించండి.దీనినే ఎలర్జిక్ రినైటిస్ అంటారు.తరచుగా వచ్చి ముక్కు దిబ్బడతో నీరు కరుతూ గాలి తీసుకోవడం ముక్కుతో కష్టమౌతుంటుంది .ఇలాంటివారు కొద్ది కాలం మూసి ఉన్న గదులలోనూ ,శుభ్రంగా ఉండేపరిసరాలలోనూ ఉండడం మంచిది.

ఇతరులకు రాకుండా ఎలా ఉండాలి.

మనంతట మనం అది తగ్గే వరకు ఇతరులకు దూరంగా ఉండడం మంచిది.తరచుగా వస్తూ ఉంటే ముక్కులో పొరలు అడ్డం పడుతున్నాయేమో చూసుకోండి.

కొంతమందిలో కొన్ని వాసన కలిగిన పువ్వులు,చెట్లు,ఒక రకమైనగడ్డివంటివిఈజలుబునుఎక్కువచేస్తుంటా యి.వాటికి దూరంగా ఉండడం మంచిది .

దుమ్ము ,ధూళి,మంచి వాసన కలిగిన సెంట్లు,సౌందర్య సాధనాలు,చల్లటి గాలి,తలకి రాదుకునే సుగంధం కూడిన నూనెలు వంటివి కూడా ఎలర్జీని తీసుకురావచ్చు.

పిల్లలలో తరచు తీసుకుంటే చల్లటి ఐస్క్రీములు ,కూల్డ్రింక్స్,చల్లటి నీళ్లలో ఆడడం, మంచులో తడవడం కూడా ఈ స్కిథితి  కారణమౌతాయి.

సహజవైద్యశాస్త్రమైన ఆయుర్వేదంలో దీనిని ప్రతిశ్యాయమంటారు.

ఎక్కువగా నిద్రపోవడం,తలదగ్గర ఎత్తుపల్లలుగా ఉన్న దిండు పెట్టుకోవడం , ఎదురుగాలి, రకరకాల ప్రదెస్శాలలో వివిధ రకాల నీళ్లు తాగడం,వాంతిని అణచుకోవడం,కన్నీళ్లు ఆపుకోవడం కూడా ఈ స్తితికి కారణమౌతాయి.

గొంతు ముక్కు బిగపట్టి కొంచెం కొంచెం గా నీరు స్రవిస్తూ గరగరమని శబ్దం వస్తుంటే అది వస్త ప్రతిశ్యాయం అంటారు. 

జలుబు చేసి పచ్చటి స్రావం ముక్కునుంచి కారుతుంటే,శ్వాస వేడిగా ఉంటే అది పిత్త ప్రతిశ్యాయం.

ముక్కునుంచి తెల్లని చిక్కని స్రావం స్రవిస్తూ పెదిమలపై దురద ఉంటే అది శ్లేష్మ ప్రతిశ్యాయం అంటారు .

పడిశం నివారణకు సూచనలు.

జీలకర్రని చూర్ణించి పంచదార పుచ్చుకొని రాత్రి పడుకునేముందు కాచిన నీళ్లు పుచ్చుకుంటుంటే జలుబు బాగా తగ్గుతుంది. 

బెల్లం,మిరియాల చూర్ణం కలిపి ఉండగా చేసి పెరుగుతో కాని, వేడి నీళ్లతో కాని పుచ్చుకోవడం హితకరం కాగలదు.

 వాము చూర్ణం 4 భాగాలు, పటిక బెల్లం చూర్ణం 8 భాగాలు కలిపి మెత్తగా నూరి ఉదయం సాయంత్రం 1 చెంచా మందు తీసుకుని వేడి నీళ్లుతాగుతుంటేదగ్గు,ఆయాసంతగ్గుతాయి.

లవంగాల కషాయం కాని ,మిరియాల కషాయం కాని బెల్లం తో కలిపి తాగిస్తే జలుబు తగ్గుతుంది 

వాముని ఒక గరిటెలో బాగా వేయించి పల్చటి బట్టలో మూటగా కట్టి ముక్కుకి రెండువైపులా , నుదుటి పైన , కంటి పై రెప్పలపై కాపు పెట్టుకుంటే శ్లేష్మం పలుచబడి అక్కడ బరువు తగ్గుతుంది .

రెండు చిటికెల పసుపు ,ఒక చిటికెడు మెత్తటి ఉప్పు కలుపుకొని నోట్లో చేసుకుని ఉదయం సాయంత్రం వేడినీళ్లు గాని, వేడి కాఫీ గాని తాగుతుంటే ఎలర్జీ తగ్గుతుంది.

పసుపు కొమ్ములను దోరగా వేయించి చూర్ణం చేసి ప్రతి రోజూ ఉదయం పూట పావు చెంచా పొడిని అరగ్లాసు గోరువెచ్చటి నీళ్లతో కలిపి తాగితే జలుబు, దగ్గు తగ్గుతాయి.

కుంకుమ పువ్వు ,జాజికాయ,ద్రాక్షపళ్లు,వీటిని సమంగా తీసుకుని తేనెతో కలిపి నూరి శనగ గింజంత మాత్ర చేసుకుని వేడిపాలతో తీసుకుంటే పడిశం హాయిగా తగ్గిపోతుంది 

అరగ్లాసు వేడి పాలలో 6 మిరియపు గింజల చూర్ణం చేసి ,బెల్లం కలిపి తాగుతుంటే జలుబు తగ్గిపోతుంది.

జాజికాయ, జాపత్రి, కుంకుమ పువ్వు , సమంగా తీసుకుని పన్నీరుతో మర్దించి చిన్న చిన్న మాత్రలు చేసుకుని గోరువెచ్చటి నీళ్లతో ఉదయం, సాయంత్రం తీసుకోవడం చాలా మంచిది 

జలుబుగా ఉన్నపుడు తరచుగా తుమ్ములు వస్తుంటాయి.4 గులాబి పూల రేకులు తీసుకుని ఒక అరగంట నువ్వుల నూనెలో వేసి కొద్దిసేపు వేడిచేసి తర్వాత వడపోసి 2 చుక్కలు ముక్కులో వేసుకోండి, తరచుగా వచ్చే తుమ్ములు తగ్గిపోతాయి. 

3 మిరియాల ఈ 1 చెంచా తేనెతో కలిపి మెత్తగా నూరి ఉదయం, సాయంత్రం తీసుకుంటుంటే చిరకాలంగా ఉన్న జలుబు తగ్గుతుంది 

ఇన్ హేలర్ వాడటం కన్నా నల్లజీలకర్ర చూర్ణం ను ఒక బట్టలో మూటగా కట్టి వాసన పీలుస్తుంటే జలుబుతో ఉన్న ముక్కు సాంత్వన పొందుతుంది.

దానిమ్మ పువ్వుల రసాన్ని 5,6 చుక్కలు ముక్కులో వేసుకుంటే ,ముక్కునుంచి వచ్చే స్రావం ఆగిపోతుంది.

జలుబుతో పాటు తలనొప్పి కూడా వస్తుంటే యేలకుల చూర్ణాన్ని ముక్కుతో పీలుస్తుంటే తలనొప్పి తగ్గిపోతుంది.

తరచూజలుబుతోబాధపడేవారుపాతబియ్యం,పెసలు,ఉలవల చారు,ముల్లంగి,వెల్లుల్లి,వేడి నీళ్లు, తేలిక ఆహారం తీసుకోవడం మంచిది. 

పడిశం  భారానికి వాముతో వైద్యం.

పైడి భారంగా ఉంటే ముక్కు దిబ్బడ వేసి వదలడం  లేకపోతే  గాలి ఆడనట్లు, ఊపిరి అందనట్లు అనిపిస్తుంటే ఒక గరిటె లోకి 2,3 నిప్పు కణికలు తీసుకోండి దానిమీద  వాము కొద్దికొద్దిగా చల్లుతూ ఆ పొగని పిలిస్తే నా సెల్ కంజ్షఈన్ అంటే ముక్కు దిబ్బడ వదిలేస్తుంది. గాలి ఫ్రీగా ఆడుతుంది . ముక్కులో ను ఊపిరితిత్తుల్లో కూడా కఫాన్ని తొలగించి శుభ్రం చేస్తుంది.తాంబూలంలో లో వక్కపొడి కి బదులుగా వాము వేసుకొని నములుతూ కొద్దికొద్దిగా రసం మింగండి .ఈ లాభాలన్నీ  దక్కుతాయి.

జలుబుతో గొంతు పూడుకుపోతే రేగు ఆకులు చక్కగా వైద్యానికి ఉపయోగపడతాయి.

దగ్గు, జలుబు, పడిశ భారం వలన గొంతు పూడిక పోతే మీ చుట్టుపక్కల ఉన్న రేగు చెట్టు నుంచి ఆకులు కోసుకుని తెచ్చుకొని  నీడలో ఆరబెట్టండి. ఏ రోజుకు ఆ రోజు కాసిని ఆకులు మేత్తగా దంచి నేతిలో వేయించి అందులో తగినంత సైంధవ లవణం కలుపుకొని తీసుకోండి . పూడుకుపోయిన గొంతు రాగాలు పలుకుతుంది .

అతిమధురం అనే మూలిక పచారీ షాపుల్లో దొరుకుతుంది .ఈ చెట్టు యావత్తూ తీపిగా ఉంటుంది. అందుకే దీనిని అతిమధురం అన్నారు. ఈ చెట్టు కాండం లో నుంచి చిన్న ముక్క విరిచి బుగ్గన పెట్టుకొని చప్పరించినా నీ స్వరం రాగాలు పలుకుతుంది 

అలాగే చన్నీళ్ల స్నానం , కోపం తెచ్చుకోవడం, నేలపై పరుండడం, ఎక్కువ చల్లటి పదార్థాలు తీసుకోవడం జలుబు ఉన్నవారు చేయకూడదు.

ఆరోగ్యం ఆదిత్యాధీనం అంటుంది వేదం,ఉదయపు సూర్య కిరణాలు ఒంటికి సోకుతుండగా నడవడం జీవనానికి హితకరంగా ఉంటుంది.

1. తాంబూలంలో దాల్చినచెక్క దగ్గుని తగ్గిస్తుంది.

దగ్గు వస్తున్నపుడు తాంబూలం వేసుకుని తగ్గించుకునే ఒక మంచి ఉపాయం ఉంది. ఆన్ని కిళ్లీలు తాంబూలాలు కావు, కిళ్లీల్లో మనకి అనారోగ్యకరమైనవి చాలా కలుస్తుంటాయి. తాంబూలం అంటే ఆకు, వక్క, సున్నం మాత్రమే కలిసేది. ఇందులో వక్కకు బదులుగా చిన్న దాల్చినచెక్క ముక్కలను కలుపుకొని తాంబూలం వేసుకోండి.

చాలా రుచిగా ఉంటుంది, ఆరోగ్యానికి చాలా మంచిది, యే విధంగానూ చెడు చేయదు. నములుతూ రసం మింగితే దగ్గు తగ్గుతుంది. కడుపులో మంట , నొప్పి, బాధ, అజీర్తి తగ్గుతాయి.వక్కపొడికి ప్రత్యామ్నాయంగాదల్చినచెక్క ఉపయోగపడుతుంది.జర్దా కిళ్లీలను,వక్కపొడిని మానేయాలనుకుంటే ఇది ఒక మంచి ఉపాయం .

