గుండె ఆరోగ్యం..వివరాలు..

మన గుండె సుమారుగా మన గుప్పెడంత ఉంటుంది.కానీ మన అనంతమైన ఆశలకు,ఆలోచనలకు అన్నిటికి మించి మన శరీరంలోని సర్వ చైతన్యానికి దాని కదలిక మూలం.

పక్కటెముకలు స్పెరణమ్ అనే గట్టి ఎముకతో ఎదర వెన్నుపూసతో వెనక అతికి నిర్మించ బడ్డ ఒక గట్టి పంజరం లో  రెండు ఊపిరితిత్తుల మధ్య, కొంచెం ఎడమ వైపున కు వంగి కూర్చున్న యోగి మీ గుండె. 

తల్లి గర్భంలో ఉన్నప్పుడే ఆరవ నెల నుండి ప్రారంభించి కడదాకా నిరంతరం నినదించే లబ్ డబ్ ల స్వరంతో సర్వ శరీరపు మూలమూలల తో సందింపబడిన యోగేశ్వరుడు మీ గుండె. 

మనం ఎలా ఉన్నా, మన ఇష్ట ఇష్టాలతో సంబంధం లేకుండా ,నిరంతరం మనం మెలకువ ఉన్నప్పుడు, నిద్రిస్తున్నప్పుడు కూడా తాను ముకిలిస్తూ ,వికసిస్తూ ఉండే ఈ గుండెలో ఏ మాత్రం మార్పు వచ్చిన ,మన జీవితం అస్తిత్వం కోల్పోతుంది.

మన గుండె స్థూల నిర్మాణం జరిగి కొట్టుకొనడం తల్లి గర్భంలో ఆరవ మాసంలో ప్రారంభమవుతుంది అప్పుడు తల్లి ద్రౌహృది, అంటే రెండు గుండెలు కలది అని అర్థం. ఈ గుండె ఒక్క అవయవం కాదు, దాని నుంచి వచ్చే రక్తనాళాలు ,తన దగ్గరకు వచ్చి చేరిన రక్తనాళాల సముదాయము. దీనిని కార్డియో వ్యాస్క్యులర్ సిస్టం అని అంటారు.

ఇంత చిన్న గుండె మీ శరీరంలోని 600 మిలియన్ల జీవ కణాలకు పోషణ అందిస్తోంది.

60 మైళ్ళ దూరం దాకా  ఈ నాళాల నుండి రక్తం ప్రయాణించడానికి కేవలం 90 సెకండ్ లు పడుతుంది. మీ గుండె తన కదలికలతో ,నిరంతరం పంపే రక్తమే శరీరంలోని అన్ని జీవకణాలకి పోషక పదార్థాన్ని, ప్రాణవాయువు ను అందిస్తుంది. అక్కడ ఉండిపోయిన చెడు పదార్థాన్ని తీసుకొని కాలేయం మూత్రపిండాలు ఊపిరితిత్తుల ద్వారా బయటకు పంపిస్తుంది.

మరి ఈ గుండె ఎలా ఉంటుంది ..ఎలా పని చేస్తుంది అంటే..

ఎర్రని ఆపిల్ పండు చుట్టూ దారాలు కట్టి ఉన్నట్లు ఉంటుంది గుండె. గుండె  కుడి భాగం శరీరం నుండి రక్తాన్ని తీసుకొని లంచ్ కు పంపిస్తుంది. అక్కడ మనం ఊపిరి ద్వారా తీసుకున్న గాలిలో ప్రాణవాయువును రక్తం తనలోకి తీసుకుంటుంది. ఈ  ప్రాణ వాయు సహిత రక్తం అక్కడి నుండి గుండె ఎడమ భాగానికి చేరి అక్కడి నుండి సర్వ శరీరానికి పంపు చేయబడుతుంది ఒకే క్రమంలో గుండె చేత.

గుండె ఇరువైపులా పైన కింద రెండు గదులుంటా యి. పై గదిని ఏట్రియం అంటారు. ఇది శరీరం నుండి చెడు రక్తాన్ని తీసుకుంటుంది. కింది గదిని వెంట్రికల్ అంటారు. మంచి రక్తాన్ని శరీరంలోని అన్ని భాగాలకు పంపిస్తుంది. మొదట గుండె కుడివైపు గదికి మలిన రక్తం చేరుతుంది. ఆ గది గోడలు ఒక్కసారి దాన్ని నొక్కికింది గది కుడి వెంట్రికల్ కు పంపుతుంది.అది మళ్ళీ బలంగా నొక్కి దాన్ని ఊపిరి తిత్తులకు పంపుతుంది.

ఎడమవైపు పై గది మంచి రక్తాన్ని అంటే ప్రాణ వాయువైన ఆక్సిజన్ ను కలుపుకున్న రక్తాన్ని లంగ్స్ నుండి తీసుకుంటుంది.దాని గోడలు ఆ రక్తాన్ని కింద గది లెఫ్ట్ వెంట్రికల్ లోకి తోస్తుంది. తిరిగి ఈ గది ముకిలించుకుని మంచి రక్తాన్ని శరీరానికి పంపు చేస్తుంది.

