తరచూ గ్యాస్ట్రయిటిన్ కారణంగా మాటిమాటికీఎక్కువ మందులు వాడవలసి వస్తోంది. ఇలా తిరగపెట్టకుండా ఏదైనా సలహా చెస్తారా?
గ్యాస్ట్రయిటిస్ వ్యాధి కేవలం నోటి ద్వారా మాత్రమే కడు
పులోకి ప్రవేశిస్తోంది. దొంగ ఏదారిన వస్తున్నాడో ఆ దారిని ముందుమూసేయాలి కదా! కాబట్టి ఆహార పానీయాల విషయంలో తగినజాగ్రత్తలు తీసుకోండి. హోటళ్ళలోనూ అలాగే, రోడ్డు పక్కన బళ్ళమీదవి తినటం పూర్తిగా మానేయండి. ఇంట్లో శుచిగా వండినవిమాత్రమే తినండి. త్రాగు నీరుస్వచ్ఛంగా ఉండాలి. వ్యక్తిగత పరిశుభ్రత అవసరం.పుల్లనివి, పులిసినవి, ఊరబెట్టినవిగ్యాస్ట్రయిటిస్ వ్యాధిని తిరగబెడతాయి. కష్టంగా అరిగే పదార్థాలన్నీ ఈ వ్యాధిని పెంచుతాయి. తేలికగా అరిగేవితినాలి. పాలకు బదులు మజ్జిగఎక్కువగాతీసుకోండి. పెరుగుకన్నా చిలికిన మజ్జిగ మంచిది.ఫ్రిజు చల్లదనం తగ్గాకే మజ్జిగతాగండి. ఇడ్లీ, అట్టు, పూరీ,ఉప్మాలకు బదులు, రాత్రివండిన అన్నంలో పాలుపోసితోడు పెట్టి ఉదయాన్నే పులవకముందే తినటం ఉత్తమం. మజ్జిగలో నానబెట్టి కూడా తినవచ్చు. తాలింపు పెట్టి రుచిగా చేసుకోవచ్చు. రోజూబార్లీ జావగానీ, సగ్గుబియ్యం జావగానీ, మరమరాలు లేదా బొరుగులతో జావగానీ కాచుకుని పెరుగు వేసి చిలికిన చిక్కని మజ్జిగ తాగండి. చలవ చేసే వన్నీఈ వ్యాధిని తగ్గిస్తాయి. వేడి చేసేవి పెంచుతాయి. కందికట్టు లేదా పెసరకట్టు
(చింతపండు వేయని పప్పుచారు) అన్నంలో తినండి. అన్ని కూరలు తినదగినవేపులుపు లేనివి, పులుపు కలపకుండా వండినవీ ఈ వ్యాధిని తగ్గిస్తాయి. పులుపుకోసం దానిమ్మగింజలు, వెలగపండు, ఉసిరికాయ నల్లపచ్చడి పరిమితంగాతీసుకోవచ్చు. అల్లం వెల్లుల్లి మసాలాలు అతిగా తినటం వలన, వేపుడు కూరలవలన, ఊరగాయల వలన ఈ వ్యాది తిరగబెడ్తోంది.