2. తెల్లవారు ఝామున తుమ్ములకు తులసి ఆకుల నస్యం.

ముక్కులోపలఅలర్జీవల్లతుమ్ములజబ్బుచేస్తుంది.తుమ్ములు తుమ్మి తుమ్మి అలసి సొమ్మసిల్లిపడిపోతుంటారు చాలామంది. ఆడవారిలో ఈ వ్యాధి ఎక్కువగా కంపిస్తుంది.

తులసి ఆకుల్ని ఎండబెట్టి మెత్తగా దంచి బాగా వస్త్రగాళితం బట్టి చక్కని పొడిని తయరి చేసుకోండి. చిటికెడు పొడిని తీసుకుని ముక్కు పొడుం పీల్చినట్లు పీల్చండి. ఇలా రోజూ రెండు, మూడు సార్లు చేస్తుంటే తుమ్ముల తీవ్రత తగ్గుతుంది. 

మొదట కొద్ది మోతాదులో ప్రారంభించి క్రమేణా పెంచండి. కొందరికి ఈ తులసి ఎలర్జీ ఉంటుంది , అందుకని తక్కువ మోతాదులో ప్రారంభించి క్రమేణా మోతాదు పెంచుకోండి. 

3 .వంటింటి  మసాలా దినుసులతో ఆయాసానికి మందు.

వంటగదిలో దొరికే మసాలా దినుసులతో ఆయాసాన్ని తగ్గించేందుకు మంచి మందు తయారి చేసుకొవచ్చు.

ఏలకులు - 1 భాగం.

దాల్చిన చెక్క - 2 భాగాలు.

బిర్యాని ఆకు - 3 భాగాలు.

నాగకేసరాలు -4 భాగాలు.

మిరియాలు - 5 భాగాలు.

పిప్పళ్ళు - 6 భాగాలు.

శొంఠి - 7 భాగాలు.

ఇలా ఒకదానికొకటి పెంచుకుంటూ ఒక చిన్న మెజర్మెంట్ కప్పుతో గాని , తూకం వేయించుకొని గాని దినుసులను సేకరించుకోండి. వీటిలో నాగకేసరాలు, మిరియాలు, పిప్పళ్ళు, శొంఠి ఈ నాలుగింటిని విడివిడిగా - నేరుగాగాని , నేతిలోగాని వేయించండి. అన్నీ కలిపి దంచడం గాని, మిక్సీ పట్టడం గాని చేసి, ఈ మొత్తనికి సమానంగా చక్కెర కలిపి 1 - 2 చెంచాల పొడిని రోజూ మూడు పూటలా తింటే ఆయాసంలోనే కాదు, చాలా వ్యాధుల్లో పనిచేస్తుంది.

మొలల వ్యాధిలోనూ, అజీర్తిలోనూ, పేగుల్లో వచ్చే వ్యాధుల్లోనూ , గొంతుకు సంబంధించినఆన్నివ్యాధుల్లోనూ, దగ్గు, జలుబు, ఆయాసాలలోనూ, ఆఖరికి గుండెజబ్బులో కూడా ఈ ఫార్ములా అద్భుతంగా పని చేస్తుంది.

మామూలుగా ఆయాసాన్ని తగ్గించేందుకు వాడేమందులన్నీ పైత్యం చేయడం, గ్యాస్ ట్రబుల్ ని తెచ్చిపెట్టడం, గుండెలో దడ, వణుకు వంటి లక్షణాలకు కారణమౌతాయి. అందుకని ఆయాసానికి మీరు వాడుకునె మందులకు తోడుగా ఈ చిన్న చిట్కా ప్రయోగిస్తే మందుల సైడ్ ఎఫెక్ట్స్ తగ్గుతాయి. క్రమేణా ఆయాసానికి మీరు ఇంగ్లీషు మందులు వాడుకునే అవసరం తప్పుతుంది. 

4.  అల్లం రసంతో ఆయాసం తగ్గించుకోండి.

ఆల్లం రసంలో తేనె కలిపి తాగిస్తే ఆయాసం అప్పటికప్పుడు తగ్గినట్లనిపిద్తుంది.తీవ్రతతగ్గుతుంది,ఫ్రీగావిరేచనమౌతుంది, అందువలన పొట్టలో బరువు, గుండెలో బరువుగా ఉండటం తగ్గుతాయి .దగ్గు, జలుబు, ఋఒంప, ముక్కుదిబ్బడ, తలనొప్పి, సైనసైటిస్ వీటన్నింటికి కూడా ఇది మంచి నివారణగా ఉపయోగపడుతుంది . 

4. ఆయాసం - బూడిదగుమ్మడి వేళ్ళు - అద్భుత ప్రయోగం

బూడిద గుమ్మడి మొక్క వేళ్ళను శుభ్రంచేసి ఎండబెట్టి మెత్తగా దంచి భద్రపరుచుకోండి. మీకు తెలిసినవారిలో ఎవరికైనా ఆయాసం వస్తుంటే - ఈ బూడిదగుమ్మడి వేళ్ళపొడిని గోరువెచ్చటి నీళ్లతో అర చెంచా మోతాదులో తినిపించండి. శీఘ్రం శమయతి శ్వాసం కాసం చైవ సుదారుణం అని వైద్యశాస్త్రం చెబుతోంది. దారుణంగా ఉన్న ఆయాసం, దగ్గు వెంటనే తగ్గుతాయట దీనిని తీసుకుంటే. 

5.దగ్గు తగ్గడానికి శొంఠి, కరక్కాయ మాత్రలు.

శొంఠి, కరక్కాయ పై బెరడు ఈ రెంటిని మెత్తగా దంచి , కాసిని ఎండు ద్రాక్షగాని, ఎండు కిస్మిస్ గాని చేసి బాగా నూరండి, మొత్తం మెత్తటి ఉండలా ఐన తర్వాత కుంకుడు గింజంత మాత్రలు చేసుకుని, ఒక్కొక్క మాత్ర బుగ్గన పెట్టుకుని రసం మింగుతుంటే దగ్గు తగ్గుతుంది. గొంతులో హాయిగా ఉంటుంది, కఫం కరుగుతుంది, కళ్లె తగ్గుతుంది, గొంతులో నస తగ్గుతుంది, జలుబు కూడా తగ్గుతుంది . 

6. బెల్లం, ఆవనూనెలతో ఆయాసం తగ్గించుకోండి.

పాత బెల్లాన్ని మెత్తగా నూరి, అది తడిసి ముద్దయ్యే వరకు ఆవనూనెను అందులో కలిపి బాగా నూరండి.ఉదయం, సాయంత్రం పెద్ద ఉసిరి కాయంత ఉండలు చేసుకొని రోజూ తినండి. ఇలా మూడు వారాలపాటు చేస్తే ఆయాసం నిస్సందేహంగా తగ్గుతుందని వైద్యశాస్త్రం చెప్తోంది.

ఇవి చెడు కలిగించే మందులు కావు. ఇలాంటి చిన్న చిన్న చిట్కాలే అద్భుతాలను సృష్టిస్తుంటాయి ఒక్కోసారి. 

7.)  ఉబ్బసానికి ఇంగువ తో వైద్యం.                         

ఉబ్బసం వ్యాధికి ఎన్ని రకాల మందులు వాడినా మందు మొదలు పెట్టిన కొత్తలో చాలా బాగా పని చేసినట్లు అనిపిస్తూ , పోనూ పోనూ పని చేయక కొత్తమందు కోసం వెతకవలసి వస్తుంటుంది. ఈ కారణం వలన ఉబ్బస రోగులు పదే పదే వైద్యులను మారుస్తుంటారు. నిజానికి ఇలా వైద్యులను మార్చాల్సిన పని లేదు. వైద్యునికి మీరు సహకరించినట్లైతే వైద్యుడే మరో మందును మారుస్తాడు.

ఉబ్బసం తీవ్రతను తగ్గించుకోగలిగితే వైద్యులను, మందులను మార్చాల్సిన అవసరముండదు.ఇంగువ నల్లగా ముద్దలా ఉండేది మంచిది. దానిని సేకరించండి. దానికి సమానంగా ముద్ద కర్పూరం కలిపి చిన్న శనగ గింజంత మాత్ర చేసుకుని , రోజూ రెండు పూటలా ఒకట్రెండు మాత్రలు వేసుకోండి. ఆయాసం తీవ్రతతగ్గుతుంది. మందులు బాగా పనిచేస్తాయి.

ఆయాసానికి ఇంగ్లీషు మందులు కొñని వాడుతున్నపుదు సైడ్ ఎఫెక్ట్స్ వల్ల దడ ,వణుకు వస్తాయి.ఈ ఇంగువ కర్పూరం మాత్రల వలన ఈ సైద్ ఎఫెక్ట్స్తగ్గుతాయి.అరికాళ్ల మంటలు,తిమ్మిర్లు కూడా తగ్గుతాయి.

8. ) ఆయాసానికి మరో వైద్యం.

తీవ్రంగా ఉన్న ఆయాసం తగ్గడానికి సింపుల్ గా తయారయ్యే మందు ఉంది.

బెల్లం ,మిరియాలు ,పసుపు,ఎండు ద్రాక్ష పళ్ళు ,పిప్పళ్ళు వీటిని సమానంగా తీసుకోండి. ఇందులో  పిప్పళ్ళనీ, మిరియాల ని విడివిడిగా నేతిలో వేయించండి. మొత్తాన్ని కలిపి దంచండి. అది ముద్దలా అయ్యేంతవరకు సరిపడేంత నువ్వుల నూనె కలిపి ఉసిరికాయంత సైజు ఉండని నమిలి మింగండి . ఇలా చేస్తే ఆయాసం తగ్గుతుందనిఆయుర్వేద గ్రంథం యోగరత్నాకరం చెబుతోంది. ఇందులో  రాస్నా అనే మరో మూలిక కూడా కలపాలి .పచారీ కోట్లలో రాస్నా తేలికగానే  దొరుకుతుంది.    దీనిని కూడా కలిపితే ఇంకా మంచిది.

9.) వేడిచేసి వచ్చే పొడి దగ్గు లో చలవ చేసే దగ్గు మందు.

బాగా అలసిపోయి ఉన్నప్పుడు అతిగా ప్రయాణాలు చేసినప్పుడు రాత్రిపూట రోజు ఎక్కువసేపు మేల్కొని వలసి వచ్చినప్పుడు మసాలాలు పచ్చళ్ళు  ఊరగాయలు అధికంగా తిన్నప్పుడు ,  అతి పుల్లనిపదార్థాలు   ఎక్కువగా తీసుకున్నప్పుడు   వేడిచేసి పొడిపొడిగా దగ్గు మొదలై కళ్ల్లే తెగక ఊపిరాడనియక బాధ పెడుతుంది. వేడి చేసి వచ్చింది లెమ్మని డాక్టర్ని సంప్రదించరు    చాలామంది. చుట్టా బీడీ సిగరెట్ లు  అధికంగా కాల్చిన ఇలానే పొడి దగ్గు వస్తుంది.ఇలాంటప్పుడు మొదట శరీరానికి చలవ కలిగించాలి వేడి తగ్గి పోతే దగ్గు దానికదే అదుపులోకి వస్తుంది.