మన గుండెకున్న ఈ లెఫ్ట్ వెంట్రికల్ శరీరనికంతటికి రక్తాన్ని పంపు చేస్తుంది.

మొత్తం దీనంతటిని ఒక ఎలక్ట్రికల్ వ్యవస్థ నిర్వర్తిస్తుంది.

మరి గుండె జబ్బు అంటే ఏమిటి..

గుండె జబ్బులు అనేకం ఉండడం వల్ల నిర్వహించడం కష్టము. గుండెకి రక్తప్రసరణ ఆగుతుంది అనుకోండి దానిని హార్ట్ ఎటాక్ అనవచ్చు. అలాగే ఈ గుండె కావాల్సినంత రక్తాన్ని పంపు చేయడంలో విఫలమవుతుంది అప్పుడు దానిని హార్ట్ ఫెయిల్యూర్ అంటాము. వాల్వులు చెడిపోవడం ,గుండె వాయడం ,గుండెకున్న రక్తనాళాలలో చెడు చేరడం వంటి గుండె వ్యాధులు గుండెకు రావచ్చు. గుండె జబ్బులు రావడానికి రెండు రకాల కారణాలున్నాయి.గుండె లోపలి కారణాలు,గుండె బయటి కారణాలు.

గుండె సొంత కారణాలు.. పుట్టుకలో లోపాలు..గుండె కుడి వైపున ఉండడం... గుండె కవాటాలు లోపంగా పుట్టడం.. గుండె పొరలలో లోపాలు.

వివిధ కారణాల వల్ల గుండెకు రక్తాన్ని అందించే కరోనరీ ఆర్టరీలు చెడిపోవడం. గుండెలో కొద్ది భాగం కొంత సేపు కదలడం, ఆగిపోవడం..

బయట కారణాలు.. తగ్గని బ్లడ్ ప్రెషర్, షుగర్ వ్యాధి, అతిగా లావుగా ఉండడం, ఆస్తమా లాంటి తగ్గని ఊపిరి తిత్తుల వ్యాధులు కలిగి ఉండడం.

కాస్త నడిస్తే ఆయాసం రావడం, మళ్ళీ కొంచెం రెస్ట్ తీసుకుంటే తగ్గడం గుండె బలహీనతకు గుర్తు.

కాళ్ళకు నీరు పట్టడం, ఛాతీ బరువుగా ఉండడం,కడుపు ఉబ్బరించినట్లు ఉండడం , పెదవులు నీలంగా మారడం, తల బరువుగా ఉండడం గుండె జబ్బులకు సూచనలు.

మనం ఏం చేయాలి.. 

గుండెను పదిలంగా చూసుకోవాలి. మనం బరువు పెరగకుండా జాగ్రత్త పడితే సగం గుండె జబ్బులను ఆపుకున్నట్లే... విపరీతమైన మత్తు పానీయాలు తాగడం, మితిమీరిన సెక్స్ చేయడం, మితిమీరి కొవ్వు పదార్థాలు తినడం మానేయాలి. ముఖ్యంగా మోకాళ్ళ నొప్పులుంటే జాగ్రత్తగా నయం చేసుకోండి. అది కూడా గుండెకు చేటు చేస్తుంది.. మీకున్న డయాబెటిస్, బీపీ, ఊపిరితిత్తుల జబ్బులను తగ్గించుకోండి.మానసికమైన ఒత్తిడులు లేకుండా ప్రశాంతంగా ఉండేలా చూసుకోండి.మలమూత్ర వేగాలను అదుపు చేసుకునే ప్రయత్నం చేయకండి. కాకర కాయల రసం ఒక ఔన్స్ ప్రతి రోజూ ఉదయం పూట తీసుకుంటే బ్లడ్ ప్రెషర్ తగ్గుతుంది.. పెద్ద ఉసిరికాయ ల రసం ఒక ఔన్స్ ప్రతి ఉదయం తీసుకుంటే గుండె జబ్బుల నుండి ఉపశమనం కలుగుతుంది. ప్రతి ఉదయం పావు గ్లాసు గోరు వెచ్చని నీటిలో ఒక చెంచా తేనె కలుపుకొని తాగడం మంచిది. . ద్రాక్ష పళ్ళు, కరక్కాయ పెచ్చులు, పటిక బెల్లం సమాన భాగాలుగా తీసుకుని ముద్దగా నూరి ఉదయం ఒక మాత్ర, సాయంత్రం ఒక మాత్ర మంచి నీళ్ళతో తీసుకుంటే గుండె ప్రశాంతంగా, పదిలంగా ఉంటుంది. సుగంధిపాలు, శొంఠి, ధనియాలు వీటి కషాయం ప్రతి రోజూ తీసుకుంటుంటే గుండె జబ్బులు ప్రమాద భరితం కాకుండా ఉంటాయి.