ఉసిరిక చెట్టు - డా ఏల్చూరి ఆయుర్వేద పరిష్కారాలు

ఉరకలు వేసే యౌవన శక్తుల తొలిమెట్టు - ఉసిరిక చెట్టు

ప్రియ పాఠకా! వేదకాలం నుండి త్రిఫలాలలో ఒక ప్రధాన ఫలంగా చేర్చబడిన

ఉసిరిక కాయల చెట్టు భారతీయుల జీవితంతో పెన వేసుకుపోయింది. అనేకరకాల

తిను బండారాలలో, ఆహార పదార్థాలలో సౌందర్య సాధనాలలో ప్రధాన పదార్థంగా ఉసిరిక

చేర్చబడింది. మన ఆయుర్వేద మహర్షులు ఉసిరిక చెట్టుపైన చేసిన పరిశోధనలు గమనిస్తే

మానవులకు వేరే చెట్టుతో అవసరం లేకుండా ఒక్క ఉసిరిక చెట్టు తోనే సంపూర్ణ ఆరోగ్యం

చేకూరగలదని అర్ధమౌతుంది. నిత్యజీవితంలో అనేక విధాలుగా వాడుకోవలసిన ఉసిరిక చెట్టు

గురించి వివరంగా తెలుసుకుందాం.

ఉసిరిక చెట్టు - పేర్లు

సంస్కృతంలో అమలకీ, ధాత్రి అని, హిందీలో

ఆంవలా అని, తెలుగులో ఉసిరిక అని, లాటిన్లో

Phyllanthus Emblica అని ఇంగ్లీషులో Emblica

Myrabolan , ఇండియన్ గూస్ బెర్రీ.

ఉసిరిక - రూప గుణ ప్రభావాలు..

దీని పై బెరడు, ఆకు రసం ,వీటితో కాచిన కషాయం

కొంచెం వెగటుగా, కారంగా, చేదు, పులుపు కూడా

కలిసిన రుచులతో చలువ చేసే గుణం కలిగి

వుంటుంది. వాత, పిత్త, కఫాలను మూడింటిని

హరించి వేస్తుంది.

ఈ చెక్కరసం కుళ్ళిన వ్రణాలను మాన్పుతుంది.

దీని బెరడు ,పసుపు సమంగా తేనెతో కలిపి 10 గ్రా

ఎనిమిది పూటలిస్తే సుఖ రోగం మాయమౌతుంది.

ఉసిరిక పచ్చడి - ఔషధగుణాలు

పండు ఉసిరిక కాయల పచ్చడి ఆదివారం తప్ప

ప్రతిరోజూ ఉదయం, మధ్యాహ్నం ఆహారంలో సేవిస్తూ

వుంటే మేహ శాంతి, పైత్య శాంతి కలుగుతుంది.

అయితే, వాత రోగులు కొత్త ఉసిరికపచ్చడి తిన

కూడదు. పాతది తినవచ్చు. ఇది వీర్యము లోని వేడిని

తగ్గించి శీఘ్ర స్కలనాన్ని ఆపుతుంది.

ఉసిరిక వడియాలు, ఔషధగుణాలు

పండిన ఉసిరిక కాయల రసం, మినప్పప్పు,

తగినంత ఉప్పు కారం కలిపి రుబ్బి చేసిన వడియాలు

చాలా రుచికరంగా వుంటయ్. మూలవ్యాధి, శరీర

తాపం, మేహ రోగం, పైత్యం మొదలైన వ్యాధులున్న

వారికి, లేనివారికి కూడా అనుకూలంగా వుంటయ్.

* చైత్రమాసంలో పండిన ఉసిరికకాయలు

అత్యంత శ్రేష్ఠమైనవి.

రక్త, జిగట విరేచనములను తగ్గించడానికి

ఉసిరిక ఆకులు 50 గ్రాములు, మెంతులు 3 గ్రా.

అరలీటరు మంచినీటిలో వేసి పావు లీటరు కషాయానికి

మరిగించి వడపోసి, ఆ కషాయాన్ని సగం సగం

రెండుపూటలా తాగుతూ వుంటే ఎంతోకాలం నుంచి

బాధ పెడుతూ వున్న రక్త లేదా జిగట విరేచనాల సమస్య 

అతి సులువుగా హరించి పోతుంది.

 

స్త్రీల ఎర్ర బట్ట వ్యాధికి..

 ఉసిరిక కాయల పొడి  ఒక టీ స్పూన్‌, తేనె ఒక టీ స్పూన్‌ కలిపి రెండు పూటలా తింటూ వుంటే ఎర్ర బట్ట తగ్గిపోతుంది. 

స్త్రీల తెల్లబట్ట వ్యాధికి..

 ఉసిరిక పండ్లలో ఉండే గింజలను దంచి పొడిచేసి సమంగా పటిక బెల్లం పొడి కలిపి రెండుపూటలా పూటకు ఒకటీ స్పూన్ మోతాదుగా మంచినీటితో సేవిస్తుంటే తెల్లబట్ట తగ్గిపోతుంది. 

మూత్రాశయ బాధల నివారణకు 

ఉసిరిక కాయల బెరడును మంచినీటితో బాగా మెత్తగా నూరి పొత్తి కడుపు పైన పట్టు వేస్తూ ఉంటే మూత్ర సంచి బాధలు తొలగి పోతయ్‌. 

 మేహ రోగమునకు మేలైన యోగం

 ఉసిరిక కాయల పొడి, మంచి పసుపు సమంగా కలిపి  నిలువ వుంచుకొని రెండుపూటలా అరచెంచా మోతాదుగా

 ఒక చెంచా మంచి తేనెతో కలిపి సేవిస్తూ ఉంటే మేహ రోగాలు హరించి పోతయ్‌. 