ఎండు ఖర్జూరం ,పిప్పళ్ళు ,ఎండు ద్రాక్ష  ,పంచదార, మరమరాలు గాని ,మొక్క జొన్న పేలాలు గాని, జొన్న పేలాలు గాని ఏవి దొరికితే అది వీటన్నింటిని ఒక కొలత ప్రకారం సమానంగా తీసుకోండి మొత్తాన్ని మెత్తగా దంచడం గాన  మిక్సీ పట్టడం గాని చేయండి మెత్తటి పొడి వస్తుంది ఈ పొడిని ఒక చెంచా మోతాదులో మూడు పూటలా తేనెతో కలిపి తీసుకోండి కొద్దిగా నెయ్యి కూడా కలిపితే మరి మంచిది .పొడి దగ్గు తగ్గుతుంది        

10.).   ఇస్నోఫీలియా కి వేప పువ్వుల వడియాలు 

షడ్రుచుల లో చేదు కూడా ఒకటి చేదు తినకుండా భోజనం చేస్తే మీరు తిన్నది షడ్రసోపేతమైన భోజనం కాదు.ఆహారంలో లో చేదు  తగలాలి అంటే వేప పూలు మెంతులు కాకర ఇవి ముఖ్యంగా మనం తిన్న కలిగినవి.

వేప పువ్వులను సేకరించి అల్లం వగైరా దిట్టంగా వేసి వడియాలు పెట్టుకుని వేయించుకుని తినండి మూర్చ వ్యాధుల నుంచి వాత వ్యాధుల వరకూ అన్ని  రోగాల్లో నూ ఇవి మంచివి. బోదకాలు, ఇస్నోఫీలియా ఉన్నవారికి మరీ మంచివి.

వేప పువ్వు ని వేప చిగుళ్లు వీటిని ఇలానే చక్కగా ఎండించి నేతిలో వేయించి తగినంత ఉప్పు కారం కలుపుకొని  కారప్పొడి లా చేసుకుని రోజూ ఒకటి రెండు చెంచాలు అన్నంలో తింటే ఇస్నోఫీలియా త్వరగా తగ్గుతుంది దగ్గు జలుబు ఆయాసం ఇతర ఎలర్జీ వ్యాధులు ఉన్నవారికి ఇది ఎంతో మేలు చేస్తుంది .బోధవ్యాధి ఉన్నవారైతే దీనిని తప్పనిసరిగా తింటే చాలా చాలా మంచిది.       

RAMZAN WISHES

RAMZAN SHUBHAKANKSHALU

66 TH INDEPENDENCE DAY WISHES

SWATHANTHRYA DINOTHSAVA SHUBHAKANKSHALU

దానిమ్మ పండు.. ఉపయోగాలు.

దానిమ్మ లోని అన్ని భాగాలు శరీరానికి మంచి చేసేవే. దానిమ్మ గింజలు అందానికి ఆరోగ్యానికి నిలయాలు. విటమిన్ సి, సిట్రిక్ యాసిడ్, టానిన్, ఇంకా చాలా ఉపయోగాలు కల అల్కలోయిడ్స్ ఉన్నాయి. ఎక్కువగా పొటాషియం,పీచు పదార్థం ఉంటుంది. గింజలు, రసం, తొక్కల నుండి ప్రత్యేక మైన పోలిఫినల్స్ లభిస్తాయి. ఇవి వివిధ రోగాల నుండి రక్షిస్తాయి. ప్రముఖంగా ఎలాజిక్ ఆసిడ్ క్యాన్సర్ లను నివారించడం లో జీర్ణ క్రియ సులభంగా జరగడంలో ఉపయోగ పడుతుంది. ప్రతి రోజూ 6-8 ఔన్సుల దానిమ్మ రసం తాగడం ద్వారా ప్రొస్టేట్, రొమ్ము కాన్సెర్ నివారణ లో ఉపయోగ పడటమే కాకుండా చిన్న పేగుల్లో క్యాన్సర్ కి కారణమయ్యే మంట లక్షణాలను తగ్గిస్తుంది.

SRI KRISHNA JANMASHTAMI

SRI KRISHNA JANMASHTAMI SHUBHAKANKSHALU ( GOKULASHTAMI )

పుదీనా ఆకులు.. అనేక ఉపయోగాలు

ఆకు కూరలా.. ఏముంది వాటిలో .. రుచా పచా, ఏం తింటాం.. చప్పచప్పగా .. అని కొట్టి పారేస్తుంటాం.. ఆకు కూరల పై చాలా చిన్న చూపే. మాంసాహారాలు, కాయ గూరలతో పోల్చితే ఇవి తక్కువ ధరలకే లభించే పోషకాల పెన్నిధులు. పౌష్టిక విలువలను, ఔషధ గుణాలను అందించే ఈ పచ్చని ఆకులు తోడుంటే ఆరోగ్యానికి ఏ లోటూ రాదు. నిండు నూరేళ్ళు సంపూర్ణ ఆరోగ్యం తో జీవించేయవచ్చు. 

మన దేశంలో ఆహారం కోసం ఉపయోగించే మొక్కలలో మూడొంతులు ఆకు కూరలే. మనకు తెలిసినవి వేళ్ళ మీద లెక్క పెట్టొచ్చు. ఆకు కూరలంటే ముందుగా పాలకూర , తోటకూర , గోంగూర, చుక్క కూర, పొన్నగంటి , బచ్చలి, గంగ వాయిలి కూర, మునగ, చింత చిగురు, కొత్తిమీర, పుదినా గుర్తుకొస్తాయి. 

ఆకు కూరలలో అగ్రగామి..

ఎంతో ఉపశమనం, ఎంతో స్వాస్థ్యము, ఎంతో ఉల్లాసం, ఎలా చూసినా పుదినా రుచి , పరిమళం, పోషక విలువలు , ఔషధ గుణాలు అమోఘం. చలువ చేసే పుదీనా ఆకు కూరల లో అగ్రగామి. వేటితో జత కలిపినా పుదినా తన ప్రత్యేకతను నిలుపుకునే ఒక విజేత. ప్రపంచంలో ఎందరో ఇష్టపడే అమోఘమైన రుచులలో, అద్భుతమైన పరిమళాలలో పుదినా ఒకటి. ఇది శరీరానికి ఎంతో చలువ చేసే, మనసును సేద తీర్చేలా , ఎంతో ఉల్లాసాన్ని , ఉత్సాహాన్నిచ్చే మధుర పరిమళం. 

మౌత్ రిఫ్రెషనర్ గా పుదీనా అందరికీ సుపరిచితమే. పుదీనా పరిమళం గల టూత్ పేస్ట్ లు , చూయింగ్ గమ్ లు, బ్రీత్ ఫ్రెషనర్ లు , క్యాండీలు, ఇంకా ఎన్నో పుదీనా ఆధారిత ఉత్పత్తులు మార్కెట్ లో కనిపిస్తుంటాయి. 

అందరూ ఎంతో ఇష్టపడే మింట్ చాక్ లెట్లు, ఐస్ క్రీములు మరువ లేము. పుదీనా గురించి తెలిసింది కొంత, తెలుసుకోవలసింది ఎంతో. పుదీనా ఎన్నో రూపాలలో, ఎన్నో రుచులలో దొరుకుతుంది. మనకు స్పియర్ మింట్, పెప్పర్ మింట్ , తోటల్లో పెరిగే ఆకుల రూపంలో పుదీనా లభిస్తుంది. డెజర్టులలో ఒక రకం పుదీనా, డ్రింక్ ల కైతే ఒక ప్రత్యేక రకం, అదే మామూలు వంటింట్లో అయితే దేశవాళీ రకం లేదా తోటల్లో పెరిగిన పుదీనా ఆకులను వాడతారు. 

సలాడ్స్ లో వాడడానికి పైనాపిల్ మింట్ బాగుంటుంది. మింట్ మన దేశంలో పుదీనా గా అందరికీ బాగా తెలుసు. మనకు మామూలుగా దొరికే రకాలలో సాదా పుదీనా ఒకటి కాగా పెప్పర్ మింట్ మరొకటి. పుదీనా ను చాలా మంది పచ్చడి రూపంలో కానీ, సలాడ్లలో లేదా పుదీనా నిమ్మ రసం రూపంలో తీసుకుంటుంటారు. మన దేశంలో నడి వేసవిలో ఈ పుదీనా వాడకం ఎక్కువగా ఉంటుంది. ముఖ్యంగా ఉత్తరాది రాష్ట్రాల లోని వారు పుదీనా ను అనేక రూపాలలో విరివిగా వాడుతుంటారు. అక్కడ వారి వంట గదిలోకి అడుగు పెట్టగానే ఈ పుదీనా వాసన మనల్ని ఉక్కిరి బిక్కిరి చేస్తుంది. విలక్షణమైన ఆ పరిమళం మనల్ని పరవశింప చేస్తుంది. 

వేసవిలో ఇంటికి వచ్చే అతిథులకు పుదీనా వేసిన నిమ్మ రసం పానీయం ఇవ్వడం రివాజు. డైనింగ్ టేబుల్ మీద పుదీనా పెరుగు పచ్చడి ఖచ్చితంగా ఉంటుంది. పుదీనా పెరుగు పచ్చడి లేకపోతే ఏదో వెలితిగా ఉంటుంది. 

చలువ చేసే పుదీనా ఆకులను వేసవిలో తరచుగా వాడతారు. ఇది ఆహార పదార్థాలకు అదనపు రుచిని, కమ్మని వాసనను జోడిస్తుంది. పుదీనా ఆకులు వేసి తయారు చేసిన అనేక రసాలు వేసవిలో తనువుకు ,మనసుకు పెను సాంత్వన ఇస్తాయి. దూర ప్రయాణాలు చేసేముందు పచ్చి మామిడి కాయలతో , పుదీనా రసం కలిపిన పానీయం తీసుకోవడం మంచిది. ఈ రసాన్ని ఉత్తరాది వారు ఆమ్ పన్నా జ్యూస్ అంటారు. ఇది వడ దెబ్బ తగలకుండా బాగా పనిచేస్తుంది.

అలాగే పుదీనా ఆకులు వేసి తయారు చేసిన మజ్జిగ లేదా పుదీనా వేసిన చల్లటి జల్ జీరా రసం తనువును సేద తీరుస్తాయి. జీర్ణ క్రియను మెరుగు పరిచి వికారాన్ని తగ్గిస్తుంది. పుదీనా అద్భుతమైన జీర్ణకారి.

పానీపూరి లో వాడే రసాన్ని తయారు చేయడానికి పుదీనా ను విరివిగా వాడతారు. టీ,క్యాండీలు, జెల్లీ లు, కూల్ డ్రింకుల తయారీలో పుదీనా ను ఉపయోగిస్తారు. పుదీనా వేసి తయారు చేసిన చల్లటి ఐస్ టీ లేదా హెర్బల్ టీ శరీరానికి చలువదనాన్ని అందిస్తుంది.

చలి కాలం లో పుదీనా వేసుకుని తయారు చేసిన టీ తాగుతుంటే ఎంతో ఉపశమనంగా ఉంటుంది. పుదీనా టీ ని చాలా మంది ఇష్ట పడతారు. పుదీనా ఎంతో ఉపశమనాన్ని ఇస్తుంది, మంచి జీర్ణ కారి. ఇది ప్రభావ వంతమైన మూత్ర వర్ధినిగా పని చేస్తుంది. రోజూ కొన్ని ఆకులు నమిలితే తాజాదనం,ఉత్సాహం కలుగుతాయి.

