కేవలం బచ్చలి కూర తిన్నప్పుడు చర్మం పై దద్దుర్లు , దురద వంటి సమస్యలు రావు. ఐతే బచ్చలి కూర తీసుకున్నప్పుడు ఇతర ఆహార పదార్థాలు ఏం తీసుకుంటున్నారో గమనించాలి. అంతే కాదు కొన్ని కాయ గూరలు, పండ్లు సరిగా కడిగి తీసుకోకపోయినా సమస్య వస్తుంది. ఈ విషయంలో జాగ్రత్తలు తీసుకోవాలి.
బచ్చలి కూరలో విటమిన్ ఏసి కాలయం పీచు పదార్థాలు ఉంటాయి. ఆకుల్లోని జిగురు పేగు పూతను దూరం చేస్తుంది. శరీరానికి చలువనిచ్చ మలబద్ధకాన్ని దూరం చేస్తుంది. పైత్యం ,దగ్గు,శ్లేష్మం వంటి వాటిని తగ్గిస్తుంది.
ఆకులను నూరి కాలిన గాయాల మీద కట్లు కడితే మంటలు తగ్గుతాయి. తలలో వేడి, తల నొప్పి, నిద్రాల్పత,చిరాకు ఉన్నపుడు దీని ఆకులను కాసేపు తలమీద పెట్టీ కాసేపు ఉంచితే తలలోని వేడి , అలసట తగ్గి నిద్ర పడుతుంది.
బచ్చలి ఆకులను బాదం జిగురులో కలిపి చిన్న చిన్న మాత్రలుగా చేసి ప్రతి రోజూ ఒక గ్రాము చొప్పున పుచ్చుకుంటే నోటి నుండి రక్తం రావడం, చిగుళ్ల సమస్యలు తగ్గిపోతాయి.ఐతే బచ్చలి ని అధికంగా తీసుకుంటే శరీరంలో నీరు పేరుకు పోతుంది.అజీర్ణం తలెత్తుతుంది. దీనికి విరుగుడు ఆవాలు,జీలకర్ర ,మజ్జిగ,ఇంగువ.
అలర్జీకి మూడు వారాల పాటు పసుపు రెండు చిటికెలు ,జీలకర్ర మూడు చిటికెలు ,30 ml గోరు వెచ్చని పాలలో కలిపి పుచ్చుకుంటే తగ్గిపోతాయి.
కామెంట్లు లేవు:
కామెంట్ను పోస్ట్ చేయండి