ముల్లంగి ఆకులతో కూర..
ముల్లంగి ఆకులు తినదగినవేనా..ముల్లంగి ఉబ్బసం,శరీరానికి నీరు పట్టటం లాంటి జబ్బుల్లో తినకూడదంటారు నిజమేనా?
* ముల్లంగి రెండు రకాలుగా దొరుకుతుంది. మనకు దొరికేది
చిన్న రకం తెల్ల ముల్లంగి, ఏనుగుదంతంలాగా బాగా తెల్లగా పెద్దదిగాఉండేదిమనకుతక్కువ.జపాన్వాళ్లుదీన్నిదాయికాన్ అంటారు. ఈ పెద్ద ముల్లంగి దుంపలు (బడీ మూలీ) మన చిన్న ముల్లంగిలా చలవచేయవు. వేడి చేస్తాయి. కష్టంగా అరుగుతాయి. అన్ని దోషాలనుపెంచుతాయని భావప్రకాశ వైద్య గ్రంథంలో ఉంది. దాదాపు 20 అంగులాల వైశాల్యం కలిగి 45 కిలోల బరువు ఉండే సకురాజిమాఅనే పెద్ద ముల్లంగి జపాన్లో బాగా పెరుగుతుంది.మనకు14అంగుళాల వరకూ ఉండే చిన్న ముల్లంగి దుంపలే దొరుకుతాయి.
చిన్న ముల్లంగిని మూలీ అంటారు. దీనికి కొద్దిగా కారపు రుచి ఉంటుంది. శరీరంలో వేడిని పుట్టిస్తూనే చలవని
స్తుంది. తేలికగా అరుగుతుంది.దీనితో పాటుగా తిన్న ఇతర ఆహారపదార్థాలు కూడా తేలికగా అరిగేలాచేస్తుంది. వ్యాధులన్నిటిలోనూ తినదగినదిగా ఉంటుంది. గొంతును
శ్రావ్యంగా చేస్తుంది. జ్వరం వదలకుండా వస్తున్నప్పుడు ముల్లంగితోఏదైనా ఆహార ద్రవ్యం చేసి ఇస్తే ఔషధంలా పనిచేస్తుంది.ముల్లంగి, క్యారెట్ లేదా బీట్రూట్ ఒక్కొక్క దుంప, ఒక యాపిల్, జామపండు ఈ మూడింటి జ్యూసు తీసుకుని కొద్దిగా జీలకర్ర/వాము లేదామిరియాల పొడి వేసి ఒక గ్లాసు మోతాదులో తాగితే జ్వరం, దగ్గు, జలుబు,
ఆయాసం తగ్గుతాయి. రోజూ తాగితే రక్తహీనతతగ్గుతుంది. శరీరంలో విషదోషాలు పోతాయి. క్షీణింప చేసే వ్యాధుల్లో ఇది మేలు చేసే మంచి ఫార్ములా!మూత్రం ఎక్కువ అయ్యేలాచేస్తుంది.అందువలననీరుపట్టినవ్యాధుల్లో(ఎడీమా)ఇది మేలు చేస్తుంది. ఇందులో పొటాషియం, కాల్షియం లాంటివి ఎక్కువగాఉంటాయి. కాబట్టి వాటికిసంబంధించిన వ్యాధులు మాత్రమేముల్లంగినివద్దంటారుమనుషులందరూ ముల్లంగిని తినాలి.
ముల్లంగి ఆకుల్ని రాడిష్ గ్రీన్ అంటారు. వీటితో తోటకూర మాదిరిగా పొడికూర వగైరాలన్నీ చేసుకోవచ్చు. ఫ్రెంచి వాళ్లు ఉదయం ఉపాహారంగా తింటారు.అమెరికన్లు ముల్లంగి దుంపల్ని, ఆకుల్ని కూడా చిన్న ముక్కలుగా తరిగి వేపుడు
కూరగా వండుకుంటారు. పెట్రో, సూపుల్లాంటి వంటకాలను కూడా చేస్తారు. వీటికికొద్దిగా చేదు రుచి ఉంటుంది. అందుకని ఇతర ద్రవ్యాలతో కొద్దిగా కలిపి వండుకో
వాలి. లేత ఆకుల్ని మాత్రమే ఎంచుకోవాలి. ముల్లంగి దుంపలను సాధారణంగాఆకులతో సహా అమ్ముతారు కాబట్టి వాటిని కూడా సద్వినియోగపరచుకోవచ్చనీ,
ముల్లంగితో సమానంగా మేలు చేస్తాయనీ దీని భావం.
భావప్రకాశ వైద్య గ్రంథంలోముల్లంగి ఆకులు జీర్ణశక్తిని పెంచుతాయనీ, తేలికగా అరుగుతాయనీ, రుచిగా
ఉంటాయనీ, కొద్దిగా నెయ్యి లేదా మంచినూనె వేసి వేయించితే అన్ని దోషాలనూపోగొడతాయనీ ఉంది. అలా వేయించకుండా తినటం వలన పైత్యం చేస్తుందనీ,
కఫాన్ని పెంచుతుందనీ ఆ గ్రంథం చెప్తోంది.