ఇది నోటి దుర్వాసనను పోగొట్టి శ్వాస ను తాజాగా ఉంచే మంచి మౌత్ ఫ్రెషనర్.శతాబ్దాలుగా కమ్మని సువాసనను,వంటకాలకు అదనపు రుచిని ఇస్తూ స్వాస్థ్య శక్తిని అందించడంలో పుదీనా పేరెన్నిక గన్నది.

ఉదర సంబంధిత ఇబ్బందులను తొలగించే శక్తి పుదీనా లో ఉన్నదన్నది చాలా కాలంగా తెలిసిన విషయమే. ఒక ఔషధంగా పుదీనా వాడకం మన బామ్మల కాలం నుంచి ఉన్న చిట్కా వైద్యం. ఇవే కాక పుదినాలో ఇతర ఆరోగ్య ప్రయోజనాలు ఎన్నో ఉన్నాయి.

ఉదర సంబంధిత వ్యాధులకు పుదీనా దివ్యౌషధం. ఎండ బెట్టిన పుదీనా ఆకులను నీళ్లలో వేసి మరిగించి తయారు చేసిన కషాయం తీసుకుంటే జీర్ణక్రియ వ్యవస్థ మెరుగ్గా పని చేస్తుంది. కడుపు నొప్పి తీవ్రతను తగ్గిస్తుంది. పుదీనా వేసి తయారు చేసిన హెర్బల్ టీ తాగితే కడుపులో గడబిడ తగ్గుతుంది.

కడుపులో మంట కు పుదీనా మంచి ఔషధంగా పని చేస్తుంది. పుదీనా లోని ఔషధ గుణాలకు ప్రాచీన కాలం నుంచి గుర్తింపు ఉంది. ప్రాచీన గ్రీకులు మందులలో ఉపయోగించే దరిమిలా పుదీనా ను ఇండోనేషియా ,పశ్చిమాఫ్రికా దేశాలకు పరిచయం చేశారని , మన దేశంలో ని హిమాలయ ప్రాంతాలలో పుదీనా పంట బాగా పండుతుందని అధ్యయనాలు వెల్లడిస్తున్నాయి.

ఇది శక్తివంతమైన మూత్ర వర్ధకం కాబట్టి ఒంట్లో నీరు చేరడాన్ని నివారించవచ్చు.శరీరంలోని విష పదార్థాలను తొలగించడానికి ఉపయోగపడుతుంది. తీసుకునే ఆహారంలో క్రమం తప్పకుండా పుదీనా ను ఏదో ఒక రూపంలో చేర్చుకో గలిగితే అది శరీరంలోని బ్యాక్టీరియా,ఫంగస్ ల పెరుగుదలను బాగా తగ్గిస్తుంది.

పుదీనా లో యాంటీ ఫంగల్ లక్షణాలు ఉన్నందున అది ఉబ్బసాన్ని నియంత్రించడానికి తోడ్పడుతుంది. పుదీనా ఆకులు వేసి బాగా మరిగించిన నీటిని ఆవిరి పట్టినట్లయితే జలుబు ,సైనస్ ఇన్ఫెక్షన్స్ వంటి కొన్ని కంజేషన్ సమస్యల నుండి ఉపశమనం పొందవచ్చు.

తల నొప్పులు ,మైగ్రేన్ తగ్గడానికి పుదీనా దోహదం చేస్తుంది. తల నొప్పి వేధిస్తుంటే వేడి వేడి పుదీనా టీ తాగితే వెంటనే ఉపశమనం కలుగుతుంది. దీని ఎసెన్షియల్ తైలాన్ని వాసన చూస్తే ఎంతో ప్రశాంతంగా అనిపిస్తుంది.మెదడుకు విశ్రాంతి లభిస్తుంది. సుగంధ తైల చికిత్సలో పుదీనా తైలాన్ని విరివిగా ఉపయోగిస్తారు. పుదీనా లోని ఔషధ విలువలు రక్త ప్రసరణను క్రమ బద్ధం చేస్తాయి.

రోజూ కొన్ని పుదీనా ఆకులు నమిలితే తాజాదనం ,ఉత్సాహం రోజంతా నిలిచి ఉంటాయి. ఇవి యాంటీ సెప్టిక్ టూత్ పేస్ట్ లా పని చేస్తాయి. నోటి దుర్వాసన పోగొట్టడంతో పాటు పళ్ళు పుచ్చి త్వరగా రాలి పోకుండా కాపాడుతాయి.కాసిన్ని పుదీనా ఆకులను నీళ్లలో వేసి స్నానం చేస్తే శరీరం ఎంతో ఫ్రెష్ గా ఉంటుంది.

తాజా పుదీనా ఆకులు,ఉప్పు కలిపి మరిగించిన నీటిని పుక్కిలించడం వలన గొంతులోని ఇబ్బందులు తొలగుతాయి. పుదీనా కషాయం గొంతు నొప్పికి మంచి మందులా పని చేస్తుంది. పుదీనా ఆకులను నమలడం వలన పళ్ళు తల తలా మెరుస్తాయి.అందువల్లనే ఔషధ తయారీ సంస్థ లు మెంథాల్ ( పుదీనా నుంచి తీసిన సారం )ఎన్నో రకాల ఔషధాలలో కీలకమైన భాగంగా ఉపయోగిస్తున్నాయి .

పుదీనా లో క్యాన్సర్ నిరోధక గుణాలు ఉన్నాయని పరిశోధనలు నిరూపిస్తున్నాయి. పుదినాలోని ఫైటో న్యూట్రియెంట్స్ పెద్ద ప్రేవులు,ఊపిరితిత్తుల ,చర్మం క్యాన్సర్లను నిరోధించగలవని విశ్వసిస్తున్నారు.

పుదీనా లో విటమిన్ ఎ, సీ తో పాటు తగినంత పీచు పదార్థం ,ఫోలేట్,ఇనుము,విటమిన్ బి 2 వంటి పోషకాలు ఉన్నాయి.

మీరు ఎంతో ఇష్టపడి తాగే కాఫీ, టీ లలోని టానిన్ , కెఫిన్ ల దుష్ప్రభావాలను తగ్గించడానికి తాజా పుదీనా ఉపయోగించడం మంచిదని ఇటీవలి అధ్యయనాలు వెల్లడిస్తున్నాయ్. స్పియర్ మింట్ లేదా పెప్పర్ మింట్ చిన్న కొమ్మల నుండి ఆకుపచ్చని ఆకులు కోసి మీ టీ పాట్ లో వేయండి. మీకు ఇష్టమైన పుదీనా టీ తాగడానికి వాటిని బాగా మరగ నివ్వండి. మరింత ప్రభావ వంతమైన, ఇంపైన రుచి , పరిమళం వచ్చేందుకు 2 నిమిషాలు లేదా అంతకన్నా ఎక్కువ సేపు మరగ నివ్వండి.

గ్రీకు పౌరాణిక గాథ..

పుదీనా గురించి ప్రాచుర్యంలో ఉన్న పౌరాణిక గాథలలో ప్రాచీన గ్రీకుల నమ్మకాలకు సంబంధించిన వృత్తాంతం ఒకటి ఉంది. పుదీనా గొంతులోని ఇబ్బందులను తొలగించి స్ఫుట గాత్రాన్ని ఇస్తుందని , ఎక్కిళ్ళకు మంచి మందుగా పనిచేస్తుంది అని గ్రీకుల నమ్మిక.నిజానికి పుదీనా గ్రీకు పౌరాణిక గాథ లలో ఒక అంతర్భాగం.

ఒక సాంప్రదాయ గాథ ప్రకారం ఫ్లూటో ప్రేయసి మెంథె సహజ లావణ్య సుందరి. ఆమె ఒకమారు ఫ్లూటో భార్య పేర్సే ఫ్లోమ్ పై పట్టరాని ఆగ్రహాన్ని ప్రదర్శించింది. దాంతో మండిపడ్డ ఫ్లూటో భార్య ఎంతో కోపంతో నలుగురి పాదాల కింద నలిగి పోయేలా మెంతే ను ఒక చిన్న మొక్కగా మార్చేసింది.

తిరిగి మనిషిగా మార్చడానికి శక్తి లేని ఫ్లూటో ఆ మొక్క పుదీనా ను ఒక తీయని పరిమళాన్నిచి ఎంతో మృదువుగా మలిచాడు. దానితో పుదీనా ఆకులు ఎక్కడ ఉంటే అక్కడ కమ్మని సువాసనలు విరజిమ్ముతాయి.

ఎయిర్ ఫ్రెషనర్ గా..

పుదీనా ను కుండీలలో పెంచుకోవచ్చు. ఇతర మూలికలతో పాటు దీన్ని నాటవచ్చు. ఇది చీమలను దూరంగా ఉంచే,ఎలుకలు, ఇతర పరుగులతో పోరాడే ఒక మంచి మూలిక. చీమల్ని,ఎలుకలను,పురుగులను పారద్రోలెందుకు కొన్ని పుదీనా ఆకులను ఆహార పదార్థాలకు , పడకకు, వార్డ్ రోబ్ ల దగ్గరలో ఉంచండి.

ఎయిర్ ఫ్రెషనర్ గా వాడచ్చు. ప్రతీ గదిలో ఓషధీ యుత పరిమళం పరివ్యాప్తమౌతుంది. ఇల్లంతా తాజా సువాసన నిండుతుంది. ఉత్సాహకరమైన మిశ్రమాన్ని తయారు చేసేందుకు రోజ్ మేరీ, నిమ్మ గడ్డిలతో పుదీనా ను చేర్చి ఒక పాత్రలో వేసి నీళ్లు పోసి బాగా ఉడికించాలి. తాజా ఆకులుగానో, రసం గానో , ఎండిన ఆకు గానో, తైలం గానో దొరికే పుదీనా ను ప్రత్యేక పద్ధతిలో ఉపయోగించడం వల్ల సరైన రుచి చేకూరుతుంది.

దాన్ని ఏ రూపంలో తీసుకున్నా పుదీనా ఆరోగ్యానికి ఎన్నో రకాలుగా మేలు చేసే ఓషధి. మన పూర్వీకులు ఆరోగ్య ప్రయోజనాల కోసమే ఈ గాఢమైన ఓషధిగా పెంచారు. ఈనాటికీ పిత్తాశయంలో రాళ్ల దగ్గర నుంచి కడుపులో మంట వరకు , మామూలు జలుబు వరకు ఎన్నో వైద్య పరిస్థితులలో జంతు, వృక్ష శాస్త్రజ్ఞులు పెప్పర్ మింట్ ను ఉపయోగిస్తారు.

పుదీనా ను అన్ని రకాల కూరలలో కలగలుపుగా వాడుకోవచ్చు. తాజా పుదీనా ఆకు ఆకుపచ్చగా ఎంతో తాజాగా సువాసనా భరితంగా ఉంటుంది.

దీన్ని ఎన్నో రకాల వంటకాల్లో వాడుకోవచ్చు. పుదీనా తో సలాడ్లు,రైతాలు,జ్యూసులు , ఐస్ క్రీములు,తైలాలు తయారు చేసుకోవచ్చు. ఏ రూపంలో తీసుకున్నా పుదీనా చేసే మేలు ఇంతా అంతా కాదు. ఈ పచ్చని ఆకులు తోడుగా ఉంటే ఏ రోగమూ దరి చేరదు.కాబట్టి హాయిగా తినాలి,ఆరోగ్యంగా జీవించాలి.

కరివేపాకు ఆయుర్వేద ఉపయోగాలు .