గుండెజబ్బులకు గట్టి యోగం..

 ఉసిరిక కాయల బెరడు,పటిక బెల్లం పొడి సమంగా కలుపు  కొని పూటకు 5 (గ్రా మోతాదుగా రెండు పూటలా తింటూ వుంటే క్రమంగా అన్నిరకాల గుండె జబ్బు లు హరించి పోతయ్‌. 

అద్భుతమైన - ఆమ్లా తైలం..

చైత్రమాసంలో పండిన ఉసిరిక పండ్లరసం, అర

లీటరు మంచి కొబ్బరినూనె, అరలీటరు గుంట

గలగరాకు నిజ రసం, నీటితో నూరిన గంధ కచ్చూరాల

ముద్ద 50 గ్రాములు నీళ్ళతో నూరిన వట్టి వేర్లముద్ద 50

గ్రాములు ఇవన్నీ కలిపి ఒక మట్టిపాత్రలోపోసి చిన్న

మంట పైన రసాలన్నీ ఇగిరి పోయి నూనె మిగిలే వరకు

మరిగించి దించి చల్లార్చి నిలువ చేసుకోవాలి. ఇదే

ఆమ్లా తైలం.

దీనిని ప్రతిరోజూ కుటుంబ సభ్యులంతా తలకు

రాసుకుంటూ వుంటే క్రమంగా వెంట్రుకలు గట్టిపడి

నల్లబడి ఊడిన చోట కూడా తిరిగి మొలుస్తూ కేశ

సౌందర్యం ఎల్లప్పుడూ కాపాడబడుతుంది.

* బట్టతల పైన కూడా వెంట్రుకలు మొలుస్తయ్.

పుట్టిన శిశువు - పాలు తాగకుంటే?

ఉసిరిక బెరడు, కరక్కాయ బెరడు, సైంధవ లవణం

సమంగా కలిపిన పొడి ఒక చిటికెడు అనగా రెండు

వేళ్ళకు వచ్చినంత పొడి, ఒక చుక్కతేనె, రెండు చుక్కల

నెయ్యి కలిపి నాలుకకు అంటిస్తే వెంటనే శిశువు పాలు

తాగుతాడు. *

1 . బొల్లి మచ్చలు తగ్గడానికి ( FOR LEUCODERMA )

ఉసిరిక బెరడు - 10 gm
కాచు - 10 gm
నీరు - 1/2 litre
బావంచల podi - 3 gm


బెరడు , కాచు నల్గగొట్టి,నీటిలో వేసి 1/4 లీటర్ కు మరగబెట్టాలి. ఈ కషాయమును 2 భాగాలు చేసి  ఉదయం ,సాయంత్రం 3 gm బావంచల పొడి కలుపుకొని తాగాలి.

ఉపయోగాలు - బొల్లి వ్యాధి తగ్గిపోతుంది.

2 . తల వెంట్రుకలు బాగా పెరగడానికి ( FOR THICK HAIR GROWTH )

ఉసిరి కాయల బెరడు - 1 భాగం
మామిడి టెంకలోని జీడి - 1 భాగం

.పై వాటిని కలిపి మంచినీటితో ముద్దలాగా నూరి వెంట్రుకల కుదుళ్లకు పట్టించి ఆరిన తర్వాత తల స్నానం చేయాలి. ఇలా వారానికి రెండుసార్లు చేయాలి .

 ఉపయోగాలు - తల వెంట్రుకలు దట్టంగా ,గుబురుగా పెరుగుతాయి.

3 . నీళ్ల విరేచనాలు తగ్గుటకు ( FOR LOOSE MOTIONS )

ఉసిరిక బెరడు - 25 gm
మంచి నీరు - 1/2 litre

బెరడును నీటిలో వేసి ,1/4 లీటర్ కషాయం అగునట్లు మరిగించి ,రెండు పూటలా సగం సగం తాగాలి.

ఉపయోగాలు - నీళ్ల విరేచనాలు కట్టుకుంటాయి.

4 . కను గుడ్లు ,నుదురు, తలమాడు , కణతల పోట్లు తగ్గుటకు ( FOR PAINS OF EYE BALLS,FOREHEAD,SCALP,TEMPLES )

ఉసిరి కాయల బెరడు - 1 భాగం
తిప్పతీగ ముక్కలు - 1 భాగం
మంచి నీరు - తగినంత

పై వాటిని కలిపి  మంచి నీటితో  మెత్తగా నూరి ,తలకు పట్టించి 2 గంటల తర్వాత స్నానం చేయాలి.

ఉపయోగాలు - తల లోని దుష్ట వేడి తగ్గిపోయి , కళ్ళకు చలువ చేసి అన్ని నొప్పులు తగ్గిపోతాయి.

5 . ఎండి పోయే పిల్లలకు బలం కలగడానికి ( FOR THIN CHILDREN TO BECOME STRONG )

ఉసిరి కాయల బెరడు
పెరుగు మీది తేట నీరు

 పై వాటిని కలిపి మెత్తగా నూరి శనగ గింజంత మాత్రలు చేసి నీడలో గాలి తగిలేటట్లు పూర్తిగా ఆరబెట్టి నిలువ చేసుకోవాలి. తల్లులు తమ బిడ్డలకు పూటకు ఒక మాత్ర చొప్పున తమ చనుబాలతో రంగరించి తినిపించాలి.

ఉపయోగాలు - ఎండి పోయే పిల్లలు బలంగా ,దృఢంగా అవుతారు.