వేపాకులా ఉండి కాస్త నలుపు రంగును కలిగి ఉన్నందున కరివేపాకు కృష్ణ నింబా అనే పేరుందిి చేవ తెలుపు గనుక శుక్ల సారమని  అంటారు.చేదు వగరు కారం రుచుల కలయికతో అనేక రకాల జబ్బులకు దివ్య ఔషధంగా పని చేయడమే కాకుండా కొన్ని విషయాలకు విరుగుడుగా కూడా పనిచేస్తుంది. అజీర్ణ వ్యాధులకు దురదలు వంటి చర్మ రుగ్మతలకు చక్కని ఔషధంగా పనికి వచ్చే కరివేపాకు మూల వ్యాధులను కూడా నయం చేయగలుగుతుంది. తాప ఉపశమనాన్ని కలిగించే కరివేపాకు లోని చమురు పదార్థం ఉదరానికి ఎంతగానో మేలు చేస్తుంది పాలతో ఉడికించి కట్టు వేస్తే జంతువుల విశేషాలను కూడా హరించగల గే అవకాశాలున్నాయి. గొప్ప పోషకవిలువలు గల కరివేపాకు చెట్టు ప్రతి ఇంట్లో ఉండి తగినది బియ్యం కడిగిన నీటిని కరివేపాకు మొదట్లో పోస్తే మొక్కలు ఏపుగా ఆరోగ్యంగా పెరుగుతాయి టీ చే సుకున్న తర్వాత మిగిలే పొడిని ఈ చెట్టు మొదట్లో పోస్తే చెట్టు కు బలం చేకూరుతుంది. కలరా తగ్గడానికి కరివేపాకు వైద్యం బాగా ఉపకరిస్తుంది నాలుగు పాళ్ళు ఎండిన కరివేపాకు చూర్ణం లో ఒక పాలు హారతి కర్పూరం ఒక పాలు తుంగముస్తలు చూర్ణం, అంతే మిరియాలు తీసుకుని బాగా నూరి మాత్రలుగా చేసి పెట్టుకుని గంటక ఒకటి చొప్పున తీసుకుంటూ ఉంటే

 కలరా రోగి రుగ్మతలన్నీ మాయమవుతాయి. ఎండుమిరపకాయలు మినప్పప్పు కరివేపాకు నేతిలో వేయించి పొడి కట్టి

 తగినంత ఉప్పు నిమ్మరసం కలిపితే కరివేపాకు కారం తయారు అవుతుంది. ఇది పైత్యాన్ని దూరం చేసి నోటికి రుచిని పుట్టిస్తుంది. కరివేప చిగుళ్ళు, పొట్టుతీసిన మిరియాలు ఉప్పు సమపాళ్లలో తీసుకుని బాగా నూరి మాత్రలుగా చేసుకొని వేసుకుంటూ ఉంటే అజీర్ణం విరేచనాలు తగ్గుతాయి క్రిములు పోతాయి . కరివేప చిగుళ్ళు తింటే విరేచనాలు వాంతులు తగ్గుతాయి. కరివేపాకు ధనియాలు సమపాళ్లలో తీసుకుని చింతపండు ఎండుమిర్చి తగినంత ఉప్పు చేర్చి పొడిగొట్టి పెట్టుకుంటే భోజనంలోకి భలే పసందుగా ఉంటుంది . అన్న హితవుకోల్పోయిన వారికి కూడా ఈ పొడి తో కూడిన భోజనం చాలా ఇష్టంగా ఉంటుంది. కరివేపాకు చెట్లను పెంచితే వాటి చుట్టూ చాలా మొక్కలు పుట్టుకొస్తాయి. వే ర్ల కు కొన్ని గింజలు పడి కొన్ని అలా పుట్టుకొస్తాయి.కరివేపాకు చెట్టు ఆకు ఒక్కటే కాదు దీని వేర్లు మాను చెక్క రసము కషాయం అన్ని ఆరోగ్యాన్ని కాపాడి ఆరోగ్యాన్ని పెంపొందింప చేసేవే. శరీరానికి కాంతి నిచ్చి కఫ రోగాన్ని రక్త గ్రహణి అతిసారాన్ని నిలువరించ గల కరివేపాకు వాతాన్ని హరింప జేస్తుంది. ఇన్ని ఔషధ ఆరోగ్య విలువలు ఉన్నాయి కనుకనే మన వాళ్ళు దీనిని వంటకాల్లో ఒక తప్పనిసరిపదార్థంగా చేశారు. కరివేపాకు కషాయం. రసం గాని కొంచెం వెగటు గా ఘాటైన వాసనతో కూడి ఉండి చలువచేసే స్వభావాన్ని కలిగి ఉంటుంది దీనిని కలిపి వండిన పదార్థాలకు రుచిని సువాసనను కలిగించి తిన్నవారికి ఉదర శుద్ధిని,ఉదర పుష్టిని కలిగిస్తుంది. జఠరాగ్నిని మందగించక కుండా ఉజ్వలంగా వెలిగిస్తూ ఉంటుంది. శరీరంలోని అధిక వేడిని పోగొట్టి బలం కలిగిస్తుంది కఫ రోగాలు గుల్మ్ఆ రోగాలు , విరేచన వ్యాధులు మొలల రోగాలు దారుణమైన అతిసార వ్యాధులు కరివేపాకుతో నశించిపతాయి

 దీనిలో ప్రధానంగా ఆకలి పుట్టించే గుణం విశేషంగా ఉంది కరివేపాకు చెట్ట్టు కు కాచేే పండ్లు నల్లగా తియ్యగాాా ఉంటాయి. కరివేపాకులోోో ఉండే సుగుణాలన్నీ దీని పండ్లలోోో కూడా ఇది శరీరంలోని అతి పైత్యాన్ని హరించి, రక్త్త్త్త దోషాలను హరించేచేను, సమశీతోష్ణస్థితి ని కలిగిస్తుంది. అయితే ఏ కారణం వల్లనో మన రాష్ట్ర ప్రజలు ఈ పండ్లను తినడానికి అలవాటు ఈ పండ్లలో మలమూత్రాల ను సాఫీగా జారీ చేసే గుణం తో పాటు కాలేయానికి పుష్టినిచ్చే సుగుణం కూడా ఉంటుంది.

విష జంతువుల కాట్లు తగ్గడానికి 

కరివేపాకు చెట్టు బెరడును గాని వేరును గాని మంచి నీటితో అరగదీసి ఆ గంధాన్ని పైన లేపనం చేస్తే విష జంతువులు విషం హరించి పోతుంది. అలాగే ఇదే గంధాన్ని చర్మంపైన పోస్తే కురుపులు పండ్లు అనిగిపోతాయి.

వాంతులు విరేచనాలు తగ్గడానికి

కరివేపాకు పచ్చిది గాని లేక నేతిలో వేయించిన ది గాని తగిన మోతాదుగ సేవిస్తుంటే

 రక్త విరేచనాలు వాంతులు పొట్టలో పేరుకున్న విషవాయువులు ఆశ్చర్యకరంగా ఆగపోతాయి.

కరివేపాకు త చేసిన కషాయం కొద్దికొద్దిగా 3,4 సార్లు సేవిస్తుంటే కలరా విరేచనాలు సైతం తగ్గిపోతాయి. అని ఆయుర్వేద మహర్షులు సూచించారు. ఆకు రసం మోతాదు 20 గ్రాములు కషాయం మోతాదు 60 గ్రాములు గా పెద్దలు ఉపయోగించాలి. పిల్లలకు వారి వయసును బట్టి మోతాదు న తగ్గించి ఇవ్వాలి.

స్త్రీ పురుషుల సుఖానికి

సంభోగానికి ముందు పురుషుడు తన అంగానికి కరివేపాకు బెరడును తేనెతో కలిపి అరగదీసిన గంధాన్ని లేపనం చేసుకుని సంభోగంలో పాల్గొంటే ఆ స్త్రీపురుషులకు అమితమైన ఆనందం కలుగుతుంది.

గొంతు పుండు తగ్గడానికి

గొంతులు పుండు పుట్టి బాధపడేవారు కరివేపాకు రసం 20 గ్రాములు మోతాదుగా రెండు పూటలా ఒక చెంచా పంచదార కలిపి నిదానంగా కొద్దికొద్దిగా నోటిలో పోసుకొని మింగుతూ ఉంటే పుండు మానిపోతుంది.

తెల్ల బొల్లి తగ్గడానికి 

నీడలో గాలికి ఆరబెట్టి దంచి నా కరివేపాకు పొడి 50 గ్రాములు సుగంధ పాల వేర్ల పొడి 50 గ్రాములు కండ చక్కెర పొడి 50 గ్రాములు నీడలో ఆరబెట్టి దంచిన గుంటగలగరాకు పొడి 50 గ్రాములు తగినంత తేనె కలిపి బాగా మెత్తగా గుజ్జులాగా నూరి నిల్వచేసుకోవాలి .పూటకు 5 గ్రాముల మోతాదుగా ఆహారానికి అరగంట ముందు లేహ్యాన్ని సేవిస్తూ ఉండాలి .దీనితోపాటు పచ్చి గుంటగలగరాకు రసం మచ్చలపై పట్టించి రెండు మూడు గంటలు ఉంచిన తరువాత స్నానం చేయాలి. ఇలా చేస్తుంటే క్రమంగా తెల్ల మచ్చలు తగ్గిపోతాయి.

కడుపు నొప్పులు తగ్గడానికి

 కరివేపాకు మిరియాలు సమభాగాలుగా తీసుకొని రెండింటినీ కచెం నేతిలో దోరగా వేయించి తగినంత పాత బెల్లం కలిపి బాగా దంచాలి ఆ ముద్దను కుంకుడు గింజలంత మాత్రలుగా చేసుకొని నిలువచేసుకోవాలి. పూటకు ఒక మాత్ర చొప్పున రెండు పూటలా చప్పరిస్తూ ఉంటే కడుపు నొప్పులు కనిపించకుండా పోతాయి.

కడుపులో పసరు కు 

తగినన్ని మిరియాలు తీసుకుని సున్నపు తేట నీటిలో రెండున్నర గంటలపాటు నానబెట్టి నీరు తీసివేసి ఆ మిరియాలను బాగా ఎండబెట్టి తరువాత వాటిని పొడి చేయాలి ఆ పొడితో సమానంగా నీడలో ఆరబెట్టి దంచి కరివేపాకు పొడిని కలపాలి ఆ మొత్తం చూర్ణం లో తగినంత నిమ్మరసం కలిపి కాటుకలా గ మెత్తగా నూరి గురిగింజనత ప్రమాణం ల మాత్రలు కట్టి వాటిని నీడలో బాగా ఆరబెట్టి ఎండిన తర్వాత నిలువ చేసుకోవాలి. ఈ గోలీలను పూటకు రెండు చొప్పున రెండుపూటలా మంచినీటితో సేవిస్తుంటే కడుపులో పెరిగే సమస్య హరించి పతుంది.

నిమ్మ పండుతో ఏల్చూరి, కొండపల్లి ఆయుర్వేద పరిష్కారాలు

1 . విష ప్రభావం తగ్గుటకు ( FOR POISONS )

10 నిమ్మ పండ్ల రసం 
చక్కెర - తగినంత


పై రెండింటిని కలిపి తాగాలి.

ఉపయోగాలు  - గంజాయి మత్తు, నల్ల మందు మత్తు, సర్ప విషం విరిగిపోతుంది.

2 . చలి జ్వరం తగ్గడానికి ( FOR MALARIA FEVER )

నిమ్మ కాయ ముక్కలు
మంచి నీరు  - 3/4 litre

 నిమ్మకాయను సన్నని ముక్కలుగా తరిగి ,గింజలను తీసివేసి ,ఆ ముక్కలలో మంచినీరు కలిపి చిన్న మంటపైన అర్థ పావు లీటర్ కషాయం మిగిలే వరకు మరిగించి దించి  ఒక రాత్రి నిలువ ఉంచాలి..ఉదయమే వడకట్టి తాగాలి. ఈ విధంగా 3,4 రోజులు చేస్తే చలి జ్వరం తగ్గిపోతుంది.

3 . జ్వరం లో నోరు ఎండి పోతుంటే ( FOR DRYNESS OF THE MOUTH DURING FEVER )

చిన్న నిమ్మ కాయ ముక్క 

ముక్కను నోటిలో వేసుకొని ఊరిన రసాన్ని మాటి మాటికి ఉమ్మి వేస్తుంటే నోరు ఎండి పోవడం ఆగిపోతుంది.

4 . వాంతులు తగ్గడానికి ( FOR VOMITINGS )

నిమ్మ తొక్కల బూడిద - చిటికెడు
తేనె - 1 స్పూన్

రసం పిండి వేసిన నిమ్మ తొక్కలను ఎండబెట్టి కాల్చి బూడిద చేసి జల్లించి నిలువ ఉంచుకోవాలి.వాంతులు వచ్చినప్పుడు చిటికెడు బూడిద పొడి ని 1 స్పూన్ తేనె తో కలిపి రోజుకు నాలుగైదు సార్లు నాకుతుంటే వాంతులు కట్టుకుంటాయి.

5 . జిగట విరేచనాలు తగ్గుటకు ( FOR MOTIONS )

2 నిమ్మ పండ్ల రసం 
2 చుక్కల వంటాముదం

 పై వాటిని కలిపి ఉదయం పరగడుపున తాగుతుంటే 5,6 రోజులలోనే జిగట విరేచనాలు తగ్గిపోతాయి.
6 . నిద్ర పట్టడానికి ( FOR INSOMNIA )

ప్రతిరోజు ఉదయం ఒక నిమ్మ పండు రసం, సాయంత్రం ఒక నిమ్మ పండు రసం కొద్ది నీళ్లలో కలిపి తాగుతుంటే నిద్ర బాగా పడుతుంది.

7 . ఒళ్ళు నొప్పులు తగ్గడానికి  ( FOR BODY PAINS )

నిమ్మకాయ తొక్కలు
తినే ఉప్పు

 పై వాటిని నీటిలో వేసి మరగబెట్టి ఆ నీళ్లు గోరువెచ్చగా అయిన తర్వాత స్నానం చేస్తుంటే, ఒళ్ళు నొప్పులు, అలసట తగ్గిపోతాయి.

8 . వెంట్రుకల సమస్యలకు ( FOR HAIR PROBLEMS )

5 నిమ్మ పండ్ల రసం 
కొబ్బరి నూనె - 1/2 లీటరు

 పై వాటిని కలిపి చిన్న మంట పైన నూనె మిగిలే వరకు మరిగించి దించి వడపోసి రోజు తలకు రాసుకుంటుంటే ,తల వెంట్రుకల కుదుళ్లు గట్టిపడి తల నెరవకుండా ఉంటుంది. తలలో పేలు,చుండ్రు హరించిపోయి క్రమంగా తెల్ల వెంట్రుకలు కూడా నల్లబడతాయి.

9 . నాలుక రుచి తగ్గిపోతే ( FOR TASTELESSNESS OF TONGUE )

నిమ్మ పండు పై తొక్క ను నాలుక పైన రుద్దుతూ ఉంటే నాలుక శుభ్రపడి రుచి తెలుస్తుంది.

10 . వంటి పైన పైత్య దద్దుర్లు తగ్గుటకు ( FOR ITCHINGS AND URTICARIA )

నిమ్మ పండు రసం 
కొంచెం నీళ్ళు
కొంచెం పటిక బెల్లం పొడి 

పై వాటిని కలిపి రోజు రెండు మూడు సార్లు తాగుతుంటే దురదలు,దద్దుర్లు తగ్గిపోతాయి.
 11 .తీవ్రమైన దగ్గు తగ్గుటకు( FOR SEVERE COUGH )

నిమ్మ రసం  - 10 gm
నీళ్ళు - 10 gm
తేనె - 10 gm
ఉప్పు - 5 gm

 పై వాటిని కలిపి గోరువెచ్చగా వేడి చేసి, రెండు పూటలా సేవిస్తుండాలి.  తీవ్రమైన దగ్గు తగ్గిపోతుంది.

12 . నోటి దుర్గంధం , పెదాల పగుళ్లు తగ్గుటకు ( FOR BAD ODOUR OF MOUTH AND FOR LIP CRACKS )

తాజా నిమ్మ పండు రసం - 10 gm
పన్నీరు - 20 gm

పై వాటిని కలిపి నోటిలో పోసుకొని ఐదు నిమిషాలు పుక్కిలించి ఊసివేయాలి. ఇలా రోజు రెండు పూటలా చేస్తుంటే నోటి దుర్వాసన, పెదిమల పగుళ్లు తగ్గిపోయి నోరు సుగంధంగా పరిమళిస్తుంది.

13 . ఉబ్బస బాధ తగ్గుటకు ( FOR ASTHMA )

గోరు వెచ్చని టీ - 1 cup
1 నిమ్మ పండు రసం

 పై వాటిని  కలిపి తాగితే తక్షణమే ఉబ్బసం శాంతిస్తుంది.

14 . తేలు విషం తగ్గుటకు ( FOR SCORPION BITE )

నిమ్మ రసం 
ఉప్పు

 పై వాటిని కలిపి తేలు కుట్టిన చోట రుద్దుతుండాలి .వెంటనే విషం విరిగిపోతుంది.

15 . తలనొప్పి , నడుం నొప్పి తగ్గుటకు ( FOR HEADACHE AND LUMBAGO )

 నిమ్మ పండు తొక్కలను నొప్పిగల చోట పిండి ఆ రసంతో మరదనా చేస్తుంటే నడుం నొప్పి,  తల నొప్పి, నరాల నొప్పులు తగ్గిపోతాయి.
16 . చెవి పోటు తగ్గడానికి ( FOR EARACHE )

నిమ్మ పండు చెక్క 
ఉప్పు

చెక్క పైన ఉప్పు చల్లి వేడి చేసి రెండు మూడు చుక్కల రసం చెవుల్లో వేస్తే వెంటనే చెవిపోటు తగ్గుతుంది.

17 . ముక్కు నుండి రక్తం కారడం తగ్గుటకు ( FOR NOSE BLEEDING )

నిమ్మ రసం - 3, 4 చుక్కలు

 ముక్కుల్లో రసం వేస్తే రక్తం కారడం ఆగిపోతుంది.

18 . పడిష భారం తగ్గుటకు ( FOR COLD EFFECT )

 నిమ్మకాయను సగానికి కోసి వాసన చూస్తుంటే పడిశం తగ్గిపోతుంది.

19 . ప్లీహ వృద్ధి తగ్గడానికి ( FOR ENLARGEMENT OF SPLEEN )( BALLA ROGAM )

నిమ్మ పండు రసం - 10 gm
ఉల్లి గడ్డ రసం - 10 gm

 రోజు పరగడుపున పై వాటిని కలిపి తాగుతుంటే పొట్టకుండ లాగా పెరిగే ప్లీహరోగం హరించిిపోతుంది.

20 . పిల్లలు పాలు కక్కుతుంటే 

పాలు కక్కే పిల్లలకు పాలు ఇచ్చే ముందు, ఇచ్చిన తర్వాత కొద్దిసేపటికి 4 చుక్కలు నిమ్మ రసం పిల్లల నోటిలో వేస్తే పాలు కక్కడం ఆగిపోతుంది.

21 . పిల్లలకు మూత్రం సరిగా రాకపోతే ( FOR ABSENT URINATION IN THE CHILDREN )

నిమ్మ గింజలు
నీరు

గింజలను నీటితో మెత్తగా నూరి బొడ్డు పైన పోసి కొద్దిిికొద్దిగా చన్నీళ్ళు పోస్తుంటే మూత్రం ధారాళంగా వస్తుంది.

డా.కొండపల్లి గారి ఆయుర్వేద పరిష్కారాలు.. నిమ్మ కాయ తో..

1 ..విరేచనాలు తగ్గుటకు ( FOR MOTIONS )

నిమ్మ రసం - 1 స్పూన్
సాల్ట్ - చిటికెడు
గోరు వెచ్చని నీరు 

పై వాటిని కలిపి తాగించాలి.

2 . శరీర లావు తగ్గుటకు ( FOR OBESITY )

నిమ్మ రసం - 2 స్పూన్స్
తేనె - 2 స్పూన్స్
వేడి నీరు - 2 స్పూన్స్

పై వాటిని కలిపి రోజూ ఉదయం పరగడుపున సేవించాలి.

3 . దురద , చిడుము , గజ్జి తగ్గడానికి ( FOR ITCHINGS ,SCABIES ETC SKIN DISEASES )

నిమ్మ ఆకులు 
సాల్ట్
పసుపు

నిమ్మ ఆకులలో  ఉప్పు , పసుపు వేసి మెత్తగా దంచి పైకి లేపనం చేయాలి.

4 . గోరు చుట్టు తగ్గడానికి

నిమ్మ కాయ 
సాల్ట్
పసుపు

కాయకు రంధ్రం చేసి ,అందులో ఉప్పు , పసుపు వేసి వేలికి తొడగాలీ.

5 . చర్మ వ్యాధులు తగ్గడానికి ( FOR SKIN DISEASES )

నిమ్మ రసం , తులసి రసం సమానంగా కలిపి లేపనం చేయాలి.

6 .కీళ్ల నొప్పులు తగ్గడానికి ( FOR JOINT PAINS )

నిమ్మ రసం - 2 స్పూన్ లు
వెల్లుల్లి రసం  - 1 స్పూన్

పై వాటిని కలిపి రోజూ 2 సార్లు సేవిస్తుండాలి

7 . పాము కాటు ( FOR SNAKE BITE )

నిమ్మ గింజలు
నీరు 

గింజలను నీటిలో నూరి 2 స్పూన్స్ వెంటనే తినిపించాలి

పెరుగుతో డాక్టర్ కొండపల్లి ఆయుర్వేద పరిష్కారాలు

1. అర్శ మొలలు తగ్గడానికి ( FOR PILES )

 నిత్యం పెరుగు సేవిస్తుండాలి రక్తం స్రవించడం ఆగిపోతుంది లేదా మజ్జిగ సైంధవ లవణం, వాము చూర్ణం కలిపి త్రాగించాలి.

2 . నీళ్ల విరేచనాలు తగ్గుటకు ( FOR LOOSE MOTIONS )

a . ) పెరుగు 
దానిమ్మ ఇగుర్లు 

 పెరుగులో దానిమ్మ ఇగుర్లు కలిపి సేవించాలి

b. ) తెల్ల జీలకర్ర  -  1 స్పూన్
      మజ్జిగ

పై వాటిని కలిపి సేవించాలి .

3 . జిగట విరేచనాలు తగ్గుటకు

పెరుగు లేదా మజ్జిగ
తేనె

పై వాటిని కలిపి సేవించాలి.

4 . శరీరం పైన మంటలు తగ్గుటకు  (  FOR WHOLE BODY BURNS )

ఆవు మజ్జిగ
బట్ట

బట్టలు మజ్జిగలో తడిపి శరీరమంతటా రుద్దాలి.

5 . దీర్ఘకాలిక మలబద్ధకం తగ్గుటకు (  FOR LONG LASTING CONSTIPATION )

ఆవు మజ్జిగ
వాము
బిడా లవణం ( నల్ల ఉప్పు )

 పై వాటిని కలిపి తాగించాలి.

6 . పార్శ్వ నొప్పి ( అర తల నొప్పి )  తగ్గుటకు (  FOR MAIGRAINE )

మజ్జిగ అన్నం 
కండ చక్కెర

పై వాటిని కలిపి ప్రతి రోజు ఉదయం సూర్యోదయానికి ముందే భుజించాలి.

7 . మూత్రం సరిగ్గా రావడానికి ( FOR IMPROPER URINATION )

మజ్జిగ
శుద్ధి చేసిన గంధకం - 1/2 స్పూన్

 పైవాటిని కలిపి త్రాగించాలి

8 .  అజీర్ణం తగ్గుటకు ( FOR INDIGESTION )

మజ్జిగ
ఉప్పు

పై వాటిని కలిపి సేవించాలి

9 . బలం కలగడానికి (  FOR STRENGTH )

పెరుగు
బెల్లం

పై వాటిని కలిపి రోజు ఉదయమే సేవిస్తుండాలి. 

వివిధ రోగాలు.. డా చిరుమామిళ్ళ ఆయుర్వేద పరిష్కారాలు

1 . ఉబ్బసం తగ్గుటకు ( RECIPE FOR ASTHMA )

పచ్చి జిల్లేడు పువ్వులు
మిరియాలు

 పైవాటిని కలిపి నూరి చిన్న చిన్న మాత్రలుగా చేసుకొని పూటకో మాత్ర తింటే ఉబ్బసం తగ్గుముఖం పడుతుంది.

 ఋతుషూల/ముట్టుకుట్టు నొప్పి తగ్గుటకు ( FOR MENSUS PAIN )

చెంగల్వ కోష్ట్ వేర్లు

వేర్లతో డికాషన్ కాచి ఐదు చుక్కలు రెండు చెవులలోను వేసుకుంటే ఋతు శూల షమిస్తుంది

3 . ఎక్కిళ్ళు తగ్గడానికి ( FOR HICCOUGHS )

శొంఠి
బెల్లం

 పై రెండు కలిపి కొద్దిగా నీళ్లు చేర్చి మెత్తగా నూరి బట్టలో కట్టి రెండు లేదా మూడు చుక్కలు ముక్కులో పిండితే ఎక్కిళ్ళు తగ్గుతాయి.

4 . కామెర్లు తగ్గడానికి ( FOR JAUNDICE )

ఆముదం ఆకు ముద్ద  -  అర చెంచాడు
మిరియాల పొడి  - చిటికెడు

 పై రెండింటిని కలిపి మజ్జిగతో తీసుకోవాలి. ఇలా ఐదు రోజులపాటు మూడు పూటలా చేయాలి. కామెర్లు తగ్గిపోతాయి.

5 . కీళ్ల నొప్పులు తగ్గడానికి ( FOR JOINT PAINS )

a . ) పల్లేరు చెట్టు పొడి - 1 భాగం 
శొంఠి పొడి  -  1 భాగం

 పల్లేరు చెట్టును సమూలంగ తెచ్చిగాలికి ఆరబెట్టి మెత్తటి పొడిగా దంచాలి . సొంటి పొడి కలిపి పూటకు అర చెంచా మోతాదుగా రెండు పూటలా వేడి నీటితో తీసుకోవాలి. కీళ్లనొప్పులు తగ్గుతాయి.

b . ) వావిలి వేర్ల చూర్ణం  - 1 గ్రాము
నువ్వుల నూనె  - 2 గ్రాములు

 పై రెండింటిని కలిపి రోజు తింటుండాలి


6 . కాలిలో ముళ్ళు రావడానికి ( THORN IN THE LEG )

బొక్కెన ఆకు - 1 భాగం
బెల్లం  - 1 భాగం

పై వాటిని కలిపి కుంకుడు గింజంత తినాలి. అలాగే దీనిని పైన కట్టు కడితే ముళ్ళు దానంతట అదే బయటకు వచ్చేస్తుంది.
7  .గుండె నొప్పి తగ్గడానికి ( FOR HEART PAIN )

మోడి - 1 భాగం
ఎలక గింజల పొడి  - 1 భాగం

పై వాటిని కలిపి తేనెతో కలిపి తీసుకోవాలి. గుండె నొప్పి ఉపశమిస్తుంది. దీనికి ముందు పూర్తిస్థాయిలో పరీక్షలు చేయించుకోవడం మంచిది.

8 . చర్మ వ్యాధులు తగ్గడానికి సున్ని పిండి ( FOR SKIN DISEASES )

పెసర్లు ( green gram )  - 1 kg
బావంచాలు - 50 gm
కచ్చురాలు  -  50 gm
పసుపు  -  50 gm

పై అన్నింటిని కలిపి సున్ని పిండి తయారు చేసుకొని స్నానానికి వాడుకోవాలి

9 . చుండ్రు తగ్గడానికి ( FOR DANDRUFF )

a . ) నంది వర్ధనం ఆకుల పొడి లేదా  బంతి ఆకుల పొడి 

 పొడిని కొద్ది నీటితో కలిపి  తలకు పట్టించి కొద్దిసేపు అయ్యాక స్నానం చేయాలి. చుండ్రు పోతుంది.

b . ) సపోటా గింజల పొడి 

 పొడిని తలకు పట్టించి స్నానం చేస్తే చుండ్రే కాకుండా పేలు కూడా తగ్గుతాయి.

10 . చెవిలో చీము తగ్గుటకు  (  PUS IN THE EAR )

a . ) మల్లె ఆకుల రసం 
తేనె - కొంచెం

ఆకుల రసాన్ని వడపోసి తేనె కలిపి చెవిలో వేస్తే చీము తగ్గుతుంది.

b . ) రావి ఆకుల రసం 

ఆకులను మెత్తగా నూరి రసం తీసి చెవిలో వేస్తే చీము తగ్గుతుంది.

11 . చెవి నొప్పి తగ్గుటకు ( FOR EARACHE )

a . ) నీరుల్లిపాయల రసం

రసాన్ని కొద్దిగా వేడి చేసి చెవుల్లో చుక్కలుగా వేయాలి.
 నొప్పి, హోరు తగ్గుతాయి.

.b . ) తులసి ఆకుల రసం

 రసాన్ని చెవిలో వేస్తే పోటు తగ్గుతుంది.

12 . దంతాలు గట్టిపడడానికి ( FOR STRONG TEETH )

వెదురు చెట్టు బూడిద

వెదురు చెట్టును సమూలంగా తెచ్చి మండించి కాల్చి తెల్లటి బూడిద అయిన తర్వాత పండ్లు తోముకుంటే దంతాలు గట్టి పడతాయి.

13 . నరాల బలహీనత తగ్గడానికి..  ( FOR NERVOUS WEAKNESS )

a . ) పేను వేప గింజల నూనె  - 10 - 15 చుక్కలు
పాలు

నూనెను పాలలో కలిపి తాగుతుండాలి

b . ) మాల్కంగణి గింజల తైలం - 10 - 15 చుక్కలు
పాలు 

పై రెండింటిని కలిపి తీసుకోవాలి.

14 . ) నీళ్ల విరేచనాలు తగ్గడానికి (  FOR LOOSE MOTIONS )

ఆవాలు
నీరు లేదా తేనె 

ఇనుప గరిటె లో ఆవాలను మాడ్చి , నీళ్లతో గానీ , లేదా తేనె తో కలిపి గానీ  తీసుకుంటే నీళ్ల విరేచనాలు తగ్గుతాయి.

15 . పరిణామ శూల తగ్గడానికి ( FOR STOMACH PAIN AFTER MEAL )

వెల్లుల్లి ఆకుల రసం
తేనె 

 ఆకులను దంచి రసం తీసి, తేనెతో కలుపుకొని తాగాలి. దీనితో పాటు కొన్ని రోజులపాటు కేవలము మజ్జిగ అన్నం మాత్రమే తినాలి.

16 . బలం రావడానికి ( FOR STRENGTH )

చిట్టుడుకు నీళ్ళు
పటిక బెల్లం 

పసి పిల్లలలో బలం పెరగడానికి అన్నం వండేటప్పుడు పొంగే చిట్టుడుకు నీళ్ళను గ్రహించి , తగినంత కండ చక్కెర కలిపి తాగిస్తే చక్కని టానిక్ గా పని చేస్తుంది.


17 . మడిమ శూల తగ్గడానికి (  FOR HEEL PAIN )


నిమ్మ రసం  - 1 భాగం
నువ్వుల నూనె  -  1 భాగం


ప్రతి రోజూ రాత్రి వేడి నీళ్లతో కాళ్ళు, చేతులు కడుక్కొని, తడి లేకుండా తుడుచుకొని , నిమ్మ రసం , నువ్వుల నూనె లను కలిపి పై పూతగా రాసుకోవాలి.

18 . పులి త్రేన్పులు తగ్గడానికి 


శొంఠి పొడి  - 1 భాగం
మిరియాల పొడి  - 1 భాగం
 వేప చెక్క పొడి  -  1 భాగం


పై అన్నింటిని కలిపి, ప్రతి రోజూ అర గ్రాము చొప్పున నీళ్లలో కలుపుకొని  తీసుకోవాలి.

19 . తల నొప్పి తగ్గడానికి  (  FOR HEADACHE  )

పుదీనా పువ్వు  -  1 భాగం
ఓమ పువ్వు  -  1 భాగం
కర్పూరం  - 2 భాగాలు
సోంపు గింజల నూనె -  1 భాగం

పై అన్నింటిని కలిపి నుదురు పైన రాస్తే తల నొప్పి , పడిశం తగ్గుతాయి.

20  . మూత్రంలో మంట తగ్గడానికి (  FOR URINE BURN )

ముత్తవ పులగం ( బల , ముద్ర బెండ ) గింజల  చూర్ణం  -  1/4 స్పూన్

చూర్ణాన్ని నీళ్లతో కలిపి కషాయం కాచి తీసుకోవాలి. 

రేగు పండు తో డా చిరుమామిళ్ళ ఆయుర్వేద ఉపయోగాలు

1 . బహిష్టులో అధిక రక్తస్రావం తగ్గుటకు (  RECIPE FOR EXCESSIVE MENSUS BLEEDING )

రేగు పండ్ల పొడి  - 1 స్పూన్
నీరు  -  1/2 కప్ 

బాగా పండి , ఎండిన రేగు పండ్లను పొడిగా తయారు చేసిన చూర్ణాన్ని ,రోజుకి 1 స్పూన్ చొప్పున  అర కప్పు నీటిలో కలిపి తీసుకోవాలి.

ఉపయోగాలు  -  బహిష్టులో అధిక రక్తం పోవడం తగ్గుతుంది

2 . పిల్లలలో చిరాకు, పెంకి తనం  తగ్గడానికి ( TO CONTROL NOISE OF THE CHILDREN AND TONIC TO THE CHILDREN'S NERVOUS SYSTEM )

ఎండు రేగు కాయలు  -  10 gm
నీరు

కాయలను  నీటిలో వేసి ఉడికించి కషాయం తయారు చేయాలి. దీనిని వడపోసి , ప్రతి రోజూ  ఒక కప్ మోతాదుగా  పిల్లల చేత తాగిస్తుండాలి.

ఉపయోగాలు  - మానసిక చికాకు తగ్గుతుంది. పిల్లల నాడీ మండలానికి టానిక్ లాగా పని చేస్తుంది.

 3 . జలుబు , తల నొప్పి తగ్గడానికి  (  RECIPE FOR COLD AND HEADACHE )

రేగు పండ్ల రసం  -  1 స్పూన్
మిరియాల పొడి  - చిటికెడు  (  1 pinch )

రేగు పండ్ల గుజ్జు పిసికి  , రసం తీసి , మిరియాల పొడి కలిపి  తీసుకోవాలి.

ఉపయోగాలు  -  జలుబు , తల నొప్పి తగ్గుతాయి. 

బఠాణీలతో.. డా చిరుమామిళ్ళ ఆయుర్వేద పరిష్కారాలు

1 . చికెన్ పాక్స్ మచ్చలు తగ్గడానికి  ( FOR CHICKEN POX MARKS AND PIMPLE MARKS  )

బఠాణీలు  -  50 gm
నీరు  - తగినంత


బఠాణీలను పలుకులుగా  నూరి , సరిపడా నీటిలో కలిపి మరిగించి కషాయం తయారు చేసి  , వడపోసి  , నులివెచ్చని కషాయంతో  ముఖాన్ని శుభ్రం చేసుకుంటుండాలి.

ఉపయోగాలు  - పిల్లల్లో చికెన్ పాక్స్ మచ్చలు తగ్గి, మొటిమల మచ్చలు కూడా తగ్గుతాయి

2 . అధిక కొలెస్ట్రాల్ తగ్గుటకు  (  FOR EXCESSIVE CHOLESTEROL  )

పచ్చి బఠాణీలు  -  50 gm
నీరు -  తగినంత

దాల్చిన చెక్క పొడి -  పావు చెంచా
ఉప్పు  -  అర చెంచా
మిరియాలు  -  అర చెంచా


బఠానీలను పలుకులుగా నూరి నీటికి కలిపి మరిగించి కషాయం తయారు చేసుకొని దాల్చిన చెక్క పొడి, ఉప్పు, మిరియాలు పై మోతాదులో కలిపి చారు తయారు చేసుకుని ప్రతిరోజు క్రమం తప్పకుండా తీసుకోవాలి.

ఉపయోగాలు  -  కొలెస్ట్రాల్ తగ్గుతుంది.

3 .  కోపం , ఆందోళన తగ్గడానికి (  FOR ANGRY , ANXIETY )

బఠాణీలు

బటానీలను దోరగా వేయించి కొద్దికొద్దిగా నమిలి తింటుండాలి.

ఉపయోగాలు  -  మనసు తేలిక పడి , ఆందోళన , కోపం తగ్గుతాయి.

4 .  బలం కలగడానికి  (  BODY STRENGTH )

పచ్చి బఠాణీలు లేదా 24 గంటలపాటు నానబెట్టిన మామూలు బఠాణీలు

బఠాణీలు ఉడికించి తీసుకోవాలి.

ఉపయోగాలు - శక్తి వస్తుంది. 

జొన్నలతో.. డా చిరుమామిళ్ళ ఆయుర్వేద పరిష్కారాలు.

1 .ఎండ వేడికి కలిగే నీరసం తగ్గుటకు ( FOR TIREDNESS DUE TO SUMMER HEAT )

జొన్నల పిండి 
చక్కెర
నీరు

జొన్నలను తడిపి వేయిస్తే పేలాలు గా తయారవుతాయి.పేలాలను విసిరి మెత్తని పిండిగా తయారు చేసి , అందులో తగినంత చక్కెర, నీళ్ళు కలిపి జావ మాదిరిగా చేసి తింటుండాలి. జొన్నలను తడిపి వేయిస్తే పేలాలుగా తయారవుతాయి పేలాలను విసిరి మెత్తని పిండిగా తయారుచేసి అందులో తగినంత చక్కెర నీళ్లు కలిపి జావ మాదిరిగా చేసి తింటుండాలి.

ఉపయోగాలు  - అతి వేడి తగ్గడమే కాకుండా , వివిధ వ్యాధులనుండి కోలుకునే పిల్లలకు , వృద్ధులకు ఇది మంచి ఔషధంగా పనిచేస్తుంది.

2 . మధుమేహం లో ఆహారం( FOOD FOR DIABETIC PATIENTS )

పచ్చ జొన్నల రవ్వ

రవ్వతో చేసిన అన్నాన్ని తింటుండాలి.

ఉపయోగాలు  -  వ్యాధి నియంత్రణలో ఉంటుంది.

3 . దేహ దారుఢ్యం కోసం ( FOR STRONG BODY  )

జొన్న రొట్టెలు

రొట్టెలను క్రమం తప్పకుండా తింటుండాలి.

ఉపయోగాలు  - శరీరం లో కొవ్వు చేరడం తగ్గి , శరీరం గట్టిపడుతుంది.

4 . శరీరం లో వేడి తగ్గడానికి (  TO REDUCE HEAT IN THE BODY  )

నీరు
ఉడికించిన బియ్యం
జొన్న పిండి
ఉప్పు

ఒక గిన్నెలో నీటిని మరిగించి   , అందులో ఉడికించిన బియ్యాన్ని, జొన్న పిండిని, ఉప్పునూ  ,ముద్దగా అయ్యేవరకు కలుపుతూ  , ఆ తర్వాత గోరువెచ్చని ముద్దలుగా చేసుకుని లేదా విడిగానైనా తింటుండాలి

ఉపయోగాలు  -  అతి వేడి తగ్గిపోతుంది. 

గాఢ నిద్రకు ఆయుర్వేద పరిష్కారాలు - డా. పెద్ది రమాదేవి.

నిద్రలేమికి డా. పెద్ది రమాదేవి, ఆయుర్వేదిక్ ఫిజిషియన్ గారి సూచనలు.

నిద్రలేమికి శారీరక ,మానసిక రుగ్మతలు, ఒత్తిడి, వాతావరణంలో మార్పులు ,మధ్యాహ్న నిద్ర ,ఆహార అలవాట్లలో మార్పులు, ఎక్కువగా భోంచేయడం, ఉపవాసం ఉండడం, అతిగా టీ ,కాఫీలు తీసుకోవడం, కీళ్ళ నొప్పులు ,మధుమేహం వంటి కారణాలు ఎన్నో. శరీరంలో నీటి శాతం బాగా తగ్గినప్పుడు ఈ సమస్య ఎదురవుతుంది. నిర్లక్ష్యం చేస్తే దీర్ఘకాలికంగా బాధపడాల్సి వస్తుంది.  నిద్రాల్పత వల్ల కలిగిన లక్షణాలు తగిన జాగ్రత్తలు తీసుకుంటే  క్రమంగా దూరమవుతాయి. వేసవిలో తప్ప, ఇతర కాలాల్లో మధ్యాహ్నం నిద్ర మంచిది కాదు. గర్భిణులు, పెద్దలు, అనారోగ్యంతో ఉన్నవారు తప్పనిసరిగా పడుకోవాలి. అలానే వ్యాయామం చేసిన తర్వాత వెంటనే కాకుండా, గంట తర్వాత తిని నిద్రకు ఉపక్రమిస్తే సరిపోతుంది. నిద్రలేమితో బాధపడేవారు పాలు ,పెరుగు ,చెరుకు రసం, అరటి ,ఆపిల్ ,నారింజ, దానిమ్మ ,తీయటి పదార్థాలు వంటివి

 తీసుకుంటే చక్కటి ఉపశమనం లభిస్తుంది. నలుగు పెట్టుకోవడం, గోరువెచ్చటి నీళ్లతో స్నానం చేయడం, నూనెతో తలకు మర్దన చేసుకోవడం వల్ల హాయిగా నిద్ర పడుతుంది . అరిపాదాలను ,లావెండర్ నూనె లేదా తేనెతో గానీ మర్దన చేసినా చక్కగా నిద్ర పడుతుంది.

గోరువెచ్చటి పాలను అరచెంచా అశ్వగంధ చూర్ణం కలిపి ప్రతిరోజు తీసుకోవాలి. రాత్రి భోజనానంతరం పాలలో చిటికెడు జాజికాయ చూర్ణం లేదా బాదంపప్పు ,దాల్చిన చెక్క ,యాలకుల పొడి వేసి తాగాలి .గసగసాలను వస్త్రంలో కట్టి వాసన పీల్చినా ప్రయోజనం ఉంటుంది. జాజిపూలను దిండు కింద పెట్టుకొని 

 పడుకుంటే నిద్ర పడుతుంది. తరచూ ఈ తైలం లేదా బాదం నూనెతో తలకు మర్దన చేసినా ఫలితం ఉంటుంది. ఎన్ని నియమాలు పాటించినా సమస్య తగ్గకపోతే వైద్యుల్ని సంప్రదించాలి.

వెల్లుల్లితో కొన్ని ఆయుర్వేద ఉపయోగాలు

1 . దెబ్బల వల్ల కలిగిన వాపులు తగ్గుటకు ( దెబ్బల వల్ల కలిగిన వాపులు తగ్గుటకు ) ( AYURVEDIC RECIPE FOR SWELLINGS DUE TO WOUNDS )

వెల్లుల్లి రేకలు
ఉప్పు

పై రెండింటిని కలిపి నలిపి  కట్టు కట్టాలి.

ఉపయోగాలు  - వాపు , నొప్పి త్వరగా తగ్గుతాయి.


2 . చెవి పోటు తగ్గాలంటే ( చెవి పోటు తగ్గడానికి)  (  AYURVEDIC RECIPE FOR EAR PAIN )


నువ్వుల నూనె  or  ఆవ నూనె  -  4 చెంచాలు
వెల్లుల్లి రేకలు  -  2


నూనెలో రేకలు వేసి కాచి , చల్లాఎచి ఆ నూనెను  ఒకటి , రెండు చుక్కలు చెవిలో వేసుకోవాలి.


ఉపయోగాలు  -  చెవి పోటు తగ్గుతుంది.


3 . కాళ్ళకు పెట్టుకునే వెండి పట్టాల శీలలు వదులైతే , వాటిని వెల్లుల్లి రసంలో ముంచి తరువాత పెట్టుకుంటే నిలుస్తాయి.


4.బెణికిన చోట వాపు , నొప్పి తగ్గుటకు .


వెల్లుల్లి
సున్నం
పసుపు


పై వాటిని కలిపి బెణికిన చోట కట్టు కట్టాలి.


ఉపయోగాలు  - వాపు , నొప్పి తగ్గుతాయి.


5 .  టైఫాయిడ్ తగ్గటానికి ( AYURVEDIC RECIPE FOR TYPHOID )


వెల్లుల్లి రసం  - 2 టీ స్పూనులు
పండ్ల రసం  - ఒక గ్లాసు


పై వాటిని కలిపి రోజుకు ఐదారు సార్లు తీసుకోవాలి.


ఉపయోగాలు  -  టైఫాయిడ్ తగ్గుతుంది.